(VOV5)_“ ទោះបីជាបានទទួលទានម្ហូបកម្ពុជាមុននេះជាង១ឆ្នាំហើយក្តី ប៉ុន្តែ
រហូត មក ដល់ ពេលនេះ ខ្ញុំនៅមិនអាចបំភ្លេចបានរស់ជាតិដ៏ហឹរ ឆួលនោះនៅ
ឡើយ។” នេះគឺជាការចែករំលែករបស់បង Anh Tuan -អ្នកចុងភៅហាណូយ១នាក់
ដែល ជាអ្នកធ្វើផ្ទាល់នូវមុខម្ហូប កម្ពុជា នៅក្នុងកម្មវិធី៖ បណ្ដាថ្ងៃមហាសាមគ្គីភាព
អាស៊ាន នៅភូមិវប្បធម៌ បណ្ដាជនជាតិវៀតណាម នៅ Son Tay ជាយទីក្រុងហាណូយ។
 |
| ស្តង់ទំនិញម្ហូបអាហារ |
“បណ្ដាមុខម្ហូបអាហារនៅទីនេះឆ្ងាញ់ណាស់។ គ្រឿងក្រៅល្មមគ្រប់គ្រាន់ រក្សា
បានរស់ជាតិនៃម្ហូបអាហារប្រពៃណីរបស់កម្ពុជា។”
“ ម្ហូបអាហារនេះឈ្ងុយឆ្ងាញ់ និងគួរអោយទាក់ទាញណាស់។ នៅទីនេះមិនគ្រាន់
តែមានម្ហូបអាហារ១មុខទេ នៅមានមុខម្ហូបអាហារដទៃជាច្រើនទៀត។”
នេះគឺជាការពិនិត្យរបស់មិត្តវស្សា និងពិស៊ី និស្សិតកម្ពុជា២នាក់ដែលកំពុងសិក្សារ
នៅទីក្រុងហាណូយប្រទេសវៀតណាម ពេលទទួលទានម្ហូបអាហារ ដោយអ្នកចុងភៅ
Anh Tuan ចំអិន។ សំលឹងមើលទៅថាសម្ហូបអាហារដែលដាក់លើគ្នា សាយភាយទៅ
ដោយក្លិនដ៏ឈ្ងុយឆ្ងាញ់នោះ គ្មានអ្នកណាអាចគិតថា៖បណ្ដាមុខម្ហូបអាហារនេះគឺធ្វើ
ឡើងដោយយុវជនហាណូយ អាយុជាង២០ឆ្នាំទេ។
ខ្យល់ត្រជាក់បក់ចូលទៅក្នុងស្តង់ទំនិញយ៉ាងខ្លាំង តែនៅមិនអាចទប់បានដំណក់
ញើសនៅលើមុខរបស់គាត់។ បង Tuan មានរូបរាងតូចនិងស្គម កំពុងដាក់ផ្ការពីមើមនិង
បន្លែយ៉ាងហ្មត់ចត់ទៅលើចានបាយការ៊ីខ្មែរសំរាប់ភ្ញៀវ។ ឃើញបង Tuan ធ្វើទឹកស៊ុប
ចិញ្ច្រាំស្លឹកគ្រៃ ហាន់សាច់គោ…លៗ នឹងដឹងច្បាស់ថាបងយកចិត្តទុកដាក់ខ្ពស់ដល់
ណា ដើម្បីធ្វើម្ហូបនេះ។ ទោះបីជាបានរៀននិងធ្វើម្ហូបកម្ពុជាជាច្រើនក្តី ប៉ុន្តែនេះគឺជា
លើកដំបូងដែលបងបានចូលសម្ដែងធ្វើម្ហូបកម្ពុជាចំពោះមុខភ្ញៀវជាតិនិងអន្តរជាតិ។ ចំពោះបង នេះគឺជាឱកាសល្អដើម្បីបង្ហាញពីថ្វីដៃរបស់ខ្លួនផង និងក៏ជាឱកាសដើម្បី
ឧទ្ទេសនាមអំពីមុខម្ហូបអាហារថ្មីចំពោះមនុស្សដែលមិនបានទៅដល់ប្រទេសកម្ពុជាផង៖
