(VOV)_វៀតណាមប្តេជ្ញាចិត្តការពារអធិបតេយ្យភាពនិងផលប្រយោជន៍ត្រឹមត្រូវ
នៅសមុទ្រខាងកើត។ សារលិខិតនេះរបស់វៀតណាម ត្រូវបាននាយករដ្ឋមន្ត្រីវៀត ណាម លោក Nguyen Tan Dung នាំចេញក្នុងប៉ុន្មានថ្ងៃដើមឆ្នាំថ្មី២០១៦។ ជាសមាជិក
មានការទទួលខុសត្រូវរបស់អាស៊ាន នាយករដ្ឋមន្ត្រីវៀតណាម លោក Nguyen Tan
Dung បានអះអាងថា៖វៀតណាមនឹងធ្វើអស់ពីកម្លាំងកាយចិត្តរបស់ខ្លួន រួមជាមួយ
ប្រទេសផ្សេងៗក្នុងតំបន់ រួមវិភាគទានចំពោះការពង្រឹងនិងពង្រីកសន្តិភាព ស្ថិរភាព
នៅក្នុងតំបន់ ជាពិសេសគឺនៅក្នុងតំបន់សមុទ្រខាងកើត។
 |
| វៀតណាមប្តេជ្ញាចិត្តការពារអធិបតេយ្យភាពនិងផលប្រយោជន៍ត្រឹមត្រូវនៅសមុទ្រខាងកើត |
សន្តិសុខតំបន់សមុទ្រខាងកើត ក្នុងប៉ុន្មានថ្ងៃដើមឆ្នាំ ២០១៦ កំពុងប្រឈមមុខ
នឹងឧបសគ្គធំមួយជាថ្មីម្តងទៀត ដោយសារ ចិនបានបញ្ជូនយន្តហោះចុះចត់នៅ
លើផ្លូវរត់របស់យន្តហោះនៃកោះថ្ម Chu Thap ចំណុះប្រជុំកោះ Truong Sa របស់
វៀតណាម។ សកម្មភាពនេះរបស់ចិនបានប្រឈមនឹងប្រតិកម្មយ៉ាងខ្លាំងក្លារបស់វៀតណាម និងសហគមន៍អន្តរជាតិ។ រួមជាមួយបណ្ដាសកម្មភាពជួសជុល
ដោយខុសច្បាប់នៅសមុទ្រខាងកើតក្នុងរយៈពេលប៉ុន្មានឆ្នាំកន្លងទៅ កាយវិការថ្មី
នេះរបស់ចិនបានបង្កើនភាពតានតឹងនៅក្នុងតំបន់។
ឆ្នាំ ២០១៥ រលកខ្លាំងនៅក្រោមសមុទ្រខាងកើត
ស្ថានភាពនៅសមុទ្រខាងកើត ឆ្នាំ ២០១៥ មានការផ្លាស់ប្តូរជាសារវ័ន្ត ដោយ
សារចិនបានជំរុញខ្លាំងការកសាងកោះសប្បនិមិត្តដោយទ្រង់ទ្រាយធំ។ សកម្ម
ភាពទាំងនេះរបស់ចិន បានបណ្ដាលអោយសធារណមតិអន្តរជាតិត្រូវឡើងសម្លេង
ប្រឆាំងខ្លាំងក្លា។ ថ្លែងមតិនៅក្នុងសិក្ខាសាលាអន្តរជាតិមួយស្ដីអំពីសមុទ្រខាងកើត
នាខែវិច្ឆិកាកន្លងទៅនៅទីក្រុង Vung Tau លោក Dang Dinh Quy នាយកវិទ្យាស្ថាន
កិច្ចការបរទេសបានអះអាងថា៖
“ ក្នុងឆ្នាំកន្លងទៅ សា្ថនភាពនៅសមុទ្រខាងកើតជាសារវ័ន្តគឺមានស្ថិរភាព
និងសន្តិភាព។ ទោះបីជាគ្មានរលកធំក្តី ប៉ុន្តែរលកក្រោមទឹកគឺនៅតែមានជានិច្ច។
សហគមន៍តំបន់និងអន្តរជាតិ យកចិត្តទុកដាក់ចំពោះសមុទ្រខាងកើតកាន់តែ
ច្រើនពីមួយថ្ងៃទៅមួយថ្ងៃ។ ពីព្រោះថា សមុទ្រខាងកើតបង្កនូវអស្ថិរភាព ប្រសិន
បើគ្មានអំនត់និងគោរពបណ្ដាគោលការណ៍ជាសារវ័ន្តរបស់ច្បាប់អន្តរជាតិ នៃភា
គីនានាឬមិនមានការខំប្រឹងប្រែងប្រកបដោយការទទួលខុសត្រូវរបស់សហគមន៍
អន្តរជាតិនេះទេ គឺជំលោះអាចកើតមានឡើងនៅគ្រប់ពេលវេលា។”
ឆ្នាំ ២០១៥ ក៏ជាឆ្នាំ ដែលបណ្ដាប្រទេសទាក់ទិននានាបានខំប្រឹងប្រែងជា
ច្រើនដើម្បីបង្ការជំលោះ ជំរុញកិច្ចសហប្រតិបត្តិការ។ លើកដំបូង ក្រោយរយៈ
ពេល៩ឆ្នាំពិភាក្សា អាស៊ាននិងចិនទទួលបានកិច្ចព្រមព្រៀងមួយស្ដីពីគោល
