កំពង់ផែ Nha Rong- សារមន្ទីរហូជីមិញកេរ៌្តដំណែលប្រវត្តិសាស្ត្រ (vov.vn)

        VOV-កំពង់ផែ Nha Rong នាបច្ចុប្បន្នស្ថិតនៅខ័ណ្ឌទី៤ទីក្រុងហូជីមិញ។ នា​
ឆ្នាំ១៨៦៣ ជនបារាំងបានសាងសង់សំណង់នេះដើម្បីធ្វើជាទីស្ដីការ​ក្រុមហ៊ុននា
វាសមុទ្រ Nam Sao។ ក្នុងពេលដែលប្រជាជនវៀតណាមត្រូវរស់​ក្នុង​ជីវិតទាសករ ត្រូវគេសង្កត់សង្កិននោះគឺទីកន្លែងនេះហើយដែល យុវជន Nguyen Tat Thanh
ក្រោយ​មកយកឈ្មោះគឺ Nguyen Ai Quoc-ហូជីមិញ បានឡើងនាវា Amiral Latouche
Treville របស់បារាំង ចាប់ផ្ដើមដំណើរទៅស្វែងរកផ្លូវសង្គ្រោះជាតិនាំមកនូវ​ឯករាជ្យ​សេរីភាពសំរាប់ប្រជាជាតិ។ ដើម្បីរំលឹកគុណូបការៈរបស់លោកប្រធាន​ហូជីមិញ​និងបំរើតម្រូវការទស្សនារបស់ភ្ញៀវទេសចរណ៍ជាតិនិងអន្តរជាតិ នាឆ្នាំ​១៩៧៩
កំពង់ផែ Nha Rong ត្រូវបានជ្រើសរើសជាកន្លែងតាំងបង្ហាញរាល់​វត្ថុតាង​អំពីជីវិត
សកម្មភាពបដិវត្តន៍របស់លោកប្រធានហូជីមិញ។ ដល់ឆ្នាំ១៩៩៥ កន្លែងនេះត្រូវ
បានសាង​សង់​មានទ្រង់ទ្រាយធំជាង វត្ថុតាងក៏ត្រូវបានស្រាវជ្រាវប្រមូលផ្ដុំយ៉ាង
ច្រើនជាងនិង​បាន​ប្តូរឈ្មោះក្លាយទៅជាសារមន្ទីរហូជីមិញសាខាទីក្រុងហូជីមិញ។

        ឯកសាររូបភាពវត្ថុតាងទាំងអស់អំពីលោកប្រធានហូជីមិញ ដែលកំពុងបាន
ដាក់តាំងបង្ហាញនៅទីនេះកើនដល់ជិត២ម៉ឺន។ ទន្ទឹម​នឹងភារកិច្ចស្រាវជ្រាវ
ប្រមូលផ្ដុំឃោសនាអប់រំអំពីជីវិតបុព្វហេតុរបស់លោកប្រធាន ក្នុងប៉ុន្មានឆ្នាកន្លង
មក កម្មាភិបាលបុគ្គលិករបស់សារមន្ទីរហូជីមិញបាន​ប្រមូលផ្ដុំ​ស្រាវជ្រាវរាល់
វត្ថុតាងនិងរឿងនិទាន ស្ដីអំពីលោកអ៊ំហូជាមួយប្រធានបទ “មនោសញ្ចេតនា
របស់លោកអ៊ំហូជាមួយភាគខាងត្បូងនិងមនោសញ្ចេតនារបស់ប្រជាជនភាគ
ខាងត្បូងចំពោះលោកអ៊ំហូ” និង “ដំណើរស្វែងរកផ្លូវសង្គ្រោះជាតិរបស់​លោក​អ៊ំ”​
ជាដើម។ បងស្រី Nguyen Thi Kim Lien ប្រធានការិយាល័យឃោសនា​និងអប់រំ សារមន្ទីរហូជីមិញសាខាទីក្រុងហូជីមិញបានឲ្យដឹងថា៖

        “មិនត្រឹមតែខ្ញុំតែប៉ុណ្ណោះទេ ថែមទាំងបងប្អូនទាំងអស់ក្នុងការិយាល័យ​
ឃោសនា​ជាប្រចាំថ្ងៃត្រូវអានសៀវភៅស្រាវជ្រាវឯកសារ ពិសេសគឺមានការ
ស្រាវ​ជ្រាវ​តាមប្រធានបទនានា ដើម្បីមានវិធានការឧទ្ទេសនាមសមស្របចំពោះ
មុខ​សញ្ញានីមួយៗ។ តាមរយៈរឿងនិទានពិរោះៗនិងវត្ថុតាងនានាយើងទាក់ទាញ
ក៏ដូច​ជា​ជួយភ្ញៀវយល់បន្ថែមអំពីជីវិតនិងបុព្វហេតុរបស់លោកប្រធានហូជីមិញ។”

