(VOV)_ប្រធានាធិបតីអៀរឡង់ លោក Michael Daniel Higgins កំពុងបំពេញ
ទស្សនកិច្ចថ្នាក់រដ្ឋនៅវៀតណាម តាមសេចក្ដីអញ្ជើញរបស់ប្រធានរដ្ឋវៀតណាម លោក
Tran Dai Quang ។ ត្រូវបានប្រព្រឹត្តទៅចាប់ពីថ្ងៃទី៥ ដល់ថ្ងៃទី១៤វិច្ឆិកា ដំណើរទស្សន
កិច្ចលើកនេះបានគូសសញ្ញាមួយអំពី២០ឆ្នាំការបង្កើតទំនាក់ទំនងការទូត រវាងវៀត
ណាមនិងអៀរឡង់ (១៩៩៦-២០១៦) និងបើកចេញដំណាក់កាលអភិវឌ្ឍន៍ថ្មី ក្នុងទំ
នាក់ទំនងសហប្រតិបត្តិការរវាងប្រទេសទាំងពីរ។
 |
| ស្វែងរកបន្ថែមសក្ដានុភាពនិងឱកាសសហប្រតិបត្តិការរវាងវៀតណាមនិងអៀរឡង់ |
នេះជាដំណើរទស្សនកិច្ចថ្នាក់រដ្ឋ ដំបូងបង្អស់របស់អ្នកប្រមុខរដ្ឋាភិបាលអៀរឡង់នៅវៀតណាម។ ប្រការនេះបានបង្ហាញនូវគោលនយោបាយអាទិភាពរបស់អៀរឡង់ ក្នុង
ការជំរុញទំនាក់ទំនងសហប្រតិបត្តិការជាមួយវៀតណាម។
ចំណុចសំខាន់ក្នុងរយៈពេល២០ឆ្នាំកសាងទំនាក់ទំនងការទូត
វៀតណាមនិងអៀរឡង់បានបង្កើតទំនាក់ទំនងការទូតនាថ្ងៃទី៥មិនាឆ្នាំ១៩៩៦។
ក្រោយរយៈពេល២០ឆ្នាំ បង្កើតទំនាក់ទំនងការទូតមក ទំនាក់ទំនងសហប្រតិបត្តិការ
មិត្តភាពរវាងវៀតណាមនិងអៀរឡង់ ទទួលបានសមិទ្ធិផលជាច្រើន។ ភាគីទាំងពីរ
បានផ្លាស់ប្តូរគណៈប្រតិភូជាន់ខ្ពស់ជាច្រើន និងរួមសហការជិតស្និទ្ធនៅវេទិកាអន្តរ
ជាតិនានា។
ទំនាក់ទំនងពាណិជ្ជកម្មរវាងប្រទេសទាំងពីរត្រូវបានពង្រឹងនិងពង្រីកយ៉ាង
ឆាប់រហ័ស។ ក្នុងឆ្នាំ ២០១៥ ទំហំពាណិជ្ជកម្មទ្វេភាគីទទួលបានជាង៤០០លានដុល្លារ
អាមេរិកតែប៉ុណ្ណោះ តែក្នុងរយៈពេល៨ខែដើមឆ្នាំ២០១៦ ទទួលបានដល់ទៅ៨០០
លានដុល្លារអាមេរិក។ផលិតផលស្នូលរបស់វៀតណាមនាំចេញទៅអៀរឡង់ នោះគឺ៖គ្រឿងឈើ ស្បែកជើង តម្បាញកាត់ដេរ។ នាបច្ចុប្បន្ន អៀរឡង់មានគំរោងការណ៍
វិនិយោគចំនួន១៧នៅវៀតណាម។ រីឯ វៀតណាមជាប្រទេសមួយក្នុងចំណោមប្រ
ទេស៩ នៅទ្វីបអាស៊ី ជាដៃគូអាទិភាពទទួលជំនួយឧបត្ថម្ភអភិវឌ្ឍន៍ពីរដ្ឋាភិបាល
អៀរឡង់។ ប្រភពទុនជំនួយរបស់អៀរឡង់ ផ្តល់អាទិភាពសំរាប់វិស័យកាត់បន្ថយ
ភាពក្រីក្រ អភិវឌ្ឍន៍ផ្នែកឯកជនមេគង្គ ជួយឧបត្ថម្ភធ្វើអន្តរកម្មសេដ្ឋកិច្ច…លៗ
ឆ្នាំ ២០១១ ក្នុងដំណើរទស្សនកិច្ចនៅវៀតណាម របស់រដ្ឋមន្ត្រីក្រសួងពាណិជ្ជ
កម្ម និងអភិវឌ្ឍន៍អៀរឡង់ ភាគីអៀរឡង់ បានប្រកាសយុទ្ធសាស្ត្រជាតិ ស្ដីអំពីកិច្ច
សហប្រតិបត្តិការអភិវឌ្ឍន៍វៀតណាម -អៀរឡង់ ដំណាក់កាល ២០១១-២០១៥ដោយ
