វិទ្យាល័យ និងអនុវិទ្យាល័យ Ly Van Lam ទើបតែទទួលបានទូរសៀវភៅពីគម្រោងសៀវភៅ និងសកម្មភាពទីក្រុងហូជីមិញ (រូបថត៖ VOV)

អនុវិទ្យាល័យ និងវិទ្យាល័យ Ly Van Lam នៅឃុំ Ly Van Lam   ទីក្រុង Ca Mau នាពេលថ្មីៗនេះ បានរៀបចំពិធីទទួលទូសៀវភៅដែលជាអំណោយឧបត្ថម្ភពីគម្រោងសៀវភៅ និងសកម្មភាពទីក្រុងហូជីមិញ។ ការចូលរួមនៅក្នុងគម្រោងក្លឹបសៀវភៅនិងសកម្មភាព សិស្សអាចតុបតែងជ្រុងសៀវភៅផ្ទាល់ខ្លួន ប្រមូលមូលនិធិសៀវភៅ និងដំណើរការបណ្ណាល័យសៀវភៅផ្ទាល់ខ្លួនរបស់ពួកគេ។ គម្រោងនេះបានផ្សព្វផ្សាយទម្លាប់អាន និងបង្កើតការយល់ដឹងពីសកម្មភាពដំបូងសម្រាប់យុវជន។ Doan Thu Thao សិស្សថ្នាក់ទី ១០A វិទ្យាល័យ Ly Van Lam បានចែករំលែក៖ “ការអានសៀវភៅនឹងផ្តល់ឱ្យអ្នកនូវចំណេះដឹង ដែលអ្នកអាចទទួលបានបទពិសោធន៍ ដើម្បីធ្វើសកម្មភាព និងសម្រេចបានក្តីសុបិន និងមហិច្ឆតាដែលអ្នកចង់បាន។ លក្ខណៈវិនិច្ឆ័យនៃក្លឹបសៀវភៅ និងសកម្មភាពរបស់សាលា  គឺថា ការអាននាំទៅរកសកម្មភាព”។

ចំណែកឯ Cao Trong Nghia ជាសិស្សថ្នាក់ទី១០ នៃវិទ្យាល័យ Ly Van Lam បាននិយាយថា តាមរយៈការចូលរួមក្លឹប ប្អូនបានអានសៀវភៅកាន់តែច្រើន និងរៀនចំណេះដឹងបន្ថែម៖

“សៀវភៅគឺជាផ្នែកមួយដ៏សំខាន់នៃជីវិត ព្រោះវានាំមកនូវអត្ថប្រយោជន៍ល្អៗជាច្រើន។ មានមេរៀនដ៏មានតម្លៃជាច្រើននៅក្នុងសៀវភៅ ដើម្បីជួយយើងពិចារណា និងទទួលបានការយល់ដឹងក្នុងជីវិត។ ហើយវាមានឥទ្ធិពលខ្លាំងលើជីវិតរបស់ខ្ញុំ ដោយជួយខ្ញុំសង្ខេបមេរៀន និងបទពិសោធន៍ដ៏មានតម្លៃក្នុងជីវភាពរាល់ថ្ងៃនេះ”។

