លោកអ្នកនាងជាទីមេត្រី!
ក្រោយរយះពេល ជាង ១ខែ ប្រជុំនៅរដ្ឋធានីហាណូយ នារសៀលថ្ងៃទី ២១
មិថុនា រដ្ឋសភាវៀតណាម នីតិកាលទី ១៣ បានបិទ។ សម័យប្រជុំលើកនេះត្រូវបានវាយតំលៃថា ជោគជ័យ ដោយសារ ក្រៅពីការសម្រេចការងារកសាងច្បាប់ សម័យប្រជុំលើកនេះនៅសម្រេចបញ្ហា សេដ្ឋកិច្ច សង្គម សំខាន់ៗជាច្រើន ដែល អ្នកបោះឆ្នោតបានយកចិត្តទុកដាក់។ អ្នកយកព័តមាន Anh Huyen មានបទសរសេរដោយប្រធានបទ៖ រំលឹកឡើងវិញនូវបណ្ដាសមិទ្ធផលលេចធ្លោ របស់សម័យប្រជុំ លើកទី ៣ រដ្ឋសភាវៀតណាម នីតិកាលទី១៣។
 |
| សម័យប្រជុំ លើកទី ៣ រដ្ឋសភាវៀតណាម នីតិកាលទី១៣(http://dvt.vn/) |
នៅ សម័យប្រជុំដើមដំបូងក្នុងឆ្នាំ ២០១២នេះ រដ្ឋសភាបានចំណាយពេលវេលាជា
ច្រើន សំរាប់សកម្មភាពនីតិបញ្ញត្តិ។ ជាក់ស្ដែង ក្នុងរយះពេល ២៥ថ្ងៃធ្វើការ មាន
១៦,៥ ថ្ងៃ រដ្ឋសភាប្រមូលផ្តុំ ពិនិត្យមើល ពិភាក្សា ផ្តល់មតិ និងអនុម័ត្តលើ បណ្ដា សេចក្ដីព្រាងច្បាប់។ លោក Nguyen Sy Dung អនុប្រធានខុទ្ទកាល័យរដ្ឋសភា វៀត ណាម បានអះអាងថា
“អាចនិយាយបានថា នេះគឺជា សម័យប្រជុំមានបរិមាណការងារច្រើន។ មិនដែល
មាន សម័យប្រជុំណា រដ្ឋសភាអនុម័ត្តលើ សេចក្ដីព្រាងច្បាប់ចំនួន ១៣ និង ផ្តល់មតិអោយសេចក្ដីព្រាងច្បាប់ជាច្រើន ដូចជា នៅសម័យប្រជុំលើកនេះទេ។”
តាមលោក Nguyen Sy Dung ជោគជ័យរបស់សម័យប្រជុំលើកនេះ នៅបានសម្ដែងនូវការកែលំអរយ៉ាងខ្លាំងក្លា សកម្មភាពឃ្លាំមើល របសរដ្ឋសភា កែលំអរអំពីយថាក្រមបែបបទ។ ពិសេស នៅសម័យប្រជុំលើកនេះ រដ្ឋសភាបានចេញផ្សាយសេចក្ដីសម្រេចចិត្តជា
ច្រើន ដូចជា៖ សេចក្ដីសម្រេចចិត្តអំពីគំរោងការបន្តផ្លាស់ប្តូរថ្មី លើកកំពស់គុណភាព
ប្រសិទ្ធភាពសកម្មភាពរបស់រដ្ឋសភា សេចក្ដីសម្រេចចិត្តអំពីការអភិវឌ្ឍន៍សេដ្ឋកិច្ច
សង្គមឆ្នាំ ២០១២…។ល។ ក៏នៅសម័យប្រជុំលើកនេះដែរ រដ្ឋមន្ត្រីចំនួន៤រូប និង ឧបនាយករដ្ឋមន្ត្រីមួយរូប បានតាងនាមរដ្ឋាភីបាល ឆ្លើយការសួរដេញដោលចំនួន ជាង ១៧០សំនួរ របស់សមាជិក សមាជិកាសភាចំនួន ៨៨នាក់ អំពីបណ្ដា បញ្ហាដែលអ្នកបោះឆ្នោតក្នុងទូទាំងប្រទេសយកចិត្តទុកដាក់ ជាមួយស្មារតីពិភាក្សា ស្មោះត្រង់ និងស្ថាបនា។ លោក Nguyen Sy Dung បានអោយដឹងថា៖
“យើងបានតាមដានគ្រប់ថ្ងៃសួដេញដោល អាចឃើញថា បណ្ដាសកម្មភាពសួដេញដោល ប្រមូលផ្តុំទៅលើបណ្ដាបញ្ហាក្តៅគគុកបំផុតរបស់ប្រទេសជាតិ ដែល
កំពុងត្រូវប្រឈមមុខ។ ការសួដេញដោលលើកនេះ បានឆ្លុះបញ្ចាំងនូវ ចង្វាក់ ជីវភាព រស់នៅ បណ្ដាបញ្ហាក្ដៅគគុក ជាប្រចាំនៅខាងក្រៅ។”