មានតំលៃជាង ៥៥លាន Euro។ គោលដៅរួមគឺជួយឧបត្ថម្ភអនុវត្តផែនការអភិ
វឌ្ឍន៍សេដ្ឋកិច្ចសង្គម ដំណាក់កាល ២០១១-២០១៥ របស់រដ្ឋាភិបាល និងនាពេលថ្មីៗ
នេះ រដ្ឋាភិបាលអៀរឡង់ ប្រកាសយុទ្ធសាស្ត្រជាតិអំពីកិច្ចសហប្រតិបត្តិការអភិ
វឌ្ឍន៍ជាមួយវៀតណាម ដំណាក់កាល២០១៧-២០២០។
ក្នុងវិស័យអប់រំ បណ្ដុះបណ្ដាល ប្រទេសទាំងពីរក៏កំពុងជំរុញកិច្ចសហប្រតិ
បត្តិការ។ ក្នុងប៉ុន្មានឆ្នាំកន្លងទៅអៀរឡង់ បានផ្តល់អាហារូបករណ៍ចំនួន១៨៥
ចំណែកសំរាប់វៀតណាម។ សហគមន៍ជនវៀតណាមនៅអៀរឡង់ នាបច្ចុប្បន្នមាន
មនុស្សចំនួនបួនពាន់នាក់ សម្របខ្លួនដ៏ល្អក្នុងប្រទេសសាមីនិងឆ្ពោះទៅស្រុកកំ
ណើតជានិច្ច។
លើវិស័យកសិកម្ម ក្នុងខែកញ្ញាកន្លងទៅ វៀតណាមបានស្នើអោយជំរុញកិច្ច
សហប្រតិបត្តិការលើវិស័យចំនួន៤ជាមួយអៀរឡង់ នាពេលខាងមុខគឺ៖ បណ្ដុះ
បណ្ដាលការ គ្រប់គ្រងខឿនកសិកម្មទំនើប ចែករំលែកបទពិសោធន៍អភិវឌ្ឍន៍
ខឿនកសិកម្មសេរីរាង្គ កសាងប្រព័ន្ធគ្រប់គ្រងម្ហូបអាហារកសិផលប្រកបដោយសុវត្ថិភាព។
 |
| ស្វែងរកបន្ថែមសក្ដានុភាពនិងឱកាសសហប្រតិបត្តិការរវាងវៀតណាមនិងអៀរឡង់ |
បើកចេញដំណាក់កាលសហប្រតិបត្តិការថ្មី
ក្នុងដំណើរបំពេញទស្សនកិច្ចនៅវៀតណាមលើកនេះ ប្រធានាធិបតីអៀរឡង់
លោក Michael Daniel Higgins មានជំនួបសន្ទនាជាមួយប្រធានរដ្ឋវៀតណាម និង
ថ្នាក់ដឹកនាំផ្សេងៗរបស់វៀតណាម។ តាមគំរោង ក្នុងឱកាសនេះដែរ ប្រទេសទាំងពីរ
នឹងចុះហត្ថលេខាលើឯកសារសហប្រតិបត្តិការនានា ក្នុងវិស័យអប់រំ បណ្ដុះបណ្ដាល
និងគំរោងការណ៍អភិវឌ្ឍន៍ថាមពលកកើតឡើងវិញ (ថាមពលខ្យល់) នៅខេត្ត Binh
Thuan និង Soc Trang ដោយសហគ្រាសអៀរឡង់ វិនិយោគ។
ដំណើរទស្សនកិច្ចលើកនេះនៅវៀតណាម របស់ប្រធានាធិបតីអៀរឡង់ លោក
Michael Daniel Higgins បានប្រព្រឹត្តទៅក្នុងឱកាសរំលឹកខួបអនុស្សាវរីយ៍ លើកទី
២០ទិវាបង្កើតទំនាក់ទំនងការទូត បានបង្ហាញច្បាស់នូវទំនុកទុកចិត្តខាងនយោ
បាយខ្ពស់ រវាងប្រទេសទាំងពីរ។ ដំណើរទស្សនកិច្ចមិនគ្រាន់តែពង្រឹងនិងពង្រីក
ថែមទៀតទំនាក់ទំនងសហប្រតិបត្តិការជាមួយវៀតណាម ជាពិសេសគឺក្នុងវិស័យពាណិជ្ជកម្ម វិនិយោគ សហប្រតិបត្តិការអភិវឌ្ឍន៍ និងអប់រំ បណ្ដុះបណ្ដាលប៉ុណ្ណោះ
ទេ ថែមទាំងបើកចេញដំណាក់កាលអភិវឌ្ឍន៍ថ្មី ជាក់ស្ដែង និងប្រសិទ្ធិភាពថែមទៀត
ក្នុងទំនាក់ទំនងរវាងប្រទេសទាំងពីរ៕