ក្លឹបសៀវភៅ និងសកម្មភាពនៃអនុវិទ្យាល័យនិងវិទ្យាល័យ Ly Van Lam គឺជាសាលាមួយក្នុងចំណោមសាលាចំនួន ១០ ដែលមានគម្រោងសៀវភៅ និងសកម្មភាពទីក្រុងហូជីមិញ ដែលបានអនុវត្តនៅខេត្ត Ca Mau។ ក្លឹបសៀវភៅ និងសកម្មភាពកំពុងទាក់ទាញសិស្សឱ្យចូលរួមកាន់តែច្រើនឡើងៗ។ រហូតមកដល់ពេលនេះ ក្លឹបនីមួយៗនៅសាលាបានសាងសង់បន្ទប់សៀវភៅ/ធ្នើសៀវភៅផ្ទាល់ខ្លួនសម្រាប់អានដោយឥតគិតថ្លៃ។ លើសពីនេះ ក្លឹបតែងតែរៀបចំសកម្មភាពលើកកម្ពស់ការអានដូចជា៖ ទិវាសំណេរ រាត្រីសៀវភៅ ពិព័រណ៍សៀវភៅ ឬការប្រកួតសៀវភៅ។ ក្លឹបក៏អនុវត្តយុទ្ធនាការសកម្មភាពដូចជា៖ សប្បុរសធម៌ រៃអង្គាសថវិកា អាជីវកម្ម ជួយសិស្សអនុវត្តចំណេះដឹងពីសៀវភៅទៅក្នុងការអនុវត្ត។ លោកស្រី Do Nguyen Huong Giang ប្រធានគម្រោងសៀវភៅ និងសកម្មភាពទីក្រុងហូជីមិញ បានឲ្យដឹងថា៖ “ដំបូងឡើយ ពេលអនុវត្តគម្រោងអភិវឌ្ឍន៍វប្បធម៌អាននៅខេត្ត Ca Mau ខ្ញុំឃើញថា មិត្តភ័ក្តិមិនទាន់មានទម្លាប់ទេ។  សិស្សក៏បានចែករំលែកថា ពួកគេមិនដែលធ្វើសកម្មភាពនេះពីមុនមកទេ។ មានសាលារៀននៅ Ca Mau ដែលមិនមានក្លឹប។ អាស្រ័យហេតុនេះ លោកគ្រូ អ្នកគ្រូសង្ឃឹមថា ក្លឹបសៀវភៅ និងសកម្មភាពនៅសាលា នឹងក្លាយជាគ្រឹះសម្រាប់ក្មេងៗ មានឱកាសធ្វើ អាន និងទទួលបទពិសោធន៍ពីសកម្មភាពនានា”។

គម្រោងសៀវភៅ និងសកម្មភាពចំនួន ១០ បានមកដល់សាលារៀននៅ Ca Mau (រូបថត៖ VOV)

យោងតាមទិន្នន័យស្ទង់មតិថ្មីៗនេះ ពីវិទ្យាស្ថានស្រាវជ្រាវសង្គម សេដ្ឋកិច្ច និងបរិស្ថាន លើអ្វីដែលយុវជនធ្វើជាចម្បងជាមួយនឹងពេលទំនេរ  យុវជនជិត ៤២% បាននិយាយថាពួកគេចូលអ៊ីនធឺណិត, ២០% មើលភាពយន្ត, ១៦,៧% ស្តាប់តន្ត្រី ហើយមានតែ ១៥% អានសៀវភៅប៉ុណ្ណោះ។ ការអភិវឌ្ឍដ៏ខ្លាំងក្លានៃបច្ចេកវិទ្យាជាមួយនឹងប្រព័ន្ធផ្សព្វផ្សាយជាសំឡេង និងបណ្តាញទំនាក់ទំនងសង្គមជាច្រើនបានយកពេលវេលារបស់យុវជន។ វិធីដាស់ក្តីស្រលាញ់សៀវភៅដើម្បីឱ្យយុវជនមានការយល់ដឹងត្រឹមត្រូវអំពីតម្លៃនៃសៀវភៅដែលបានបោះពុម្ពក្នុងសម័យឌីជីថល គឺជាគោលដៅនៃគម្រោងសៀវភៅ និងសកម្មភាព។ បង្កើតទម្លាប់អាន និងស្មារតីសកម្មភាពដល់សិស្សានុសិស្សទូទាំងប្រទេស រួមចំណែកបង្កើតឡើងជំនាន់យុវជនមួយស្វាហាប់ ចំណេះដឹង និងហ៊ានធ្វើសកម្មភាព ដើម្បីកសាងសង្គមឱ្យកាន់តែប្រសើរឡើង។

ការអភិវឌ្ឍនៃក្លឹបសៀវភៅ និងសកម្មភាព គឺជាសកម្មភាពមួយដើម្បីជំរុញ និងផ្សព្វផ្សាយវប្បធម៌អាន មិនត្រឹមតែលើកកម្ពស់ការយល់ដឹងប៉ុណ្ណោះទេ ប៉ុន្តែថែមទាំងជួយបង្កើតចរិតលក្ខណៈមនុស្សសាស្ត្រសម្រាប់សិស្សានុសិស្សតាំងពីតូចលើកៅអីសាលា។ គម្រោងសៀវភៅ និងសកម្មភាពជួយបង្កើនឱកាសដើម្បីទទួលបានចំណេះដឹងសម្រាប់សិស្សានុសិស្សជាច្រើននៅក្នុងទីក្រុង Ca Mau៕