VOVWORLD_តូរ្យតន្ត្រី Tai Tu​ជាការសំដែងសិល្បៈមិនជំនាញ នៅតំ
បន់ ភូមិភាគខាង​ត្បូងវៀតណាម(Nam Bo)ដែលត្រូវបានអង្គការអប់រំ  វប្បធម៌
និង វិទ្យាសាស្រ្ត​​របស់​អង្គការសហប្រជាជាតិប្រសិទ្ធិនាមជាកេរ៌្តដំណែល
វប្បធម៌​អរូបីរបស់មនុស្សលោកនាឆ្នាំ២០១៣។ តាំងពីនោះមក ទីក្រុងហូជី
មិញបានអនុវត្តន៍វិធានការជាច្រើនសំដៅអភិរក្សនិងអភិវឌ្ឍន៍សិល្បៈតូរ្យ
តន្ត្រីTai Tu។

        ថ្មីៗនេះអ្នកស្រី Nguyen Thi Phuong Thuy រួមជាមួយក្រុមសមាជិក​
សមាជិកាក្នុងក្លិបតូរ្យតន្ត្រីTai Tuខណ្ឌ Tan Phu បានបង្កើតស្នាដៃ​ឆ្នើមនៅ​ក្នុង​
មហោ​​ស្រពតូរ្យតន្ត្រីTai Tuផ្កាឈូកមាសលើកទី២។​ រយៈពេលកន្លងទៅនេះ
​អ្នក​ដែលចូលចិត្តតូរ្យតន្ត្រីTai Tuដូចអ្នកស្រី Nguyen Thi Phuong Thuy នៅទី
ក្រុង​ហូជី​មិញ​មានកន្លែងជាច្រើនដើម្បីសំដែងបទចំរៀងរាប់ទាំងបច្ចេកទេស
​ដេញ​ចាប៉ី​ទៀតផង។ នាបច្ចប្បន្ននៅទីក្រុងនេះមានក្លិបតូរ្យតន្ត្រី Tai Tu ចំនួន
ជិត៣០០​ជាមួយ​សមាជិកសមាជិកា៣០០០នាក់។ ក្នុ​ងនោះមានអ្នកចំរៀង 
​អ្នកលេង​ឧបករណ៍​តូរ្យតន្ត្រី អ្នកតែងបទភ្លេងនិងអ្នកស្រាវជ្រាវ។ ក្រុមតូរ្យ
តន្ត្រី Tai Tu នានា​តែងតែសំដែងនៅអគារវប្បធម៌ខណ្ឌស្រុក អគារវប្បធម៌
យុវជនក្រុង និងវិមានវប្បធម៌ពលករ។ ដោយសារមានបរិយាកាសងាយ
ស្រួលអីចឹងតូរ្យតន្ត្រីTai Tu មាន​លក្ខណៈ​អភិវឌ្ឍន៍យ៉ាងខ្លាំង។ សមាជិក
សមាជិកាជាច្រើន​បានចាត់ទុក​តូរ្យតន្ត្រី​Tai Tu ជាកត្តាដ៏សំខាន់មួយក្នុង
ជីវភាពរស់នៅ។ អ្នកស្រី Nguyen Thi Phuong Thuy ឲ្យងឹងថា

"បញ្ហាសំសាន់ចម្បងគឺការស្រលាញ់តូរ្យតន្ត្រី។ ម្យ៉ាងទៀតនាងខ្ញុំចង់
អភិរក្សនូវកេរ៌្តមរតកដោយសារដូនតាបន្សល់ទុកមក។ ដើម្បីធ្វើឲ្យបានល្អនូវ
ការងារអភិរក្សតូរ្យតន្ត្រីនេះគឺមនុស្សម្នាក់ត្រូវតែចូលរួមចំណែកទោះជាបាន
តិចឬច្រើនក្ដី"។

បញ្ហាប្រឈមរបស់ក្លិបនិងក្រុមតូរ្យតន្ត្រីTai Tuគឺជាបញ្ហាថវិកាសំរាប់ធ្វើ​
សកម្មភាព។ ​តាមលោក Le Van Loc នាយករងមជ្ឈមណ្ឌលវប្បធម៌ទីក្រុង
​ហូជីមិញ​បានឲ្យដឹងថា

"សិល្បករសិល្បការិនីតូរ្យតន្ត្រី Tai Tu មិនលក់សំបុត្រទេ។ ​គេច្រៀងក្នុង​
លក្ខណៈ​គ្រួសារឬសហគមន៍តូចដើម្បីចែករំលែកមនោសញ្ចេតនា​ជាមួយ
គ្នា។​ ដូច្នេះ ដោយគ្មានប្រាក់ចំណូលចិញ្ចឹមជីវិតវានឹងនាំទៅដល់ការបាត់បង់
នូវសិល្បករសិល្បការិនីដ៏ឆ្នើមនៃប្រភេទតូរ្យតន្ត្រី Tai Tu។ បើចង់ដោះស្រាយ
រឿងនេះចាំ​បាច់ត្រូវតែមានរបបនិងគោលនយោបាយឧបត្ថម្ភពួកគេ"។

