(VOV)_សម័យប្រជុំលើកទី១១ -សម័យប្រជុំចុងក្រោយ របស់រដ្ឋសភា នីតិ
កាលទី១៣ ទើបនឹងបានបិទបញ្ចប់ គូសសញ្ញាអំពីអាណត្តិរដ្ឋសភាមួយប្រកប
ដោយសកម្មនិងចំណាប់អារម្មណ៍។ តួរលេខឯកទគ្គកម្ម និងចំណុចថ្មីជាច្រើន
ត្រូវបានកត់សម្គាល់នៅសម័យប្រជុំលើកនេះ។ នេះគឺជាខ្លឹមសារនៃបទសរសេរ
៖រដ្ឋសភាវៀតណាមនីតិកាលទី១៣៖ការទទួលខុសត្រូវ ប្រជាធិបតេយ្យនិងចំ
ណាប់អារម្មណ៍ របស់អ្នកកាសែត Vu Hai អគ្គនាយករង វិទ្យុសម្លេងវៀតណាម
សមាជិកសភានីតិកាលទី១៣។
 |
| រដ្ឋសភាវៀតណាមនីតិកាលទី១៣៖ការទទួលខុសត្រូវ ប្រជាធិបតេយ្យនិងចំណាប់អារម្មណ៍ |
ធ្វើសកម្មភាពក្នុងសភាពការណ៍ តំបន់និងលើពិភពលោកមានបំរ៉ែបំរួលស្មុគ្រ
ស្មាញជាច្រើន ក្នុងប្រទេសមានទាំងឱកាសនិងការលំបាកសាកល្បង រដ្ឋសភាវៀត
ណាម នីតិកាលទី១៣ ដោយមានស្មារតីទទួលខុសត្រូវខ្ពស់ សម្រេចបរិមាណការ
ងារច្រើន អំពីរដ្ឋធម្មនុញ្ញ នីតិប្រតិបត្តិនិងសម្រេចទៅលើបញ្ហាសំខាន់ជាច្រើន និង
បំពេញល្អភារកិច្ចឃ្លាំមើលកំពូលរបស់ខ្លួន។
ចំណាប់អារម្មណ៍អំពីការងារនីតិបញ្ញត្តិ ការឃ្លាំមើលកំពូល សម្រេចចិត្ត
ទៅលើបញ្ហាសំខាន់ៗរបស់ប្រទេសជាតិ
ស្ដីអំពីរដ្ឋធម្មនុញ្ញ នីតិបញ្ញត្តិ រដ្ឋសភាវៀតណាមនីតិកាលទី១៣ បានគូស
សញ្ញាសម្គាល់ជាច្រើន ដោយបានអនុម័តទៅលើច្បាប់ និងក្រមច្បាប់ចំនួនជាង
១០០ ជាបរិមាណច្បាប់ច្រើនបំផុតពីមុនមក។ ទន្ទឹមនឹងនោះ រដ្ឋសភាក៏បាន
សម្រេចការងារកសាងនិងអនុម័តទៅលើរដ្ឋធម្មនុញ្ញ ២០១៣។ រដ្ឋធម្មនុញ្ញនេះ
បានអះអាងនូវការបន្តធានា គោរពសិទ្ធិមនុស្ស សិទ្ធិនិងកាតព្វកិច្ចជាសារវ័ន្ត
របស់ប្រជាពលរដ្ឋ មានការបែងចែក រួមសហការ និងគ្រប់គ្រងរវាងបណ្ដាស្ថា
ប័នរដ្ឋ និងបន្តសុក្រិតបែបបទសេដ្ឋកិច្ចទីផ្សារតាមទិសសង្គមនិយម បង្កើតគ្រឹះ
ដ្ឋាននយោបាយ គតិយុត្តសំខាន់ ដើម្បីបក្សទាំងមូល ប្រជាជនទាំងមូល និងកង
ទ័ពទាំងមូល សម្រេចជោគជ័យគ្រប់គោលដៅអំពីការកសាង ការពារ អភិវឌ្ឍន៍
និងធ្វើសមាហរណកម្មអន្តរជាតិរបស់ប្រទេសជាតិ បង្ហាញនូវការផ្លាស់ប្តូរថ្មីព្រមៗ
គ្នាអំពីសេដ្ឋកិច្ចនិងនយោបាយ ពង្រីកកម្លាំងនៃផែនមហាសាមគ្គីជាតិ ក្រោមការ
ដឹកនាំរបស់បក្សកុម្មុយនីស្តវៀតណាម។
 |
| អ្នកកាសែត Vu Hai អគ្គនាយករង វិទ្យុសម្លេងវៀតណាម សមាជិកសភានីតិកាលទី១៣ |
ចំពោះតួនាទី៖សម្រេចទៅលើបណ្ដាបញ្ហាសំខាន់ៗរបស់ប្រទេសជាតិ រដ្ឋសភា
នីតិកាលទី១៣ បានចេញផ្សាយសេចក្ដីសម្រេចចិត្តសំខាន់ជាច្រើន ក្តាប់ជាប់ស្ថាន
ភាពជាក់ស្ដែង ប្រមូលផ្តុំទប់ទល់ និងកាត់បន្ថយអតិផរណា ស្ថិរភាពម៉ាក្រូសេដ្ឋកិច្ច
ធានាសន្តិសុខសង្គម រៀបចំរចនាសម្ព័ន្ធខឿនសេដ្ឋកិច្ចឡើងវិញ ដើម្បីលើកកំពស់