        ក្រៅពីអត្ថន័យប្រវត្តិសាស្ត្រ វត្ថុអនុស្សាវរីយ៍នីមួយៗដែលបានតាំងបង្ហាញ
នៅសារ​មន្ទីរហូជីមិញនៅជាមនោសញ្ចេតនានិងទឹកចិត្តស្រឡាញ់គោរពរាប់អាន
ដែលប្រជាជន​ភាគខាងត្បូងលៃទុកសំរាប់លោកប្រធានហូជីមិញទៀតផង។ ជា
គំរូគឺអាវរបស់លោក​ប្រធាន​ហូជីមិញបានជូនយុទ្ធជនពិការពិសេស Le Thong
Nhat អ៊ាំងស៊ីនលោក​ប្រធានហូជីមិញជូនបុគ្គលគំរូជឿនលឿនរឺតុធ្វើសក្ការបូជា
លោកប្រធាន​ហូជីមិញ​ជាដើម។ ពីបណ្ដាវត្ថុអនុស្សាវរីយ៍នេះរួមជាមួយរឿង
និទានរបស់បុគ្គលិកក្នុងសារ​មន្ទីរបានជួយឲ្យទស្សនិកជនយល់យ៉ាងជ្រាល
ជ្រៅជាងអំពីបុព្វហេតុសកម្មភាព​បដិវត្តដ៏មហិមាររបស់លោកប្រធានហូជីមិញ។
Nguyen Minh Thien និស្សិតឆ្នាំទី​២មហាវិទ្យាល័យវិទ្យាសាស្ត្រសង្គមសាស្ត្រនិង
មនុស្សសាស្ត្រទីក្រុងហូជីមិញបានឲ្យដឹងថា៖

        “ពេលមកទស្សនាសារមន្ទីរហូជីមិញ ខ្ញុំបានយល់យ៉ាងជ្រាលជ្រៅ​បន្ថែម​អំពីរូបភាពនិងវណ្ណកម្មដែលលោកប្រធានហូជីមិញបានសរសេរនិងឆ្លង​ផុត​ក្នុងអំឡុងជីវិតសកម្មភាពបដិវត្តរបស់លោកប្រធានហូជីមិញ។ បណ្ដារូបភាព​
នោះ​មានអត្ថន័យជាច្រើនចំពោះសិស្សានុស្សិសនិស្សិតយើងខ្ញុំ។”

        នាបច្ចុប្បន្ន បរិមាណភ្ញឿវទស្សនាស្វែងយល់ឯកសារវត្ថុតាងអំពីលោក​ប្រធាន​ហូជីមិញនៅសារមន្ទីរកាន់តែច្រើនពីមួយថ្ងៃទៅមួយថ្ងៃ។ ក្នុងឆ្នាំ២០១២​កំពង់ផែ
Nha Rong និងសារមន្ទីរហូជីមិញបានទទួលភ្ញៀវទស្សនាក្នុងប្រទេសនិង​អន្តរជាតិ
ជាង៣៥០ពាន់នាក់និង៧ខែដើមឆ្នាំនេះបានទទួលជាង២៥០ពាន់នាក់។ បណ្ឌិត
Nguyen Thi Hoa Xinh នាយិការសារមន្ទីរហូជីមិញសាខាទីក្រុង​ហូជីមិញ​បានឲ្យដឹង
ថា៖

         “ចំពោះសារមន្ទីរហូជីមិញសាខាទីក្រុងហូជីមិញយើងខ្ញុំត្រូវបានជ្រើសរើស
ចំនួន២លើកចូល Top ជាកន្លែងទស្សនាវិសេសវិសាលចំនួន១០ ក្នុងការជ្រើស​រើស ទីក្រុងហូជីមិញ-១០០ប្រការវិសេសវិសាល។ ក្នុងប៉ុន្មានឆ្នាំមុនទំហ៊ំដើម្បី​យើង​ធ្វើ
ការដាក់តាំងបង្ហាញមិនទាន់ច្រើននៅឡើយ។ នាបច្ចុប្បន្នទើបនឹងសំរេចរួចរាល់​សំណង់ជួសជុលបើកទូលាយនិយាយរួមគឺទំនើបជាបង្គួរដើម្បីបំរើយ៉ាងល្អបំផុត
សំរាប់ភ្ញៀវទស្សនា។”

        ក្នុងអំឡុងជាង១០០ឆ្នាំកន្លងមកគិតតាំងពីទិវាលោកប្រធានហូជីមិញចេញ​ដំណើរទៅស្វែងរកផ្លូវសង្គ្រោះជាតិ កំពង់ផែ Nha Rong ក៏បានផ្លាស់ប្តូរតាមពេល​
វេលា។ Sai Gon មុននេះនាបច្ចុប្បន្នជាទីក្រុងហូជីមិញបានក្លាយទៅជា​មជ្ឈមណ្ឌល​សេដ្ឋកិច្ចធំធេងនៃប្រទេសជាតិ សកម្មនិងអភិវឌ្ឍន៍ដោយ​ឥតឈប់​ឈរ។ ជាមួយ
តំលៃប្រវត្តិសាស្ត្រផ្សាភ្ជាប់នឹងជីវភាពសកម្មភាពបដិវត្តរបស់លោក​ប្រធានហូជីមិញ
កំពង់ផែ Nha Rong និងមណ្ឌលកេរ៌្តដំណែលសារមន្ទីរហូជីមិញ​បានក្លាយទៅជា
និមិត្តរូបរបស់ទីក្រុងហូជីមិញនិងជាក្តីមោទនភាពរបស់ប្រជាជន​ទូទាំងប្រទេស៕