ទោះបីជួបការលំបាកក៏ដោយតែនាបច្ចប្បន្ននៅទីក្រុងហូជីមិញនៅតែ
មានសិល្បករជាច្រើននាក់ដែលជក់ចិត្តនិងប្ដេជ្ញាអភិរក្សសិល្បៈតូរ្យតន្ត្រីTai
Tu។ ​មាន​សិល្បករ​ជើងចាស់មួយចំនួនបានបើកថ្នាក់បណ្ដុះបណ្ដាលជំនាន់
វ័យ​ក្មេង​ព្រម​ទាំងបង្កើតក្រុមហ៊ុនក្នុងគោលបំណងរិះរកឆាកសំដែងសំរាប់
មជ្ឈដ្ឋានសិល្បករសិល្បការិនីតូរ្យតន្ត្រី Tai Tu។ តាមសិល្បករ Tran Duc
Nhan សមាជិកគណៈ​ប្រធាន​​ក្លិបតូរ្យតន្ត្រីTai Tuខណ្ឌទី១ថាការបណ្ដុះ
បណ្ដាលជំនាន់វ័យ​ក្មេង​គឺចាំបាច់​ណាស់ ព្រោះជំនាន់បន្តវេនដើរតួនាទី
សំខាន់ក្រៃលែង​ក្នុងការងារអភិរក្សនិង​ពង្រីក​សិល្បៈប្រភេទនេះ។
" ឥឡូវនេះសិល្បករជំនាន់យើងខ្ញុំចាស់ទុំហើយដោយកាន់តែចុះខ្សោយ
ពីមួយថ្ងៃទៅមួយថ្ងៃ។ ដូច្នេះយើងខ្ញុំយកចិត្តទុកដាក់ជាពិសេសដល់ជំនាន់
បន្តវេននៃសិល្បៈតូរ្យតន្ត្រីTai Tu"។

ទីក្រុងហូជីមិញបានចែញគោលនយោបាយជួយឧបត្ថម្ភនិងជំរុញ
សកម្មភាពជាក់ស្ដែងជាច្រើនដើម្បីទាក់ទាញសិល្បករសិល្បការិនីតូរ្យតន្ត្រី 
Tai Tu វ័យក្មងក្នុង​នោះ​មានគំរោងការ” បញ្ចូលតូរ្យតន្ត្រី Tai Tu ទៅក្នុងសា
លារៀន”។ ​ថ្មីៗនេះទី​ក្រុងបានបំផុសចលនាតែងបទចំរៀងថ្មីនិងតែងទំនុក
ចំរៀងថ្មីសំរាប់បទចមរៀងប្រពៃណី។នាពេលដ៏ខ្លីខាងមុខនេះសៀវភៅ
ចំរៀងតូរ្យតន្ត្រី Tai Tu រួមមាន៦០បទ​សំរាប់កុមារនឹងបានផ្សព្វផ្សាយដល់
ប្រព័ន្ធសាលារៀនក្នុងទូទាំងទីក្រុង។ លោក Nguyen Van Minh នាយករង
មន្ទីរវប្បធម៌កីឡានិងទេសចរណ៍ទី​ក្រុងហូជីមិញ​បាន​ឲ្យដឹងថានាពេល
ខាងមុខនេះក្រុងនឹងបើកមហោស្រពតូរ្យតន្ត្រីTai Tu Nam Bo​ ដោយ​ឡែក
សំរាប់កុមារាកុមារីក្នុងគោលបំណងស្វែងរកប្អូនៗ​ដែលមាន​ទេព​កោសល្យ។
 លោក Nguyen Van Minh បានថ្លែងថា

"បញ្ហាសំខាន់គឺអភិរក្សនិងថែរក្សា។​ក្នុងដំណើការអភិរក្សនិងថែរក្សា
នេះ​ត្រូវ​តែជ្រើសរើសកុមារជំទង់និងយុវជនដើម្បីអនុវត្ត។ នាបច្ចុប្បន្នយើង
ខ្ញុំបានប្រគល់ជូនក្លិបតូរ្យតន្ត្រីTai Tuក្រុង ខណ្ឌ ស្រុកនូវការបណ្ដុះបណ្ដាល
ប្អូនៗឲ្យចេះច្រៀង​ផងនិងចេះលេងឧបករណ៍ភ្លេងផង"។

ក្នុងបរិយាកាអ៊ូអរនៅទីក្រុងទំនើបំមួយគឺសំលេងច្រៀងនិងចាប៉ីនៃ
សិល្បករសិល្បការិនីតូរ្យតន្ត្រី Tai Tu នៅតែលាន់លឺរំពងមិនដាច់ដោយ
ផ្សាភ្ជាប់ជាមួយ​ជីវភាពរបស់ប្រជាពលរដ្ឋតរៀងរហូត៕