ភ្លាមៗបន្ទាប់ពីរុស្ស៊ីបានទទួលស្គាល់ប្រទេសសាធារណរដ្ឋស្វ័យប្រកាសចំនួនពីរនៅភាគខាងកើតអ៊ុយក្រែនកាលពីថ្ងៃទី២២ ខែកុម្ភៈ ហើយចាប់ផ្តើមប្រតិបត្តិការយោធា ពិសេសនៅអ៊ុយក្រែន លោកខាងលិចបានដាក់ទណ្ឌកម្មយ៉ាងខ្លាំងលើទីក្រុងម៉ូស្គូជា បន្តបន្ទាប់។ ចុងក្រោយបំផុតគឺជាការដាក់ទណ្ឌកម្មទាក់ទងនឹងការចោទប្រកាន់ថា កងទ័ពរុស្ស៊ីបានសម្លាប់ជនស៊ីវិលនៅទីរួមស្រុក Bucha ភាគពាយព្យរដ្ឋធានីគៀវ របស់ អ៊ុយក្រែនកាលពីដើមខែនេះ ទោះបីជាទីក្រុងម៉ូស្គូបានបដិសេធម្តងហើយម្តងទៀតក៏ដោយ។

ដោយមិនអើពើដល់ការពន្យល់របស់រុស្ស៊ីទាក់ទងនឹងការចោទប្រកាន់សម្លាប់ជនស៊ីវិលនៅទីរួមស្រុក Bucha ថា ជាព័ត៌មានក្លែងក្លាយដែលបានអនុវត្តន៍ដោយយុទ្ធ នាការសារព័ត៌មានអរិភាព សំដៅប្រឆាំងនឹងទីក្រុងម៉ូស្គូនោះ ក្នុងសប្តាហ៍ដំបូងនៃ ខែមេសា ប្រទេសអឺរ៉ុបជាច្រើនបានបញ្ជាឲ្យបណ្តេញអ្នកការទូតរុស្ស៊ីជិត ១៥០នាក់ ចេញពីដែនដីរបស់ខ្លួន។

តាមពិតទៅ លោកខាងលិចបានចាប់ផ្តើមបណ្តេញអ្នកការទូតរុស្ស៊ី មុនពេល មានការចោទប្រកាន់អំពី Bucha មកហើយ។ ការបណ្ដេញអ្នកតំណាងការទូតរុស្ស៊ី របស់បណ្តាប្រទេសអឺរ៉ុប តាមពិត ជាការបំពេញបន្ថែមនូវទណ្ឌកម្មដែលលោកខាង លិចបានអនុវត្តន៍ប្រឆាំងនឹងទីក្រុងម៉ូស្គូចាប់តាំងពីថ្ងៃទី ២៤ ខែកុម្ភៈ នៅពេលដែល រុស្ស៊ីចាប់ផ្តើមប្រតិបត្តិការយោធាពិសេសនៅអ៊ុយក្រែន។ តាមការប៉ាន់ប្រមាណថា គិតត្រឹមចុងខែមីនាកន្លងទៅ លោកខាងលិចបានដាក់ទណ្ឌកម្មសរុបជាង ៥.០០០ ប្រឆាំងនឹងរុស្ស៊ី ដែលធ្វើឲ្យរុស្ស៊ីក្លាយជាប្រទេសដែលទទួលរងទណ្ឌកម្មច្រើនជាង គេលើពិភពលោករហូតដល់ពេលនេះ។

អគ្គលេខាធិការអង្គការណាតូ លោក Jens Stoltenberg។ (រូបថត៖ VNA)

មិនត្រឹមតែប៉ុណ្ណោះទេ អគ្គលេខាធិការអង្គការណាតូ លោក Jens Stoltenberg កាលពីថ្ងៃទី៦ ខែមេសា ក៏បានប្រកាសថា ណាតូនឹងស្វាគមន៍ប្រទេសអព្យាក្រឹតទាំងពីរ គឺហ្វាំងឡង់ និងស៊ុយអែត ប្រសិនបើគេសម្រេចចិត្តដាក់ពាក្យសុំចូលរួមអង្គការនេះ។ នេះត្រូវបានចាត់ទុកថា ជាការប្រកាសដែលអាចញ៉ាំងឲ្យជម្លោះជាមួយរុស្ស៊ី ធ្ងន់ធ្ងរឡើង  ពីព្រោះហ្វាំងឡង់មានខ្សែព្រំដែនជាង ១.៣០០ គីឡូម៉ែត្រជាប់ជាមួយ រុស្ស៊ី ហើយប្រទេសនេះបានក្លាយជាប្រទេសអព្យាក្រឹតតាំងពីឆ្នាំ ១៩៤៨ តាមរយៈសន្ធិ សញ្ញាមិត្តភាពដែលបានចុះហត្ថលេខាជាមួយសហភាពសូវៀត (ឥឡូវគឺរុស្ស៊ី)។

