អ្នកកាសែត អ្នកសារព័ត៌មានស្រីនៃការិយាល័យព្រឹត្តិការណ៍អន្តរជាតិ ចំណុះ VOV១។

ឆ្ពោះទៅការបម្រើមុខសញ្ញាជាជនបរទេស ហើយព័ត៌មានដែល គេចង់ផ្សព្វផ្សាយក៏ចាប់ប្រភពពីបរទេសដែរ ដូច្នេះត្រូវទាមទារឲ្យអ្នកសារព័ត៌មាន ផ្នែកនេះ មានបំណិនមួយចំនួនទៀតដូចជា៖ ប្រើប្រាស់យ៉ាងស្ទាត់ជំនាញភាសា មួយក្នុងចំណោមភាសាប្រជាប្រិយភាពនាបច្ចុប្បន្នលើពិភពលោក ជាពិសេសគឺភាសា អង់គ្លេស ដែលត្រូវបានប្រើប្រាស់នៅព្រឹត្តិការណ៍អន្តរជាតិធំៗសឹងតែទាំងអស់។ លើសពីនេះទៅទៀត ចំណេះដឹងវប្បធម៌ទូទៅអំពីប្រទេសនីមួយៗ ក៏ជាសម្ពាយចាំបាច់ ចំពោះអ្នកសារព័ត៌មានផ្នែកអន្តរជាតិម្នាក់ៗផងដែរ។ ព័ត៌មាននីមួយៗ សុទ្ធតែមាន កាលៈទេសៈដោយឡែក ហេតុដូច្នេះ ប្រសិនបើអ្នកសារព័ត៌មានអាចយល់ពីកាលៈ ទេសៈរបស់ព័ត៌មាននោះ គេនឹងផ្សព្វផ្សាយព័ត៌មានយ៉ាងត្រឹមត្រូវនិងគួរឲ្យទាក់ទាញ ជាង។ អ្នកកាសែត Thuy Ngoc បានចែករំលែកថា៖         “ចំពោះអ្នកសារព័ត៌មានផ្នែកអន្តរជាតិ សម្ពាធធំបំផុតនោះគឺត្រូវច្បាមជាប់នឹង ព្រឹត្តិការណ៍ ពីព្រោះថាព្រឹត្តិការណ៍អន្តរជាតិវិវឌ្ឍជាបន្តបន្ទាប់ ហេតុដូច្នេះត្រូវធ្វើយ៉ាង ណាដើម្បីបញ្ជូនព័ត៌មានបានឆាប់រហ័ស ទាន់ពេលវេលា ត្រឹមត្រូវ ហើយស្របតាម ទស្សនៈនិងគោលជំហរ។ ព័ត៌មានអន្តរជាតិជាព័ត៌មានពហុទិស ក្នុងនោះមិនត្រឹមតែ បង្កប់នូវព័ត៌មានប៉ុណ្ណោះទេ ថែមទាំងមានសារនៅពីក្រោយជាច្រើនទៀតផង។ ហេតុ ដូច្នេះ យើងខ្ញុំត្រូវច្បាមជាប់ព័ត៌មានដើម្បីផ្សព្វផ្សាយផង ព្រមទាំងត្រូវពិនិត្យមើល ជ្រើសរើសទៀតផង។ ការងារនេះតម្រូវឲ្យមានចំណេះដឹងទូទៅយ៉ាងច្រើនណាស់”។