ការណ៍អនុវត្តសេចក្ដីថ្លែងការណ៍ស្ដីអំពីប្រតិបត្តិរបស់ភាគីនានានៅសមុទ្រខាង
កើត (COC)។ ប្រទេសទាក់ទិនផ្ទាល់ទៅនឹងជំលោះ ដូចជាវៀតណាម ហ្វីលីពីន
និងចិនបានខំប្រឹងប្រែងជាច្រើនលើវិស័យការទូត។ នៅបណ្ដាវេទិកា សន្និសីទ
ជាផ្លូវការរបស់អាស៊ាន និងរវាងអាស៊ានជាមួយដៃគូនានា សមុទ្រខាងកើតនិង
ការរក្សាសន្តិភាព ស្ថិរភាពនិងអភិវឌ្ឍន៍នៅសមុទ្រខាងកើត បានក្លាយទៅជា
ប្រធានបទសំខាន់ត្រូវបានយកចិត្តទុកដាក់ និងពិភាក្សា ដោយស្មារតីស្ថាបនា។
វៀតណាមប្តេជ្ញាចិត្តការពារអធិបតេយ្យភាពនិងផលប្រយោជន៍ត្រឹមត្រូវនៅ
សមុទ្រខាងកើត
ប្រឈមនឹងឧបសគ្គរួមរបស់តំបន់ និងការគំរាមគំហែងផ្ទាល់ទៅលើអធិប
តេយ្យភាព បូរណភាពដែនដីជាតិ វៀតណាមបានអះអាងយ៉ាងខ្លាំងក្លាថា៖វៀត
ណាមប្តេជ្ញាចិត្តការពារអធិបតេយ្យភាព និងផលប្រយោជន៍ត្រឹមត្រូវរបស់ខ្លួន
ហើយអំពាវនាវអោយដោះស្រាយជំលោះ ការខ្វែងកំនិតដោយសន្តិវិធី គោរព
ច្បាប់អន្តរជាតិ អនុសញ្ញានៃអង្គការសហប្រជាជាតិស្ដីអំពីច្បាប់សមុទ្រ ឆ្នាំ១៩៨២
ប្រឆាំងជំទាស់ការប្រើប្រាស់អំពើហឹង្សា និងគំរាមគំហែងប្រើប្រាស់អំពើហឹង្សា។
ទស្សនះនេះត្រូវបាននាយករដ្ឋមន្ត្រី លោក Nguyen Tan Dung អះអាងជាថ្មី
ម្តង់ទៀត ចំពោះបណ្ដាអង្គទូត ឯកអគ្គរដ្ឋទូត ប្រធានដំណាងអង្គការអន្តរជាតិ
ក្នុងពិធីអបអរសាទរសហគមន៍អាស៊ាន និងឆ្នាំវក អដ្ឋស័ក ២០១៦។
“ វៀតណាមនឹងធ្វើអស់ពីកម្លាំងកាយចិត្តរបស់ខ្លួន រួមជាមួយប្រទេសនានា
ក្នុងតំបន់ ពង្រឹងនិងពង្រីកសន្តិភាព ស្ថិរភាពនៅក្នុងតំបន់ និងសមុទ្រខាងកើត។
ទន្ទឹមនឹងនោះ ស្នើអោយភាគីទាក់ទិននានាត្រូវអនុវត្តយ៉ាងមឺងម៉ាត់ គ្រប់គ្រាន់ និង
មានប្រសិទ្ធិភាពនូវសេចក្ដីថ្លែងការណ៍រួមរបស់ភាគីនានាស្ដីអំពីការប្រតិបត្តិនៅ
សមុទ្រខាងកើត ( DOC) និងពិភាក្សា អនុម័តលើសេចក្ដីក្រមប្រតិបត្តិការរបស់ភា
គីនានានៅសមុទ្រខាងកើត (COC)។ យើងខ្ញុំគោរព ថ្លែងអំណរគុណ និងអំពាវនាវ
អោយសហគមន៍អន្តរជាតិបន្តឡើងសម្លេង និងទង្វើខ្លាំងក្លាថែមទៀត គាំទ្រការ
ខំប្រឹងប្រែងរបស់វៀតណាម របស់អាស៊ាន ដើម្បីសន្តិភាព ស្ថិរភាព គោរពគ្នាទៅ
វិញទៅមក និងគោរពច្បាប់នៅក្នុងតំបន់និងអន្តរជាតិ។”
ដោយស្មារតី កម្លាំងអាស៊ាន និងចក្ខុវិស័យ ២០២៥ ៖ អាស៊ាននឹងបង្កើត
ឡើងគ្រឹះដ្ឋានរឹងមាំ និងកម្លាំងចលករខ្លាំងក្លាយ៉ាងពិតប្រាកដ សំរាប់ការអភិ
វដ្ឍន៍របស់ប្រទេសអាស៊ីអាគ្នេយ៍នានា ប្រកបដោយសន្តិភាព ស្ថិភាព អភិវឌ្ឍន៍
សម្បូរធូធារ។ នេះគឺជាគោលបំណងរបស់ប្រទេសអាស៊ាននិមួយៗ ដែលក្នុង
នោះមានវៀតណាម ហើយវៀតណាមនឹងធ្វើអស់ពីកម្លាំងកាយចិត្តដើម្បីគោល
ដៅនេះដែរ៕