VOVWORLD_នាបច្ចុប្បន្ននេះ អ្នកនិពន្ធវ័យក្មេងវៀតណាមជាច្រើននាក់
បានជ្រើសរើសវិធានការថ្មីដើម្បីទាក់ទងផ្ទាល់ជាមួយមិត្តអ្នកអាននោះគឺការរៃ
អង្គាសមូលនិធិសហគមន៍សំដៅបោះពុម្ភផ្សាយសៀវភៅ។ ចាប់ប្រភពពីបំណង
ប្រាថ្នានិងសេចក្ដីស្នេហាចំពោះវប្បធម៌ជាតិ គំរោងការរៃអង្គាសមូលនិធិសហគមន៍
មួយចំនួនត្រូវបានអនុវត្តជាជំហានដំបូងហើយបើកចេញឱកាសជាច្រើនសំរាប់
អ្នកនិពន្ធនានារកឃើញផ្លូវចេញឲ្យស្នាដៃសិល្បៈរបស់ខ្លួន។

        ការរៃអង្គាសមូលនិធិសហគមន៍ជារូបភាពថ្មី្មថ្មោងនៅវៀតណាម។ ក្នុងប៉ុន្មាន
ឆ្នាំកន្លងទៅនេះការរៃអង្គាសមូលនិធិសហគមន៍បានលេចឡើងនៅលើវិស័យមួយ
ចំនួន។ថ្វីបើដូច្នេះក្ដីតែរហូតដល់ឆ្នាំ២០១៤ រូបភាពនេះទើបត្រូវបានគេដឹងតាមរ
យៈការបញ្ចេញសៀវភៅគំនូរប្រវតិ្តសាស្រ្តក្រោមចំណងជើងថា” Long Than Tuong”។
 នេះជាសៀវភៅ​គំនូរ​វៀត​ណាម​រួមមាន៥ភាគដោយក្រុមយុវជន Phuong Duong
Comic​ បង្កើតឡើង​ជា​លើក​ដំបូង​កាលពីខែវិច្ឆិកាឆ្នាំ២០១៤។​ ក្នុងការរៃអង្គាស
មូលនិធិសហគមន៍​ក្រុមអ្នក​និពន្ធ Phuong Duong Comic បានអំពាវនាវមិត្តអ្នក
អានជួយផ្ដល់ប្រាក់ចំណាយ​សំរាប់គេ​បោះ​ពុម្ភផ្សាយសៀវភៅរបស់ខ្លួន។ ក្នុងការ
បោះ​ពុម្ភផ្សាយលើកទីមួយ ​ក្រុមអ្នក​និពន្ធ​បាន​ចលនាមិត្តអ្នកអានគាំទ្ររៃអង្គាស
បានទឹកបា្រក់ចំនួន៣០០លានដុង។លើកទីពីរ​បាន២០០លានដុង។មុនពេលភាគ
ទី៣ត្រូវបានបោះ​ពុម្ភផ្សាយនាខែមេសាខាងមុខនេះ​ ក្រុម​អ្នកនិពន្ធទទួលបាន
ព័ត៌មានដ៏គួរឲ្យរីករាយនោះគឺសៀវភៅគំនូរ” Long Than Tuong​​”​​​​​ ភាគទី១ ​ត្រូវ
បានអង្គការសៀវភៅគំនូរManga អន្តរជាតិជូនរង្វាន់ប្រាក់នាដើម​ខែមិនា​នេះ។​
តាមលោក Nguyen Thanh Phong ជាវិចិត្រករគូរគំនូរក្នុងសៀវភៅ” Long Than
Tuong”បានឲ្យ​ដឹងថា

          “ យើងខ្ញុំជ្រើសរើសបែបផែនរៃអង្គាសមូលនិធិសហគមន៍ដើម្បីកសាងសៀវ
​ភៅ​ភាគនេះព្រោះយើងខ្ញុំលែងចង់ចំណុះលើបែបផែនបោះ​ពុម្ភផ្សាយចាស់ទៀត។​
បែប​ផែន​រៃអង្គាសមូលនិធិមានចំណុចពិសេសនោះគឺបង្រួញចន្លោះរវាងអ្នក
និពន្ធនឹងអ្នក​អាន​។​ តាមរយៈនោះអ្នកអានអាចគាំទ្រ អ្នកនិពន្ធដោយផ្ទាល់
ដើម្បីរៀបរៀងស្នាដៃមាន​សក្ដានុភាពឬស្នាដៃដែលខ្លួនពេញចិត្ត ”

