មកវត្ត Doi កំសាន្តប្រគំឧបករណ៍ភ្លេងប្រពៃណីជនជាតិខ្មែរ (youtube.com)

        Vovworld-ស្នូរប្រគំតន្ត្រីដោយឧបករណ៍ភ្លេងប្រពៃណីជនជាតិខ្មែរនៅវត្ត
Doi ជា​និច្ចកាលទាក់ទាញការយកចិត្តទុកដាក់ពីភ្ញៀវទេសចរពីគ្រប់ទិសទីមក
ទស្សនា។ វត្ត Doi ជាកេរ៌្តដំណែលប្រវត្តិសាស្ត្រវប្បធម៍ជាតិមានអាយុជាង៤០០
ឆ្នាំទៅ​ហើយ។ ប៉ុន្តែមកទីនេះ ហាក់ដូចជាអ្នកណាក៏លៃទុកពេលវេលាដើម្បីកំសាន្ត
​តូរតន្ត្រី​ពីឧបករណ៍ភ្លេងដោយឡែករបស់ជនរួមជាតិខ្មែរ។ លោក Phua Suong ប្រធាន
ក្រុមតូរតន្ត្រីបានឲ្យដឹងថា ក្រុមបានបង្កើតតាំងពីឆ្នាំ២០០៩មក។ ​ក្រុម​មាន​សមាជិក
ចំនួន៩នាក់និងសុទ្ធតែជាជនចាស់ជរាមកពីភូមិខុសពីគ្នាប៉ុន្តែមានការ​និយមចូលចិត្ត
រួមគឺតូរតន្ត្រី។ លោក​Phua Suong បានឲ្យដឹងថា៖

        “នៅខេត្ត Soc Trang ក៏មានកន្លែងមួយចំនួនគេបង្កើតក្រុមលេងឧបករណ៍​ប្រពៃណី
នេះប៉ុន្តែមិននិរន្តរភាពឡើយ។ គេត្រឹមតែលេងក្នុងពេលមានពិធីបុណ្យ​ឬ​គេអញ្ចើញ
ទៅសម្ដែង មួយឆ្នាំត្រឹមតែ១ដល់២ដងតែប៉ុណ្ណោះទេ។ រីឯយើងខ្ញុំលេង​ប្រចាំថ្ងៃ មួយ
ថ្ងៃយើងខ្ញុំលេងពីម៉ោង៧កន្លះដល់ម៉ោង៤ល្ងៀច។”

        លោក Tra Vinh អាយុ៨៧ឆ្នាំជាសមាជិកអាយុច្រនបំផុតក្នុងក្រុមត៏រតន្ត្រី ស្រុក
កំនើតនៅឃុំ Tham Don ស្រុក My Xuyen ធ្លាប់ជាសមាជិកនៃក្រុមសិល្បៈ​មហាជន។
ហេតុនេះហើយពេលបានអញ្ចើញចូលរួមក្រុមតូតន្ត្រីបម្រើភ្ញៀវ​ទេសចរណ៍នៅវត្តគឺ
លោកចូលរួមភ្លាម។

        “ខ្ញុំចាស់ជរាហើយ ប៉ុន្តែនៅលេងបានគឺមកលេងជាមួយគេ។ ប្រពៃណីរបស់​
ជនជាតិខ្មែរមិនងាយស្រួលមានបានឡើយ ជំនាន់វ័យក្មេងក្រោយនេះមិន​ចូលចិត្ត​
រៀនឡើយ ត្រឹមតែជនចាស់ជរាដូចយើងតែប៉ុណ្ណោះទេ។ វត្តមានឧបករណ៍​ភ្លេង​គឺ​
យើងបង្កើតក្រុមតូតន្ត្រីលេង ខ្ញុំមកទីនេះលេងតូតន្ត្រីផង បង្រៀនឲ្យសមាជិកថ្មី​ផង
សង្ឃឹមថាប្រពៃណីនេះមិនត្រូវសាបសូន្យបាត់ទៅ។”

        សុភមង្គល់ធំបំផុតរបស់គេគឺមិនត្រឹមតែលេងឧបករណ៍ផ្លេងរបស់ជនជាតិ​
ប៉ុណ្ណោះទេ។ ប្រការសំខាន់គឺគេបានសម្ដែងសេចក្តីស្នេហាសិល្បៈតូរតន្ត្រី។ គេ​មាន
បំណងរក្សារួមកំលាំងកាយចិត្តដើម្បីរក្សាផ្នែកវប្បធម៍ប្រពៃណីដ៏វិសេស​វិសាល
របស់ជនជាតិខ្លួន។ លោក Phua Suong បានឲ្យដឹងថា៖

        “ខ្ញុំចង់រក្សាប្រពៃណីរបស់ជនរួមជាតិខ្មែរ។ ហេតុនេះហើយខ្ញុំខំប្រឹងប្រែង​រក្សា
​ក្រុម​តូរតន្ត្រីនេះ ទន្ទឹមនឹងនោះនឹងបណ្ដុះបណ្ដាលមនុស្សបន្ថែមដែលមាន​ការ​និយម
ចូលចិត្តឧបករណ៍ភ្លេង អ្នកចេះលេងប៉ុន្តែមិនទាន់ស្ទាត់គឺយើង​ចលនា​គេមកទីនេះ
បង្រៀនបន្ថែម។”

        ក្រោយរយៈពេល៧ឆ្នាំបានបង្កើតមក ក្រុមតូរតន្ត្រីបានបង្កើតកេរ៌្តឈ្មោះមក​ដល់
ដំបន់មានជនរួមជាតិខ្មែរជាច្រើនរស់នៅ។ នាបច្ចុប្បន្នក្រៅពីការប្រគំតូរតន្ត្រី​បម្រើភ្ញៀវ
ទេសចរណ៍នៅវត្តនោះ ក្រុមលេងឧបករណ៍ភ្លេងជនជាតិនៅវត្ត Doi ខេត្ត Soc Trang
នៅតែបានប្រជាជនអញ្ចើញទៅសម្ដែងនៅពិធីបុណ្យប្រពៃណីឬ​អាពាហ៍ពិពាហ៍ តាម
រយៈនោះរួមចំណែកឆ្លើយតបនឹងតម្រូវការកំសាន្តវប្បធម៍​របស់​ជនរួមជាតិខ្មែរនៅទី
នេះទៀតផង៕