VOVWORLD_ចំពោះប្រជាជនវៀតណាម ពិធីរំលឹកវិញ្ញាណក្ខន្ធស្ដេច Hungនា
ថ្ងៃទី១០ខែមាឃគឺជាព្រឹតិ្តការដ៏សែនសំខាន់មួយ។ នាទិវានេះ ទោះបីនៅទីណាក៏
ដោយ ជនគ្រប់រូបសុទ្ធតែឆ្ពោះទោះវិហារ Hung​ នៅឃុំHy Cuong ស្រុកLam Thao
ខេត្ត​Phu Thoភាគខាងជើងវៀតណាម។ តាំងពីរាប់ពាន់ឆ្នាំកន្លងមក វិហារ
ស្ដេច Hung​ជា​កន្លែង​គោរពបូជា នឹករលឹកដល់គុណូបការៈរបស់ស្ដេច Hung​ 
គ្រប់ជំនាន់​ដែលបាន​បង្កើត​​និងការពារប្រទេសជាតិ។ 

        ពិធីរំលឹកវិញ្ញាណក្ខន្ធស្ដេច Hung​ ដែលបានរៀបចំជារៀងរាល់ឆ្នាំនៅវិហារ
 Hung​នេះមឹនត្រឹមតែមានអត្ថន័យដ៏ធំធេងចំពោះប្រជាជននខេត្តPhu Tho
ប៉ុណ្ណោះថែម​ទាំង​មានអត្ថន័យពិសេសចំពោះប្រជាជនវៀតណាមទាំងមូលទៀត
ផង។ រឿងព្រេងដំណាលថា មាតា Au Co និងបិតាLac Long Quanជាបុព្វបុរស
របស់ជនជាតិ វៀតណាម និងជាពុកមារបស់បណ្ដាស្ដេច Hung។ រាជ្ជកាល Hung
​ជាដំណាក់កាលដ៏សំខាន់​ក្នុង​ប្រវិត្តសាស្រ្តវៀតណាម ជាគ្រឹះស្ថានវប្បធម៌ 
ប្រវតិ្តសាស្រ្តនិងប្រពៃណីស្នេហាជាតិដ៏ថ្លៃថ្នូរបស់ប្រជាជាតិវៀតណាម។ ដើម្បី
កត់ចំណាំសគុណដ៏ធំធេងរបស់បណ្ដាស្ដេច Hung ប្រជាពលរដ្ឋនៅខេត្តPhu Tho
និងក្នុងទូទាំងប្រទេសបានបង្កើតវិហារគោរពបូជា​នៅ​មណ្ឌលកេរិ៍្តរំណែលវិហារ
ស្ដេច Hungនិងជ្រើសថ្ងៃទី១០ខែមាឃជាទិវា​រំលឹក​វិញ្ញាណក្ខន្ធស្ដេច Hungនិង
រួមគ្នាឆ្ពោះទៅប្រភពដើមនៃប្រជាជាតិខ្លួន។ចាប់តាំងពីឆ្នាំ២០០៧មក ពិធី
រំលឹកវិញ្ញាណក្ខន្ធស្ដេច Hungត្រូវបានទទួលស្គាល់ជាពិធីបុណ្យជាតិរបស់វៀត
ណាម។ ចែករំលែកអំពីការចាប់អារម្មណ៍ក្នុងទិវារំលឹកវិញ្ញាណក្ខន្ធបុព្វបុរស
ជាតិនេះ លោក Han Van Hien ជានិស្សិតនៅក្រុងហាណូយបានឲយដឹងថា

   “ ចំពោះប្រជាពលរដ្ឋនៅខេត្តPhu Thoនិយាយដោយឡែកនិងប្រជាជនវៀត​
ណាម​​ទាំង​មូលនិយាយរួមគឺថ្ងៃទី១០ខែមាឃជានិច្ចកាលមានអត្ថន័យដ៏ធំធេង
​និង​ជ្រាលជ្រៅ។ រូបខ្ញុំផ្ទាល់ជាអ្នកPhu Thoដែលបានតាយាយនិងមាតាបិតា​
រៀបរាប់​ពី​អត្ថន័យពិសេសនៃទិវាបុណ្យនេះហើយជានិច្ចកាលដិតក្នុងអារម្មណ៍
នូវក្រមធម៌ផឹកទឹកនឹកដល់ប្រភពដើម។ឥឡូវជានិស្សិតរៀនសូត្រឆ្ងាយពីគ្រុម
គ្រួសារតែជារៀងរាល់ឆ្នាំនាពេលទិវានេះមកដល់ម្ដងៗទោះបីរវល់ការងារយ៉ាង
ណាក៏ដោយក៏ខ្ញុំរៀបចំដើម្បីវិលត្រឡប់មកកាន់ទឹកដីប្រភពដើមរបស់ជន
ជាតិវៀតណាមចូលរួមពិធីរំលឹកវិញ្ញាណក្ខន្ធបុព្វបុរសជាតិ“។

