Vovworld-ក្នុងសាច់រឿង​បានមានលក្ខណះលំអិត​ជាច្រើន​ដែល​ដកស្រង់ចេញពី
ខ្សែជីវិតរបស់ខ្ញុំ​។​ក៏មានប្រការខ្លះ​ដែល ខ្ញុំបានស្ដាប់ពីទាហានអាមេរិកនិយាយអំពីការ
ឈឺចាប់ក្នុង​ដួង​ព្រលឹងគេក្នុងរយៈពេលចូលរួមសង្គ្រាមនៅវៀតណាម។​ ខ្ញុំបាននាំយក
ប្រការទាំង​អស់នោះចូលក្នុងរឿងល្ខោន “ទិវារំលឹកគុណ”។  អតីតទាហានអាមេរិក
Brian Delate ជាសិល្បករអ្នកតាក់តែងរឿងល្ខោន “ទិវារំលឹកគុណ” បាន​សំណេះ សំណាលចំពោះមុខទស្សនិកជនវៀតណាមដូច្នេះ។​

សិល្បករ Brian Delate​ ( TTXVN)

          រឿងល្ខោនបានបញ្ជូនអោយទស្សនិកជនវៀតណាមអំពីពិភពអារម្មណ៍ក្នុងចិត្ត​
របស់ Brest Westmoreland ​អតីតទាហានអាមេរិកដែលធ្លាប់ចូលរួមសង្គ្រាមនៅ​វៀត​ណាម។ តួរអង្គក្នុងរឿងល្ខោនគឺជាផ្នែកមួយក្នុងជីវិតអ្នកនិពន្ធ អតីតទាហាន Brian Dalate។

          “ក្រោយពេលដែលខ្ញុំពីវៀតណាមត្រឡប់មកអាមេរិក​ជីវភាពរបស់ខ្ញុំ​ឈឺចាប់
ណាស់ ខ្ញុំត្រូវមានរោគសញ្ញាអំពីការ​ភ័យខ្លាចនិងមានសកម្មភាព​ហឹង្សា​ណាស់ ខ្ញុំមិនដឹងថាខ្ញុំនៅកន្លែងណានិងធ្វើអ្វីឡើយ។ ប៉ុន្តែសកម្មភាពទាំងអស់ហាក់បីដូចជា​​
ធូស្រាលទៅ​ហើយ​ដល់ថ្ងៃទី១១កញ្ញាក្នុងពេលករណីភេរវកម្មកើតមានឡើង ខ្ញុំ​បានឃើញយន្តហោះបុកចូលអាគ៌ាពាណិជ្ជកម្មនិងប្រការនោះបានធ្វើឲ្យរស់ឡើង​
វិញរាល់​អារម្មណ៍ភ័យខ្លាចរបស់សង្គ្រាមនិងដោយសារនោះខ្ញុំបានជ្រើស​ផ្លូវសិល្បៈ។”​

          រឿងបានចាប់ផ្ដើមនៅរាត្រីមុនទិវារំលឹកគុណនៅបន្ទប់តូចមួយនៅទី​ក្រុង New
 York។ ជារយៈពេលដ៏ខ្លីមួយ Brian បានធ្វើជាតួរអង្គអតីតទាហាន Westmoreland ក្នុងបន្ទប់រៀបចំសម្ដែងឈុតធ្វើអត្តឃាត​ខ្លួនឯង។ ក្នុងមេម័រ បណ្ដាសកម្មភាពហឹង្សា
ដូច ឈុតចេញដំណើរទៅស្វែងរកកងទ័ពវៀតណាមលើដីគោក លើឧទ្ធម្ភាគចក្រ បំភ្លេចបំផ្លាញបាញ់សម្លាប់បានផុសឡើង។ សិល្បការិនី​ប្រជាជន Le Khanh បាន ចូលរួមរឿងល្ខោនដោយធ្វើជាតួអង្គស្រមោល​ខ្មោចបានឃើញការ​តស៊ូក្នុងអារម្មណ៍  ដួងចិត្តរបស់តួរអង្គ។

          “អ្នកនិពន្ធ តួរអង្គ Brian បានឆ្លងកាត់ឆាកជីវិត​ក្នុងជីវភាពរស់នៅ​ដោយ​លោក
បាន​បង្ហាញ​លើ​ឆាកល្ខោន។ ​ប្រការដែល​រារាំងចំពោះខ្ញុំ​នាគ្រាដំបូងនិងជះឥទ្ធិពលយ៉ាង​ខ្លាំងដល់ខ្ញុំ នោះគឺជាបញ្ហាព្រលឹង។ យើងខ្ញុំបានខំប្រឹងប្រែងទាក់ទងដល់ផ្នែកព្រលឹង​យ៉ាងជ្រៅដល់ទស្សនិកជននិងសង្ឃឹមថាទស្សនិកជនយល់បានប្រការដែល​យើងខ្ញុំ
បានធ្វើ។”

សិល្បករ Brian Delate​ និងសិល្បការនី Le Khanh ( TTXVN)

          រួមផ្សំជាមួយរាល់មេម័រដ៏ភ័យខ្លាចនោះ ក៏​មានពេលស្រស់ស្រាយ​មួយចំនួន នោះគឺជាពេលមេម័របាននឹករលឹកនៅពេលទទួល​សំបុត្ររបស់សាច់ញាត្តិ ការសាក
សួរ​សុខទុក្ខចែករំលែករបស់គ្រួសារជីវភាពនៅអាមេរិកនិង​បំណង​ប្រាថ្នារបស់ទា
ហានអាច វិលត្រឡប់មកប្រទេសវិញ​។ សាស្ត្រាចារ្សរងបណ្ឌិត Nguyen Thi Minh Thai
បានចាត់​ទុកថា៖

          “ប្រទេសជ័យជំនះមួយនិងប្រទេសបរាជ័យមួយនោះ គឺប្រទេស​​ទាំងពីរ​សុទ្ធ
តែ​មាន​ការបាត់បង់ឈឺចាប់។ នៅវៀតណាម អ្នករង​ការឈឺចាប់​បំផុត នោះគឺ​អ្នក​
ប្រពន្ធ អ្នកម្ដាយ នារីដែលត្រូវបាត់បង់បុរសប្តីជាទីស្រឡាញ​។”​

          ក្រោយការសម្ដែង Brian បានចែករំលែកថា ខ្ញុំបាននិពន្ធរឿងល្ខោន “ទិវា​រំលឹក​
គុណ” ដើម្បីឲ្យអ្នកមិនដែលឆ្លងកាត់ពីសង្គ្រាមយល់អំពីបណ្ដាប្រការ​ដែល​កូនចៅ គេបានកន្លងផុតទៅរួមជាមួយការឈឺចាប់ដែលគេត្រូវទទួលរង​ក្រោយ​ពេលសង្គ្រាម
បានបញ្ឈប់។ ទិវារំលឹកគុណរបស់ ​Brian Dalate បាន​ធ្វើឲ្យឆ្លងផុតសង្គ្រាមផ្ទាល់បាន គិតគូរឡើងវិញអំពីអតីតកាលនិងការឆ្លងផុតរបស់ខ្លួន៕