VOVWORLD_ការជួញដូរជលផលនិងធ្វើចំការបាននាំមកនូវប្រាក់ចំណេញ
យ៉ាងខ្ពស់ជូនគ្រួសារលោក Ha Tan Tam ជាកសិករគំរូថ្នាក់ជាតិនៅឃុំ Thoi Thanh
សង្កាត់ Thoi An ខណ្ឌ​ O Mon ក្រុង​ Can Tho។​ លោកជាជនគំរូអំពីការខិត​ខំប្រឹង​
ប្រែងឆ្លងកាត់ការលំបាក​ ឈាន​ឡើង​សំរេចជោគជ័យ ព្រមទាំងជួយ​ឧបត្ថម្ភដល់
ប្រជាពលរដ្ឋក្រីក្រទៀតផង។ 

        មុននេះ២០ឆ្នាំ លោក Ha Tan Tam ចាប់ផ្ដើមធ្វើការរកស៊ីពីបាតដៃទទេ។
ក្រោយ​ពី រៀបការមក លោកនិងប្រពន្ធបានធ្វើគ្រប់ការងារពីការស៊ីឈ្នួលដឹកស្រូវ
ឲ្យគេ រហូតដល់​ជួញ​ដូរផ្លែឈើដើម្បីមានប្រាក់ចិញ្ចឹមកូនៗ។ ពេលមានដើមទុន
ហើយលោកជីកស្រះចិញ្ចឹម​ត្រីប្រា ចំពេលដែលការចិញ្ចឹមត្រីរំអិលនៅតាមដងទន្លេ
 Hau​ កំពុងអភិវឌ្ឍន៍យ៉ាង​ខ្លាំងក្លា​នោះ។  ដោយ សារការឧស្សាហ៍ព្យាយាមរៀន
សូត្របទពិសោធន៍ចិញ្ចឹមត្រីពិនិងមានទំនាក់ទំនង ល្អជាមួយក្រុមហ៊ុននាំចេញ
ជលផល Hung Vuong បានជាការរកស៊ីរបស់គ្រួសារលោក​មាន​ស្ថិរភាពជា
បណ្ដើរៗ។ មានប្រាក់ លោកបើកទូលាយស្រះចិញ្ចឹមត្រីព្រមទាំងទិញបន្ថែមដី​ធ្លី​ 
ចំការដាំដុះដើមឈើហូបផ្លែទៀត។ នាឆ្នាំ២០០៧​ - ២០០៨របរចិញ្ចឹមត្រីរំអិលជួប
ការលំបាក​តែ​ដោយសារ​ចេះគិតគូនិងត្រូវបានអតិថិជនទុកចិត្តបានជាគ្រួសារលោក
នៅតែ​រកបាន​ចំណូល​ស្ថិរភាពពីផលត្រីចិញ្ចឹមក្នុងស្រះមានផ្ទៃទឹក ចំនួន៥​ហិកតា
​ ផ្លែឈើលើផ្ទៃដី៨ហិកតា​និងសេវា​ដឹក​ជញ្ជូន​ចំណី​ចិញ្ចឹមជលផលជាមួយទូក​ចំនួន
​១២គ្រឿង។សេវាកម្មរបស់លោក​បាន​បង្កើត​​​ការងារជូនពលករចំនួនជិត១០០នាក់។
 លោក Ha Tan Tam បានឲ្យដឹងថា ​រូបមន្ដនាំមក​នូវ​ជោក​​​ជ័យ​គឺត្រូវតែសិក្សារៀន
សូត្រដោយខ្លួន​ឯង​ជានិច្ចព្រមទាំងដក​ពិសោធន៍​និងផ្លាស់​ប្ដូរវិធី​រកស៊ីឲ្យសមស្រប
នឹងស្ថានភាពជាក់ស្ដែង។ លោកបានថ្លែងថា

   “​ ខ្ញុំតែងតែសិក្សាស្រាវជ្រាវនិងរៀនបទពិសោធន៍ពីគេបានជាការងាររកស៊ីឆ្នាំ​
ក្រោយ​ទទួល​បានលទ្ធផលល្អជាងឆ្នាំមុន។ រកបានចំណេញហើយខ្ញុំយកប្រាក់នោះ
ទៅទិញដីធ្លី។ ​នាពេលការចិញ្ចឹមត្រីចុះឡើងនោះគឺខ្ញុំដូរទៅធ្វើសេវាកម្មដឹកជញ្ជូន
ចំណីសត្វនិងបូមភក់ស្ដារបាតស្រះវិញ។ នាគ្រាដំបូងគ្រួសារខ្ញុំមិនឯកភាពគ្នាដោយ
សារការបើកសេវាត្រូវការប្រាក់យ៉ាងច្រើន។ ក្រោយមកយើងខ្ញុំបានប្ដេជ្ញាវិនិយោក
និងផ្លាស់ប្ដូររូបសណ្ថានផលិតកម្មដោយសំរេចបានជោកជ័យ”។