          ជោគជ័យនៃសៀវភៅ” Long Than Tuong”ត្រូវបានចាត់ទុកជាព្រឹត្តិការមួយ
របស់វិ​ស័យបោះពុម្ភផ្សាយដែលតែងតែអនុវត្តតាមរូបភាពគ្រឹះស្ថានបោះពុម្ភផ្សាយ
លក់សៀវភៅ-យកប្រាក់។ ឥឡូវមានបន្ថែម​សៀវភៅជាច្រើនទៀតត្រូវបានបោះ
ពុម្ភផ្សាយតាម​រូបភាពរៃអង្គាសមូលនិធិសហគមន៍។ ថ្មីៗនេះ ក្រុមអ្នកនិពន្ធវ័យ
ក្មេង Dai Viet co phong​បានបំផុសគំរោងការ” Hoa van Dai Viet”តាមរូបភាព
រៃអង្គាសមូលនិធិសហគមន៍​ក្នុង​គោលបំណងថែរក្សាគំនូរបុរាណ​របស់វៀត​​ណាម
ដោយបច្ចេកវិទ្យាឌីជីថលដើម្បី​ប្រើប្រាស់​ក្នុងវិស័យវិចិត្រកម្ម ស្ថាបត្យកម្ម​ គូប្លង់
ជាដើម។ លោក Cu Minh Khoi ជាវិចិត្រករ​ពិគ្រោះ​យោបល់និងវាយតំលៃ​គំរោង
ការ” Hoa van Dai Viet”បានថ្លែងថា

   “​ យើងត្រូវយល់ថាយើងធ្វើបានអ្វី ផ្គត់ផ្គង់បានអ្វីជូនអ្នកគាំទ្រដើម្បីគេជួយ
យើង។​ដោយហេតុនេះយើងត្រូវតែសំរេចឲ្យបានគំរោងការនានាដែលនាំមកនូវ
ផលប្រយោជន៍ជូនសង្គម”។

ការរៃអង្គាសមូលនិធិសហគមន៍គឺជាការទទួលខុសត្រូវចំពោះសង្គមតាមរយៈការជ្រើសរើសនិងជំរុញការនិពន្ធសៀវភៅល្អៗ រួមចំណែកលើកកំពស់វប្បធម៌អានសៀវភៅរបស់សហគម៍

        តាមលោកNguyen Anh Duong អ្នកបង្កើតក្រុមហ៊ុនភាគហ៊ុនសៀវភៅគំនូរ
Comicola ​ជាស្ថាប័នរៃអង្គាសមូលនិធិសហគមន៍ឲ្យគំរោងការសៀវភៅគំនូរ” Long
 Than Tuong”និងគំរោងការ” Hoa van Dai Viet”ពោលខាងលើបានឲ្យដឹងថា នា
ពេលបង្ហើយ​គំរោងការ ​ក្រុមហ៊ុននឹងបង្ហោះសំរាំងគំនូរបុរាណលើបណ្ដាញអ៊ីន
ថឺណែតសំរាប់ចែក​រំលែកដោយឥតគិតថ្លៃជូនមនុស្សគ្រប់រូបទស្សនា។

   “មនុស្សគ្រប់រូបជានិច្ចកាលគាំទ្រគំរោងការរបស់ជនវៀតណាម។ ចំពោះគំរោង
ការសៀវភៅគំនូរ” Long Than Tuong យើងខ្ញុំទទួលបានការគាំទ្រជាច្រើនពី
បរទេស។ ​គេផ្ទេរប្រាក់ជូនមកយើងខ្ញុំដោយភ្ជាប់ជាមួយអ៊ីមែលថា “ មិនចាំបាច់
ផ្ញើអី្វជូន​ខ្ញុំទេ ​មិត្តប្រឹងទៅ”។​នេះជាការ​លើក​ទឹកចិត្តយ៉ាងខ្លាំងដើម្បីយើងខ្ញុំ​បន្ត
ពង្រីក​គំរោង​ការ​នានា”។

        អាចនិយាយបានថាការរៃអង្គាសមូលនិធិសហគមន៍គឺជាការទទួលខុសត្រូវ
ចំពោះ​សង្គមតាមរយៈការជ្រើសរើសនិងជំរុញការនិពន្ធសៀវភៅល្អៗ រួមចំណែក
លើក​កំពស់វប្បធម៌អានសៀវភៅរបស់សហគម៍៕