(VOV)_អញ្ជើញជាអធិបតីសន្និសីទទូទាំងប្រទេសអនុវត្តន៍ការងាររៀបចំ ផ្លាស់
ប្តូរថ្មីសហគ្រាសរដ្ឋក្នុងដំណាក់កាលពី ២០១៦-២០២០ នារសៀលថ្ងៃទី៦ធ្នូនាយករដ្ឋមន្ត្រីវៀតណាម លោក Nguyen Xuan Phuc បានអះអាងថា៖ការរៀបចំភាគហ៊ុនភាវូប
នីយកម្មសហគ្រាសរដ្ឋ ជាភារកិច្ចនយោបាយសំខាន់ក្នុងឆ្នាំ២០១៧។ ក្នុងសភាពការណ៍
ទឹកប្រាក់ចំនួន៥លានពាន់លានដុងកំពុងស្ថិតនៅក្នុងទ្រព្យសម្បត្តិ និងទុនរបស់សហ
គ្រាសរដ្ឋនេះគឺជំរុញខ្លាំងដំណើរភាគហ៊ុនភាវូបនីយកម្មនេះមិនគ្រាន់តែជួយឧបត្ថម្ភ
អោយសហគ្រាសផ្លាស់ប្តូរថ្មីរបៀបគ្រប់គ្រងប៉ុណ្ណោះទេ ថែមទាំងជួយឧបត្ថម្ភកាត់បន្ថយ
បរិមាណបំណុលសាធារណះ បង្កើតជំហានផ្លាស់ប្តូរថ្មីខ្លាំងក្លា ក្នុងដំណើការរៀបចំហេដ្ឋា
រចនាសម្ព័ន្ធសេដ្ឋកិច្ចឡើងវិញ ក្នុងដំណាក់កាលថ្មីទៀតផង។
.jpg) |
| ភាគហ៊ុនភាវូបនីយកម្មសហគ្រាសរដ្ឋ៖លើកកំពស់ប្រសិទ្ធភាពការគ្រប់គ្រងសហគ្រាស |
ក្រោយរយៈពេល១៥ឆ្នាំ រៀបចំឡើងវិញ សហគ្រាសរដ្ឋបានថយចុះខ្លាំង ពី៦ពាន់ចុះមកត្រឹតម៧១៨សហគ្រាស នាខែតុលាឆ្នាំ២០១៦។ មុននោះ សហគ្រាសរដ្ឋធ្វើសកម្ម
ភាពក្នុងវិស័យចំនួន៦០នោះ នាបច្ចុប្បន្ន ប្រមូលផ្តុំក្នុងវិស័យចំនួន១៩។ ទោះបីជាបរិ
មាណសហគ្រាសរដ្ឋបានថយចុះក្តី ប៉ុន្តែ អត្រាភាគហ៊ុនភាវូបនីយកម្មនៅទាបនិងទើប
ទទួលបាន៨%តែប៉ុណ្ណោះ។
បទពិសោធន៍នោះគឺត្រូវរៀបចំឡើងវិញ ត្រូវភាគហ៊ុនភាវូបនីយកម្មសហគ្រាស
តាមដំណើការ ចំទិសដៅនិងរបៀប ដើម្បីបង្កលក្ខណះងាយស្រួលអោយសហគ្រាសឯក
ជនរួមគ្នាអភិវឌ្ឍន៍ រួមចំណែកសំខាន់ក្នុងដំណើការបង្ការប្រឆាំងអំពើរពុករលួយ។
សំណូមពរធំចំនួន៣នៃដំណើការកែទម្រង់សហគ្រាសរដ្ឋ
ក្នុងស្ថានភាពជាក់ស្ដែងបានសរអោយឃើញថា៖ ការរៀបចំសហគ្រាសរដ្ឋឡើងវិញក្នុងដំណាក់កាលកន្លងទៅមានការយឹតយាវដោយសារមូលហេតុជាច្រើន ដូចជា៖ ការជំពាក់ជំពិនអំពីរបប របៀបអនុវត្ត និងការរួមសហការរវាងបណ្ដាក្រសួង ស្ថាប័នមិនទាន់បានល្អ។