ពិធីបុណ្យរំលឹកវិញ្ញាណក្ខន្ធស្ដេច Hung - បុព្វបុរសជាតិនេះបានក្លាយទៅជានិមិត្តរូបវប្បធម៌ព្រលឹង និងស្មារតីសាមគ្គីភាពរបស់សហគមន៍គ្រប់ជនជាតិវៀតណាម

        ពិធីបុណ្យនេះ ត្រូវបានរៀបចំឡើងដ៏មហោឡារឹក។ ដំណាងបក្ស រដ្ឋ រណសិរ្ស
មាតុភូមិវៀតណាមរួមជាមួយប្រជាជនគ្រប់ស្រទាប់ធ្វើការអុជធូបថ្វាយបង្គំ
ស្ដេចHungនៅវិហារ Thuong លើភ្នំNghia Linh។ ជាពិសេស ឆ្នាំនេះ បន្ទាប់ពី
ពេលថ្នាក់ដឹកនាំបក្ស រដ្ឋអុជ​ធូប​ថ្វាយបង្គំស្ដេចនៅទីនេះរួច​គឺនៅតាមវិហារស្ដេចHungចំនួន១៤១៧កន្លែងក្នុង​ទូទាំងប្រទេសក៏នឹងអុជ​ធូប​ធ្វើបុណ្យព្រមៗ
គ្នាតាមប្រពៃណីផងដែរ។ ប្រជាជននៅតាម​ភូមិចំនួន៤១ភូមិ នឹងដង្ហែគ្រែស្នែង
ស្ដេចទៅធ្វើបុណ្យនៅវិហារ។ ទន្ទឹមនោះក៏រៀបចំការលេងល្បែងប្រជាប្រិយជា
ច្រើនដែរមានជាអាទិ៍ ល្បែងបោកចំបាប់ យោលទោង បោះឈូង លេងអុក 
បាញ់ស្នាព្រួញ រួមជាមួយការសំដែងសិល្បៈដែលមានបទចំរៀងប្រជាប្រិយដូចជា
ចំរៀង Xoan និងចំរៀងGheo​។ តាមអ្នកស្រី Hoang Thi Mai ជាពលរដ្ឋមួយរូប
​មកពីខេត្ត Tuyen Quang ប៉ែកឥសាន្ត វៀតណាមបានសំណេះសំណាលថា

       “​ ជារៀងរាល់ឆ្នាំនាថ្ងៃទី១០ខែមាឃខ្ញុំតែងតែរៀបចំការងារដើម្បីទៅកាន់
វិហារ​ស្ដេច ​Hung ​ ​ចូលរួមពិធីបុណ្យរំលឹកវិញ្ញាណក្ខន្ធបុព្វបុរសជាតិ។សកម្មភាព
នេះធ្វើឲ្យខ្ញុំ​មាន​អារម្មណ៍បានវិលត្រឡប់មកប្រភពដើមរបស់ខ្លួន​”។

        ពិធីបុណ្យរំលឹកវិញ្ញាណក្ខន្ធស្ដេច ​Hung - បុព្វបុរសជាតិនេះបានក្លាយទៅ
ជា​និមិត្តរូប​វប្បធម៌ព្រលឹង និងស្មារតីសាមគ្គីភាពរបស់សហគមន៍គ្រប់ជន
ជាតិ​វៀត​ណាម។ ទំនៀមទំលាប់គោរពបូជាស្ដេច ​Hung ត្រូវបានទទួលស្គាល់
ជាកេរិ៍្តដំណែល​អរូបីរបស់មនុស្សលោក៕