“ នេះគឺជាលើកដំបូងដែលខ្ញុំបានចូលរួមកម្មវិធីអាស៊ាន។ ខ្ញុំមានគោលបំណងផ្សព្វ
ផ្សាយមុខម្ហូបអាហាររបស់កម្ពុជាទៅដល់ជនគ្រប់រូប ជាពិសេសគឺអ្នកហាណូយ ដើម្បីគេយល់ដឹងបន្ថែមអំពីវប្បធម៌របស់កម្ពុជា។”
ចំពោះជនមួយរូបដែលរស់នៅចម្ងាយពីប្រទេសកម្ពុជាជិត២ពាន់គីឡូម៉ែត្រ និង
មិនដែលបានទៅកម្ពុជានោះ ការធ្វើម្ហូបកម្ពុជាមិនមែនជាការងារងាយស្រួលទេ។ តាម
បង Tuan ថា៖ នៅទីក្រុងហាណូយមានជនខ្មែររស់នៅតិចណាស់ ហើយដែលពិបាក
ជាងនេះទៅទៀតគឺស្គាល់អ្នកចេះធ្វើម្ហូបកម្ពុជា។ ថែមទាំងការជ្រើសរើសគ្រឿងទេស
គ្រឿងផ្សុំក៏ពិបាកដែរ។ បងត្រូវកក់ទំនិញពីទីក្រុងហូជីមិញ ឬខេត្ត Soc Trang , Kien
Giang និងកម្ពុជាទៀតផង។ ប៉ុន្តែ ដោយមានទឹកចិត្តនិងសេចក្ដីស្រឡាញ់ចំពោះទឹក
ដី និងមនុស្សកម្ពុជា បង Tuan បានធ្វើឡើងមុខម្ហូបកម្ពុជាដ៏ឈ្ងុយឆ្ងាញ់នេះ។
“ ខ្ញុំរៀនធ្វើម្ហូបនេះតាមរយៈកាសែត។ ថែមទាំង រៀនពីអ្នកចុងភៅរបស់ស្ថាន
ទូតកម្ពុជាប្រចាំនៅវៀតណាម។ ម្ហូបរបស់ជនកម្ពុជាមានរស់ជាតិហឹរ ឆួល បើប្រៀប
នឹងម្ហូបវៀតណាម។ ហើយក្នុងនោះ ម្ទេសជាគ្រឿងផ្សុំមិនអាចខ្វះបានក្នុងម្ហូបកម្ពុជា។”
Thu Trang ភ្ញៀវមកពីរដ្ឋធានីហាណូយបានអោយដឹងថា៖ ទើបទៅទេសចរណ៍នៅកម្ពុជា
ហើយមកដល់ទីនេះនាងឃើញស្តង់ទំនិញម្ហូបកម្ពុជា ដូច្នេះនាងបាននាំគ្រួសារចូលមកទទួលទាន។ បងឃើញថា៖ម្ហូបនៅទីនេះឆ្ងាញ់ និងដូចជាម្ហូបដែលបានហូបនៅកម្ពុជា។
“ ម្ហូបការីក្រហមឆ្ងាញ់ណាស់។ វាមានរស់ជាតិហឹរ ឆួល ផ្អែម និងឈ្ងុយឆ្ងាញ់ គួបផ្សុំនឹ
ង ក្លិនពីបាយស ធ្វើអោយខ្ញុំហាមចិត្តមិនបានដែរ។”
បណ្ដាប្រទេសអាស៊ានកំពុងសកម្មកសាងសហគមន៍រួមអាស៊ាន។ ក្រៅពីការ
ផ្លាស់ប្តូរផលិតផល ទំនិញនោះ ម្ហូបអាហារក៏រួមចំណែកសំរាប់វប្បធម៌នៃបណ្ដាប្រ
ទេសអាស៊ានគួបផ្សុំជាមួយគ្នា ហើយរីករាលដាលដល់មិត្តភក្តិអន្តរជាតិ។ ទន្ទឹមនឹង
នោះ រួមចំណែកចូលក្នុងភាពសម្បូរបែបរបស់មនុស្សលោកទៀតផង៕