ចំពោះស្ថានភាពនេះ នាយករដ្ឋមន្ត្រី លោក Nguyen Xuan Phuc បាននាំចេញសំណូមពរចំនួន៣ស្ដីអំពីការរៀបចំសហគ្រាសរដ្ឋឡើងវិញគឺ៖
“ ត្រូវបង្កើតកម្លាំងចលនាខ្លាំងក្លាដើម្បីជំរុញភាគហ៊ុនភាវូបនីយកម្ម និងបង្កើតបរិយាកាសប្រកួតប្រជែងចំពោះសហគ្រាសរដ្ឋ។ សំណូមពរទីពីរគឺមណ្ឌលសហគ្រាសរដ្ឋត្រូវកាត់បន្ថយទ្រង់ទ្រាយ និងបង្កើនប្រសិទ្ធភាព។ ទុនរដ្ឋត្រូវបានធានា និងពង្រីកប្រសិទ្ធភាពល្អថែមទៀត។”
អនុវត្តក្រុមភារកិច្ចំនួន៣
ផ្អែកទៅលើសំណូមពរធំៗចំនួន៣ ដើម្បីរៀបចំសហគ្រាសរដ្ឋឡើងវិញ ក្នុងដំណាក់កាល ២០១៦-២០២០នេះ រដ្ឋាភិបាលត្រូវកំណត់ក្រុមភារកិច្ចស្នូលចំនួន៣។ ដំបូងគឺត្រូវកំណត់វិស័យណាជាវិស័យដែលរដ្ឋត្រូវក្តាប់ជាប់ វិស័យណាដែលរដ្ឋត្រូវដកចេញ។ ក្នុងសកម្មភាពភាគហ៊ុនភាវូបនីយកម្មនេះ គោលដៅសំខាន់បំផុតគឺត្រូវធានាអំពីផលប្រយោជន៍ខ្ពស់បំផុតចំពោះរដ្ឋ មានន័យថា៖លក់តាមតំលៃរបស់ទីផ្សារក្នុងពេលលក់ចេញ។ អនុរដ្ឋមន្ត្រីក្រសួងហិរញ្ញវត្ថុ លោក Tran Van Hieu បានអះអាងថា៖
“ គោលដៅក្នុងគោលនយោបាយគឺភាគហ៊ុនភាវូបនីយកម្មតាមគោលការណ៍ទីផ្សារ ប្រកបដោយតម្លាភាព សមភាព និងធានាការគ្រប់គ្រងអោយបានល្អបំផុត។”
ស្ដីអំពីភារកិច្ចគ្រប់គ្រងបន្ទាប់ពីពេលភាគហ៊ុនភាវូបនីយកម្ម រដ្ឋាភិបាលស្នើអោយអនុវត្តរបៀបឃ្លាំមើលហិរញ្ញវត្ថុ វាយតំលៃប្រសិទ្ធភាពចំពោះសកម្មភាព និងបើកចំហព័ត៌មានហិរញ្ញវត្ថុ។
ការដែលរដ្ឋាភិបាលកំណត់ការរៀបចំ ភាគហ៊ុនភាវូបនីយកម្មសហគ្រាសរដ្ឋ ជាភារកិច្ចនយោបាយមុខព្រួញក្នុងឆ្នាំ ២០១៧ បានសរអោយឃើញនូវការប្តេជ្ញាចិត្តបង្កើតជំហានលោតផ្លោះក្នុងវិស័យនេះរបស់រដ្ឋាភិបាល។តាមនោះទាក់ទាញប្រភពកម្លាំងក្នុងនិងក្រៅប្រទេសចូលរួមអភិវឌ្ឍន៍របស់សហគ្រាស បង្កើតមូលដ្ឋានដើម្បីជំរុញអភិវឌ្ឍន៍សេដ្ឋកិច្ច សង្គមកិច្ច៕