អ្នកកាសែត Thuy Ngoc។

ក្នុងចំណោមបញ្ហាអន្តរជាតិជាច្រើន ប្រធានបទស្ដីពីសមុទ្រខាងកើតនិងបញ្ហា ពាក់ព័ន្ធ គឺជាខ្លឹមសារដ៏លំបាកមួយ ប៉ុន្តែត្រូវបានអ្នកកាសែត អ្នកសារព័ត៌មាន ចំណាយកម្លាំងកាយចិត្តនិងពេលវេលាជាច្រើនដើម្បីអនុវត្តន៍ ដោយសារចំពោះពួកគេ នេះជាប្រធានបទ “មានកម្លាំងទាក់ទាញដោយឡែក”។ នេះជាបញ្ហាដែលត្រូវបានភាគី ជាច្រើនយកចិត្តទុកដាក់ ព្រមទាំងជាវិស័យដោយមានប្រភពព័ត៌មានដ៏សម្បូរបែប ដែលកាន់តែស្វែងយល់ អ្នកកាសែតកាន់តែក្រេបយកបានចំណេះដឹងដ៏ថ្លៃថ្លា។ អ្នក កាសែត Thuy Ngoc បានឲ្យដឹងបន្ថែមទៀតថា៖ “ភាពងាយស្រួលគឺចំពោះព័ត៌មានដែលត្រូវការទទួលស្គាល់ពហុទិសនោះ យើងខ្ញុំមានជំនួយដ៏ធំណាស់ពីជំនាញការអន្តរជាតិ។ ការធ្វើសម្ភាសន៍ជាមួយជំនាញ ការអន្តរជាតិតែងតែជាប្រៀបខ្លាំងរបស់អ្នកសារព័ត៌មានផ្នែកព័ត៌មានអន្តរជាតិនៃវិទ្យុ សម្លេងវៀតណាម ដោយសារយើងមានបណ្ដាញអ្នកសារព័ត៌មានប្រចាំការនៅឯបរ ទេសយ៉ាងច្រើនកុះករ។ នោះគឺជាឱកាសដើម្បីយើងមានប្រភពឯកសារដ៏ថ្លៃថ្លា សម្រាប់បម្រើការងាររបស់ខ្លួន”។

ក្រៅពីលក្ខណៈងាយស្រួល អ្នកកាសែតផ្នែកព្រឹត្តិការណ៍អន្តរជាតិ ក៏ជួបការ លំបាកជាក់ស្ដែងមួយចំនួននៅពេលអនុវត្តន៍ប្រធានបទនេះផងដែរ។ អ្នកកាសែត Phuong Hoa ចាត់ទុកថា៖“មានភាពងាយស្រួលពិតមែន ប៉ុន្តែក៏មានការលំបាកផងដែរ។ នៅពេលមាន ប្រភពព័ត៌មានដ៏សម្បូរបែប តើយើងទទួលស្គាល់ព័ត៌មាននៅជ្រុងជ្រោយមួយណា ឬត្រូវធានា ភាពសត្យានុម័តយ៉ាងណា។ ចំពោះបញ្ហាអន្តរជាតិដ៏ស្មុគស្មាញមួយ យើងត្រូវធ្វើយ៉ាង ណាដើម្បីផ្សាយព័ត៌មានឲ្យបានសត្យានុម័តបំផុត ស្របទៅតាមទស្សនៈរួមក្នុងការ ដោះស្រាយជម្លោះនិងការខ្វែងគំនិតនោះ គឺត្រូវដោះស្រាយដោយសន្តិវិធី ដោយឈរ លើការគោរពច្បាប់អន្តរជាតិ”។

ជំនះលើរាល់ការលំបាកក្នុងដំណើរការបំពេញការងារ ហើយទាញយកជា អតិបរមានូវឧត្តមភាពដែលមានស្រាប់ ក្នុងអំឡុងពេលច្រើនឆ្នាំកន្លងមក កម្រង អត្ថបទសរសេរ និងបទយកការណ៍ស្ដីពីប្រធានបទសមុទ្រខាងកើតនិងបញ្ហាពាក់ព័ន្ធ នានារបស់អ្នកកាសែត អ្នកសារព័ត៌មាននៃវិទ្យុសម្លេងវៀតណាមតែងតែឈ្នះរង្វាន់ធំៗ ជាច្រើន។ នាពេលថ្មីៗនេះ កម្រងអត្ថបទដោយមានចំណងជើងថា “ការជជែកពិភាក្សា ដោយកំណត់ទូតនៅអង្គការសហប្រជាជាតិ៖ យុទ្ធសាស្ត្រ Four Sha និងការគិតគូរ ដ៏គ្រោះថ្នាក់របស់ចិន” របស់ក្រុមអ្នកនិពន្ធនៃគណៈកម្មការព្រឹត្តិការណ៍ (VOV1) បាន ចូលវគ្គផ្ដាច់ព្រាត់នៃពានរង្វាន់សារព័ត៌មានជាតិឆ្នាំ២០២០។ នេះជាដំណឹងល្អនិងជា មោទនភាពរបស់អ្នកសារព័ត៌មាននិងអ្នកនិពន្ធទាំងអស់នៅវិទ្យុសម្លេងវៀតណាមក្នុង ឱកាសរំលឹកខួបទិវាសារព័ត៌មានបដិវត្តន៍វៀតណាម៕