VOVWORLD_នៅភូមិSuoi Dzui ​ឃុំTuc Trung ស្រុកDinh Quan ខេត្ត
Dong Nai ភាគ​ខាងត្បូងវៀតណាម ប្រជាពលរដ្ឋសុទ្ធតែស្គាល់ឈ្មោះលោកDinh
 Cong Tam។ លោក​ល្បីឈ្មោះដោយសារធ្វើសេដ្ឋកិច្ចកសិដ្ឋានពូកែព្រមទាំងជួយ
បងប្អូនកសិករក្រីក្រអស់ពីចិត្តពីថ្លើម។ លោកTamក៏ជាអ្នកមានកិតិ្តយស់ក្នុង
គ្រប់ចលនានៃសហគមន៍ផងដែរ។

        លោកDinh Cong Tamចាប់ផ្ដើមការរកស៊ីលើផ្ទៃដី២ហិកតាដោយដូនតា
បន្សល់​ទុក​មកឲ្យ។​ដោយមានការប្ដេជ្ញាធ្វើមានធ្វើបាន លោកបានចំណាយពេល
សិក្សាស្រាវជ្រាវ​សណ្ឋានដីនិងលក្ខណៈភូមិសាស្រ្តហើយសំរេចចិត្តបណ្ដាក់ទុនដាំ
ដំណាំស្វាយ៣រដូវ។ ជាមនុស្សឧស្សាហ៍ព្យាយាមធ្វើពលកម្ម លោកបានអនុវត្ត
វិទ្យាសាស្ត្រនិងបច្ចេកទេសជឿនលឿនទៅក្នុងការដាំដុះដំណាំនេះ។ ជាក់ស្ដែង
គឺលោកបានកសាងប្រព័ន្ធស្រោចស្រពដោយសន្សំសំចៃទឹកនិងជីតាមរយៈ
ទុយយោនិងបាញ់ថ្នាំដង្កូវត្រឹមត្រូវតាមបច្ចេកទេសបានជាទទួលបានផល
ផ្លែឈើប្រកបដោយទិន្នផលនិងគុណភាពយ៉ាងខ្ពស់។ ជារៀងរាល់ឆ្នាំ កសិដ្ឋាន
ដាំស្វាយរបស់លោកទទួលបានផ្លែស្វាយចំនួន៣០តោនក្នុងមួយហិកតាដោយ
រកបានប្រាក់ចំណូលពី១៥០លានដល់២០០លានដុង។ ដោយហេតុនេះ គ្រួសារ
លោកTamបានរួចផុតពីភាពក្រីក្រហើយមានជីវភាពរស់នៅធូធាគ្រាន់បើ។ 
ក្រៅពីការធ្វើមានធ្វើបាន សំរាប់គ្រួសារខ្លួនឯង លោកនៅសកម្មចូលរួមគ្រប់
ការងារសង្គម និងផ្ដល់បទពិសោធន៍ផលិតកម្ម ជួយបងប្អូនផ្នុងភូមិរួមគ្នា
អភិវឌ្ឍន៍សេដ្ឋកិច្ចទៀតផង។ លោកបានលើកទឹកចិត្តគ្រួសារនានាបង្កើត
ក្រុមជួយផ្ទះនៅរួមមានសមាជិកចំនួន១០នាក់ដោយម្នាក់ៗបង់ប្រាក់៣លាន
ដុងក្នុង១ឆ្នាំ។ ក្រុមនេះធ្វើការប្រជុំជាប្រចាំដើម្បីពិនិត្យនិងសំរេចជួយកសាង
និងជួសជុលផ្ទះនៅសំរាប់សមាជិកនានា។ លោកDinh Cong Tamបានឲ្យដឹងថា

        “ សន្សំសំចៃប្រាក់តាមរូបភាពគ្រួសារនិមួយៗបង់ប្រាក់មួយចំនួនហើយ​
ឲ្យក្រុម​គ្រួសារមានស្ថានភាពលំបាកខ្ចីប្រាក់ប្ដូរវេនដើម្បីជួយគ្នារកស៊ី។ គ្រួសារ
ណាជួបការលំបាកបំផុតគឺផ្ដល់អាទិភាពជាងដោយជួយកសាងផ្ទះមុនគេរួច
ដល់គ្រួសារដទៃ។ បន្ទាប់មកយើងប្រមូលដើមទុនវិញដើម្បីឲ្យអ្នក
ក្រោយខ្ចី”។

ជារៀងរាល់ឆ្នាំ កសិដ្ឋានដាំស្វាយរបស់លោកទទួលបានផ្លែស្វាយចំនួន៣០តោនក្នុងមួយហិកតាដោយរកបានប្រាក់ចំណូលពី១៥០លានដល់២០០លានដុង

        ដោយមានកិត្យានុភាព លោកTam ត្រូវបានប្រជាពលរដ្ឋក្នុង​ឃុំTuc Trung​
ជ្រើស​តាំង​ជាប្រធានសមាគមកសិករឃុំនិងប្រធានក្លិបស្វាយទិន្នផលខ្ពស់។ ក្នុង
ឋានៈនេះ​លោកបានទៅដល់គ្រួសារនានាណែនាំគេអំពីបច្ចេកទេសដាំដុះដំណាំ
ស្វាយរួមជាមួយព័ត៌មានអំពីពូជ និងតំលៃកសិផលទៀតផង។ក្រៅពីនោះលោក
ក៏ធានាឲ្យគ្រួសារក្រីក្រមួយចំនួនបានខ្ចីដើមទុនពីធនាគារដើម្បីទិញគោដោយ
ទឹកប្រាក់ចំនួន៣០លានដុង។ ដោយបានបង្កលក្ខណៈងាយស្រួលក្នុងការចិញ្ចឹម
គោអភិវឌ្ឍន៍សេដ្ឋកិច្ច គិតរហូតមកដល់បច្ចុបន្បន្ន គ្រួសារទាំងនេះបានរួចផុត
ពីភាពក្រីក្រ។រដ្ឋអំណាចតំបន់វាយតំលៃយ៉ាងខ្ពស់ចំពោះស្នាដៃរបស់លោកDinh
 Cong Tamក្នុងការងារសហគមន៍។ តាមលោកDoan Thanh Hoang អនុប្រធាន
គណៈកម្មាធិការប្រជាជន​ឃុំTuc Trungបានឲ្យដឹងថា

    “លោក Tamមានកិត្យានុភាពយ៉ាងខ្ពស់ក្នុងសហគមន៍ឃុំ។ ​លោកបាន​ចូល
រួម​ក្លិបដើម្បីជួយគ្នាធ្វើការរកស៊ី។ លោកជាជនគំរូក្នុងសកម្មភាពផលិតកម្ម
អាជីវកម្មហើយក៏សកម្មជួយបរជាពលរដ្ឋក្នុងតំបន់ដាំដុះស្វាយអភិវឌ្ឍន៍
សេដ្ឋកិច្ចគ្រួសារទៀតផង”។

        ដោយមានស្នាដៃល្អៗ លោកDinh Cong Tamត្រូវបានស្រុក Dinh Quan
និង​ខេត្ត​​D​ong​ Nai ជូនប័ណ្ណសរសើរជាច្រើនលើក។ លោកជាជនគំរូដែលបាន
លើកទឹកចិត្ត​ប្រជាជនក្នុងតំបន់ប្រលងប្រណាំងក្នុងការងារបង្កបង្កើនផល 
ជួយគ្នាកាត់បន្ថយភាពក្រីក្រនិងឈានឡើងធ្វើមានធ្វើបាន៕