នៅសម័យប្រជុំលើកនេះ រដ្ឋសភាក៏បានយកចិត្តទុកដាក់ដល់ការផ្លាស់ប្តូរថ្មីលើកកំពស់គុណភាពសម័យប្រជុំ ក្នុងនោះមានការដែលសមាជិតសភាបានបង្ក លក្ខណៈ ជាច្រើនជាងចំពោះការផ្ដើមគំនិតនិតិបញ្ញាត្តិរបស់ខ្លួន លើកកំពស់តួនាទីរបស់គណៈ កម្មាធិការនានាក្នុងការពិនិត្យថវិការរដ្ឋ មិនត្រឹមតែចំពោះគណៈកម្មាធិការហិរញ្ញវត្ថុ ថវិការរដ្ឋនៃរដ្ឋសភាប៉ុណ្ណទេ។ រាល់ការផ្លាស់ប្តូរថ្មីនេះរួមចំណែកឲ្យសកម្មភាពរបស់ រដ្ឋសភាកាន់តែជាក់ស្ដែងជាង។
 |
| ប្រធានរដ្ឋសភាវៀតណាម Nguyen Sinh Hung (http://www.petrotimes.vn) |
ក្នុងកាលៈទេសៈប្រទេសទាំងមូលកំពុងប្រមូលផ្តុំគ្រប់ប្រភពកំលាំងដើម្បីអនុវត្ត ដ៏ជោគជ័យភារកិច្ចសេដ្ឋកិច្ចសង្គមឆ្នាំ២០១២ក្នុងស្ថានភាពក្នុងប្រទេសនិងអន្តរជាតិ
នៅមានការលំបាកសាកល្បងជាច្រើន នៅសម័យប្រជុំលើកនេះ រដ្ឋសភាក៏ដាក់ ចេញ សំណូមពរសុក្រិដ្ឋនិងអនុវត្តមានប្រសិទ្ធភាពផែនការមេរៀបចំឡើងវិញរចនាសម្ព័ន្ធ ខឿនសេដ្ឋកិច្ចនិងចាត់ទុកនេះជាភារកិច្ចបន្ទាន់របស់ប្រព័ន្ធនយោបាយទាំងមូល។ រួមជាមួយនោះគឺសុក្រិដ្ឋគោលនយោបាយច្បាប់អំពីការបង្កាប្រឆាំងបទល្មើសគ្រោះ
សង្គមធានាបរិយាកាសសុខសាន្តត្រាណដើម្បីអភិវឌ្ឍន៍សេដ្ឋកិច្ចសង្គមនៃប្រទេសជាតិ។ ក្នុងបទថ្លែងមតិបិទសម័យប្រជុំ ប្រធានរដ្ឋសភាវៀតណាម Nguyen Sinh Hung បាន
លើកច្បាស់ថា៖
“ក្រោយពីសម័យប្រជុំនេះភ្លាម គណៈកម្មាធិការអចិន្ត្រៃយ៍រដ្ឋសភា រដ្ឋាភិបាល ផ្នែក
គ្រប់ជាន់ ថ្នាក់ត្រូវកសាងកម្មវិធីផែនការអនុវត្តមានប្រសិទ្ធភាពសេចក្តីសំរេចចិត្តរបស់
រដ្ឋសភា ខំប្រឹងប្រែងសំរេចល្អភារកិច្ចឆ្នាំ២០១២។ រដ្ឋសភាបានអំពាវនាវ ប្រជាជនទូទាំង ប្រទេសអណិកជនវៀតណាមនៅឯបរទេសលើកកំពស់ប្រពៃណីស្នេហាជាតិ រួមចិត្ត
ចែករំលែកជាមួយការប្តេជ្ញាចិត្តធ្វើសកម្មភាពរបស់រដ្ឋសភារដ្ឋាភិបាលដើម្បីឆ្លងផុត ពីការលំបាកសាកល្បង អនុវត្តដ៏ជោគជ័យភារកិច្ចអភិវឌ្ឍន៍សេដ្ឋកិច្ចសង្គមឆ្នាំ២០១២។”
សម័យប្រជុំលើកទី៣រដ្ឋសភានីតិកាលទី១៣បានបញ្ចប់ជាមួយរាល់លទ្ធផលជាក់ស្ដែង។ជាមួយការផ្លាស់ប្តូរថ្មីនៅសម័យប្រជុំលើកនេះអ្នកបោះឆ្នោតទូទាំងប្រទេសអាច ជឿជាក់ ទៅលើរដ្ឋសភាកាន់តែបានអនុវត្តសម័ត្ថកិច្ច ភារកិច្ច សិទ្ធិអំណាចរបស់ខ្លួនមាន ប្រសិទ្ធភាព ជាងជាក់ស្ដែងជាងពីមួយថ្ងៃទៅមួយថ្ងៃ ឆ្លើយតបនឹងសំណូមពរកសាងនីតិរដ្ឋ សង្គមនិយមវៀតណាមរបស់ប្រជាជនដោយសារប្រជាជននិងដើម្បីប្រជាជន៕