នៅចំពោះមុខសម្ពាធជាបន្តបន្ទាប់ពីលោកខាងលិច រដ្ឋាភិបាលរុស្ស៊ីនៅតែបន្ត បង្ហាញជំហរដ៏តឹងតែងនិងឯកភាព។ ថ្លែងនៅលើទូរទស្សន៍បារាំង LCI កាលពីថ្ងៃទី៦ ខែមេសា អ្នកនាំពាក្យវិមានក្រឹមឡាំង លោក Dmitry Peskov បានព្រមានថា ទីក្រុង ម៉ូស្គូមិនលើកលែងលទ្ធភាពកាត់ផ្តាច់ទំនាក់ទំនងការទូតឡើយ ប្រសិនបើបណ្តា ប្រទេសលោកខាងលិចបន្តបណ្តេញអ្នកការទូតរុស្ស៊ី។ លោក Dmitry Peskov បាន ពណ៌នាសកម្មភាពរបស់លោកខាងលិចប្រឆាំងនឹងរុស្ស៊ីនាពេលកន្លងមក ជា "សកម្មភាពអរិភាព" ដោយកត់សម្គាល់ថា សកម្មភាពបែបនេះ "គំរាមកំហែងដល់ការថែរក្សា ទំនាក់ទំនងការទូត" ។ ទោះជាយ៉ាងណាក៏ដោយ អ្នកនាំពាក្យវិមានក្រឹមឡាំង ក៏បាន បញ្ជាក់ផងដែរថា ការរក្សាទំនាក់ទំនងការទូត ជាពិសេសក្នុងបរិបទបច្ចុប្បន្ន គឺ ចាំបាច់។

យោងតាមអ្នកវិភាគអន្តរជាតិ ការកាត់ផ្តាច់ទំនាក់ទំនងការទូតរុស្ស៊ី-លោកខាងលិច គឺជាការវិវឌ្ឍន៍ដ៏គ្រោះថ្នាក់មួយ ពីព្រោះផលវិបាករបស់វា គឺស្មុគស្មាញ ណាស់ ហើយពិបាកទាយទុកជាមុន  ហើយមិនអំណោយផលដល់ស្ថិរភាពពិភពលោក ឡើយ។ ដោយហេតុនេះ ប្រទេសសមាជិកណាតូមួយចំនួន ជាពិសេសទួរគី និង ហុងគ្រី កំពុងដើរតួនាទីយ៉ាងសកម្មជាស្ពានមួយ ដើម្បីដោះស្រាយវិបត្តិ ជួយបន្ធូរ បន្ថយភាពតានតឹងរវាងលោកខាងលិច និងរុស្ស៊ី។ តាមនោះ ទួរគីបានសម្រុះសម្រួល ការចរចារវាងរុស្ស៊ី និងអ៊ុយក្រែននៅទីក្រុងអ៊ីស្តង់ប៊ុល កាលពីថ្ងៃទី ២៩ ខែមីនា កន្លង ទៅ ហើយបច្ចុប្បន្នកំពុងបន្តខិតខំប្រឹងប្រែងសម្រាប់តួនាទីនេះ។

ទន្ទឹមនឹងនេះ ក្នុងនាមជាសមាជិកសហភាពអឺរ៉ុប (EU) និងអង្គការណាតូ នាពេលថ្មីៗនេះ ហុងគ្រីបានស្នើឲ្យ រៀបចំកិច្ចប្រជុំចតុភាគីរួមមាន អាល្លឺម៉ង់ បារាំង រុស្ស៊ី និងអ៊ុយក្រែន នៅទីក្រុង Budapest ដើម្បីស្វែងរកដំណោះស្រាយចំពោះវិបត្តិបច្ចុប្បន្ន។

ក្រៅពីនេះ ប្រទេសអឺរ៉ុបជាច្រើនផ្សេងទៀត ក៏កំពុងបន្តរក្សាកិច្ចសន្ទនា និងកិច្ច សហប្រតិបត្តិការសេដ្ឋកិច្ចជាមួយរុស្ស៊ី ជាពិសេសលើវិស័យថាមពល បើទោះបីជា មានសម្ពាធពីប្រទេសមួយចំនួនទៀតក៏ដោយ។ អាចមើលឃើញថា ការដាក់ទណ្ឌកម្ម ឬការកើនឡើងនៃភាពតានតឹង មិនអាចលើសលុបទាំងស្រុងលើតម្រូវការសម្រាប់កិច្ច សហប្រតិបត្តិការអន្តរជាតិដែលជានិន្នាការជៀសមិនរួចនៅក្នុងបរិបទបច្ចុប្បន្ន៕