គុណភាព ប្រសិទ្ធិភាព និងនាំចេញគោលដៅ ភារកិច្ចជាក់ស្ដែងសំរាប់ស្ថាប័ននីតិ
បញ្ញត្តិ នីតិប្រតិបត្តិ យុត្តិធម៌ បង្កើតឡើងការផ្លាស់ប្តូរថ្មីសកម្មនិងប្រសិទ្ធិភាពទៅ
លើគ្រប់វិស័យនៃជីវភាពរស់នៅ សង្គម។
ទាក់ទិនដល់ការងារឃ្លាំមើលកំពូល រដ្ឋសភានីតិកាលទី១៣ បានអនុវត្តខ្លឹម
សារឃ្លាំមើលសំខាន់ជាច្រើន ពីបណ្ដាបញ្ហាម៉ាក្រូសេដ្ឋកិច្ច ដល់បញ្ហាជីវភាពរស់
នៅរបស់ប្រជាជន។ ការសួរដេញដោល និងបំភ្លឺមិនគ្រាន់តែរបានអនុវត្តនៅកិច្ច
ប្រជុំពេញអង្គនានាប៉ុណ្ណោះទេ ថែមទាំងនៅបណ្ដាកិច្ចប្រជុំរបស់គណកម្មាធិការ
អចិន្ត្រៃយ៍រដ្ឋសភា ក្រុមប្រឹក្សាជនជាតិ គណកម្មាធិការនានារបស់រដ្ឋសភាហើយ
បានផ្សព្វផ្សាយតាមវិទ្យុនិងទូរទស្សន៍ ដើម្បីអ្នកបោះឆ្នោតទាំងឡាយអាចតាមដាន។
ក្នុងវិស័យកិច្ចការបរទេស នៅសម័យប្រជុំលើកនេះ រដ្ឋសភាបានរៀបចំជោគជ័យ មហាសន្និបាតអន្តរសភាពិភពលោក លើកទី១៣២ (IPU-132) ។ នេះ
គឺជាសន្និសីទអន្តរជាតិពហុភាគីធំបំផុតដែលវៀតណាមទទួលរៀបចំ។ ការរៀប
ចំ IPU-132 បានបង្ហាញនូវស្មារតីម្ចាស់ការ សកម្ម និងការទទួលខុសត្រូវរបស់
រដ្ឋសភាវៀតណាមក្នុងដំណើការធ្វើសមាហរណកម្មអន្តរជាតិ មិនគ្រាន់តែដើម្បី
ផលប្រយោជន៍ជាតិ ជនជាតិប៉ុណ្ណោះទេ ថែមទាំង ដើម្បីសន្តិភាព កិច្ចសហប្រ
តិបត្តិការ និងការអភិវឌ្ឍន៍របស់សហគមន៍អន្តរជាតិនិងមនុស្សលោកទៀតផង។
សុក្រិតការងារកម្មាភិបាលជាន់ខ្ពស់របស់រដ្ឋសភា រដ្ឋ និងរដ្ឋាភិបាល
រដ្ឋសភាវៀតណាមនីតិកាលទី១៣ ជាអាណត្តិពិសេស ដោយបានជ្រើសតាំង
និងអនុម័តចំនួន២លើក ចំពោះបណ្ដាមុខដំណែងនៃរដ្ឋសភា និងរដ្ឋ។ លើកដំបូង
ក្នុងប្រវត្តិសាស្ត្រ ៧០ឆ្នាំរបស់ខ្លួន រដ្ឋសភាបានមានប្រធានរដ្ឋសភាជានារី គឺលោ
កស្រី Nguyen Thi Kim Ngan ។ និងក៏ជាលើកដំបូង រដ្ឋសភាអនុវត្តការបោះឆ្នោត
ទំនុកទុកចិត្ត ចំពោះអ្នកកាន់ដំណែងដោយរដ្ឋសភាជ្រើសតាំង ឬអនុម័ត។ ការ
បោះឆ្នោតទំនុកទុកចិត្តនេះ បានជួយអោយអ្នកប្រមុខក្រសួង ស្ថាប័នត្រូវខំប្រឹង
ប្រែង ហាត់ពត់លត់ដំ និងលើកកំពស់សមត្ថភាព ប្រសិទ្ធិភាពការងារជានិច្ច។
ទន្ទឹមនឹងលទ្ធផលដែលទទួលបាននេះ នៅមានប្រការមួយចំនួនមិនទាន់
សម្រេច។ នោះគឺការកែសម្រួលកម្មវិធីកសាងច្បាប់ និងបទបញ្ញត្តិ។ ច្បាប់មួយ
ចំនួននៅមិនទាន់ក្តាប់ជាប់ស្ថានភាពជាក់ស្ដែងនៅឡើយ។
អាណត្តិរដ្ឋសភាវៀតណាម នីតិកាលទី១៣ត្រូវបានបិទបញ្ចប់ ដោយមាន
សេចក្ដីសប្បាយរីករាយ និងទំនុកទុកចិត្តអំពីអនាគតរបស់ប្រទេសជាតិ សេចក្ដី
សង្ឃឹមរបស់អ្នកបោះឆ្នោតនានា ចំពោះរដ្ឋាភិបាលថ្មី ដើម្បីលើកកំពស់ជីវភាព
រស់នៅសំរាប់ប្រជាជន ប្តេជ្ញាចិត្តការពាររឹងមាំ ឯករាជ្យ និងបូរណភាពដែនដី
ប្រទេសជាតិ៕