        ចំពោះសហគមន៍ប្រជាជននៅសង្កាត់ Thoi An ខណ្ឌ​ O Mon លោក Ha
 Tan Tam ​ជាមួយរូបដែល រួមវិភាគទានយ៉ាងសកម្មទៅក្នុងការងារមនុស្សធម៏
សង្គម។​ លោកតែងតែជួយជ្រោមជ្រែងគ្រប់ចលនាកសាងស្រុកទេស ជួយឧបត្ថម្ភ
អ្នកក្រីក្រនៅនឹងតំបន់ព្រមទាំងធ្វើសកម្មភាពសម្បុរសធម៏នៅទីក្រុងCan Tho ខេត្ត
 Tien Giang និងក្រុង​ហូជីមិញទៀតផង។ ក្នុងរយៈពេល៥ឆ្នាំកន្លងទៅនេះលោក
បានផ្ដល់ទឹកប្រាក់ចំនួន១ពាន់លានដុងសំរាប់ការងារសម្បុរសធម៏។

លោក Ha Tan Tam ជាគំរូកសិករផលិតកម្មពូកែអាជីវកម្មពូកែដោយបានជ្រើសរើសជាកសិករមួយរូបក្នុងចំណោមកសិករគំរូ៥០រូបក្នុងទូទាំងប្រទេសឆ្នាំ២០១៥

         ដោយសារការខិតខំឆ្លងកាត់ការលំបាកដើម្បីពង្រីកផលិតកម្ម ធ្វើមានបាន
សំរាប់ខ្លួនឯងនិងសកម្មចូលរួមចំណែកកសាងស្រុកទេស ជួយអ្នកក្រីក្រនោះ 
លោក Ha Tan Tam ត្រូវបានរដ្ឋអំណាចសង្កាត់ Thoi An ជូនកិត្តិនាមជា ជនគំរូក្នុង
ចលនាប្រលងប្រណាំង​ស្នេហា​​ជាតិ។​ តាម លោក Nguyen Van Chung ជា
កម្មាភិបាលគណៈកម្មាធិការប្រជាជន​សង្កាត់ Thoi An ខណ្ឌ​ O Mon បានឲ្យដឹងថា

  “លោក Ha Tan Tam  មានការរួមវិភាគទានជាច្រើនសំរាប់សង្គម។ ​លើវិស័យ​
គមនាគមន៍ជនបទ​លោកបាន​រួមវិភាគទាន​នូវប្រាករាប់រយលានដុងដើម្បីកសាង
ផ្លូវ​និង​ស្ពាន។ លើវិស័យសន្តិសុខសង្គម​ លោកបានរួមចំណែកសាងសង់ផ្ទះ
កុសលទាន។ ​ជា​រៀងរាល់ឆ្នាំ​ក្នុងឱកាសចូលឆ្នាំ​ឬពិធីបុ​ណ្យទាននានា លោកតែង
តែផ្ដល់អង្ករ ស្ករ ប៊ីចេង​ ប្រេងជូនក្រុមគ្រួសារក្រីក្រ។​  គណៈ​កម្មាធិការប្រជាជន​
សង្កាត់បានស្នើ​ខណ្ឌនិងក្រុងឲ្យ​លើក​សសើ​រចំពោះលោក Ha Tan ​Tam​ ឆ្នាំ២០១៥
ព្រមទាំងស្នើក្រសួងគមនាគមន៍និង​នាយករដ្ឋមន្រ្តី​រដ្ឋាភិបាលចេញប័ណ្ណ​សសើរ​
ជូនលោកទៀតផង។ ថ្មីៗនេះលោក Ha Tan Tam ត្រូវបានប្រធានរដ្ឋជូនគ្រឿង
​ឥស្សរិយយស់​​ពលកម្មថ្នាក់លេខ២។”

         រីឯចំពោះសមាគមកសិករទីក្រុង Can Tho លោក Ha Tan Tam ជាគំរូកសិករ​
ផលិតកម្ម​​ពូ​កែអាជីវកម្មពូកែដោយបានជ្រើសរើសជាកសិករមួយរូបក្នុងចំណោ​ម
ក​សិករ​គំរូ៥០រូបក្នុងទូទាំងប្រទេសឆ្នាំ២០១៥៕