VOVWORLD_ជាវិចិត្រករគំនូរជំនាន់ដំបូងនៃខឿនវិចិត្រសិល្បៈវៀតណាម
 លោក Nguyen Tu Nghiemបានបង្កើតឡើងវណ្ណកម្មដ៏មានតំលៃជាច្រើនដោយ​
ប្រើវត្ថុធាតុ​ដើម​គ្រប់ប្រភេទមានជាអាទិ៍ ប្រេង ខ្មុកម្រ័ក្សណ៍ ម្សៅពណ៌ ខ្មៅដៃ 
ពិសេសគឺលើផ្នែកគូរគំនូរខ្មុកម្រ័ក្សណ៍។ ចាប់តាំងពីពេលនៅជានិស្សិតសាលា
វិចិត្រសិល្បៈឥណ្ឌូចិនរហូតដល់ពេលទទួលមរណភាពវិចិត្រករល្បីឈ្មោះNguyen
Tu Nghiemបាន​បូជាអស់​មួយ​ជីវិតដើម្បីវិចិត្រសិល្បៈជាតិ។

        វិចិត្រករគំនូរ​ Nguyen Tu Nghiem​កើតនាថ្ងៃទី២០ខែតុលាឆ្នាំ១៩២២នៅ
ស្រុកNam Dan ខេត្តNghe Anភាគកណ្ដាលវៀតណាម។ នាឆ្នាំ១៩៤១លោកប្រលង
ចូលសាលា​ជាន់ខ្ពស់វិចិត្រសិល្បៈឥណ្ឌូចិននៅក្រុងហាណូយ។ ដល់ឆ្នាំទី៣ ក្រោមការ
ណែនាំពីសាស្រ្តាចារ្យគំនូរល្បីឈ្មោះTo Ngoc Van លោកត្រូវបានទាក់ទងជាមួយ
បច្ចេកទេសគូរ​គំនូរច្នៃប្រឌិតដោយជៀសវាងការច្រំដែលតាមរបៀបចាស់ៗ។
ស្ដីពីបញ្ហានេះ សាស្រ្តាចារ្យរង បណ្ឌិតNguyen Do Bao អតីតប្រធានសមាគម
វិចិត្រសិល្បៈវៀតណាមបានឲ្យ​ដឹងថា

“ អាចនិយាយបានថាលោកNguyen Tu Nghiemជាវិចិត្រករស្ទាត់ជំនាញ
ដែលស៊ី​សង្វាក់​ជាមួយបច្ចេកទេសនិងនិន្នាការរបស់សិល្បៈពិភពលោក​នា
បច្ចុប្បន្ន ។ មាន​ប្រការ​ពិសេសមួយគឺក្នុងគំនូររបស់លោក​បើនិយាយពីសិល្បៈ 
លោកជាវិចិត្រករ​ត្រូ​វ​បាន​​បណ្ដុះ​បណ្ដាលនៅសាលាវិចិត្រសិល្បៈឥណ្ឌូចិន ដែល
​ជាបរិយាកាស​ដើម្បី​លោក​​ក្រេប​ជញ្ជក់នូវ​វប្បធម៌លោកខាងលិច។ ​ក៏ប៉ុន្តែលោក
មិនភ្លេចខ្លឹមសារទេពោលគឺ​លោក​ចេះអនុវត្តចំណេះដឹងនិងសិល្បៈប្រពៃណី
របស់វៀតណាមទៅក្នុងគំនូររបស់ខ្លួន”។

ក្នុងអំឡុងពេលចុងជីវិតវិចិត្រករ Nguyen Tu Nghiemបានគូរចក្រសត្វទាំង១២ ហើយចក្រសត្វនីមួយៗសុទ្ធតែបានលោកគូរយ៉ាងស្អាតនិងចំលែក

        ក្នុងសម័យសង្គា្រម លោកបានភៀសខ្លួនទៅតំបន់Son Tay ហើយមាន​ឱកាស
​សិក្សា​ស្រាវជ្រាវអំពីវប្បធម៌ប្រពៃណីនៅតាមភូមិឃុំ វត្តអារាម និងសាលាភូមិជា
ដើម។​នាឆ្នាំ១៩៤៤ គំនូរប្រេងដំបូងបង្អស់របស់លោកមានឈ្មោះថា”អ្នកយាម Van
Mieu”​ត្រូ​វបាន ក្រុម ប្រឹក្សាមេប្រយោគពិពណ៌វិចិត្រសិល្បៈSalon Uniqueជូនពាន
​រង្វាន់​លេខ​មួយ។

        ក្នុងសង្គ្រាមប្រឆាំងបារាំង វិចិត្រករ​ Nguyen Tu Nghiemបង្រៀននៅសាលា​
ចិត្រ​សិល្បៈតស៊ូតំបន់Viet Bac។ ក្នុងអំឡុងពេលឆ្នាំ១៩៥៩-១៩៦០លោកបង្រៀន
នៅ​សា​លា​វិចិត្រ​សិល្បៈហាណូយ។ ក្នុងដំណាក់កាលនោះលោកបានបង្កើតស្នា​ដៃ
មាន​តំលៃ​សិល្បៈខ្ពស់ដូចជាគំនូរ” រាំម៉ុងសាយ” “របាំបុរាណ ” ឬគំនូរ”កូនក្របី”
ជាដើម។​ស្ដីពី​ស្នាដៃ​នេះសាស្រ្តាចារ្យរង បណ្ឌិតNguyen Do Baoបានឲ្យដឹងថា

 ‘’គំនូរ”កូនក្របី”បានបង្ហាញឲ្យឃើញនូវការផ្លាស់ប្ដូរថ្មីនិងការឈានឡើង
របស់ប្រជាជននៅតំបន់ជនបទវៀតណាម។ លោកបានគូរតាមរចនាបទប្រជាប្រិយ
 ជាក់ស្ដែងគឺ តាមរបៀបគំនូរប្រជាប្រិយ Dong Ho។ នៅក្នុងគំនូរនេះ ឃើញមាន
លោកយាយ​ លោកកម្មាភិបាល កុមារ និងយុវជនហើយជនម្នាក់ៗសុទ្ធតែមានទឹក
មុខបង្ហាញនូវចរិតខុសពីគ្នា’’។

        ជាពិសេសក្នុងអំឡុងពេលចុងជីវិតវិចិត្រករ​ Nguyen Tu Nghiemបានគូរ​
ចក្រសត្វ​ទាំង១២ ហើយចក្រសត្វនីមួយៗសុទ្ធតែបានលោកគូរយ៉ាងស្អាតនិង
ចំលែក។តាមរយៈគំនូររបស់លោក ទស្សនិកជនអាចមើលឃើញប្រពៃណីវប្បធម៌
របស់វៀតណាម។​អាច​និយាយបានថា វិចិត្រករ​ល្បីឈ្មោះ Nguyen Tu Nghiemបាន
រួមចំណែកច្រើនទៅ​ក្នុង​ការកសាងនិងពង្រីកវិស័យវិចិត្រសិល្បៈវៀតណាមនា
សតវត្សទី២០៕