VOVWORLD_ល្ខោនអូប៉េរ៉ា” La Do”ជាល្ខោនមួយពោរពេញទៅដោយ​
មនោ​សញ្ចេតនា​​ សុទិដិ្ឋនិយម ការស្រលាញ់ជីវិត និងស្មារតីបដិវត្តន៍។​ នោះជា
ចំណាប់​អារម្មណ៍រួមរបស់ទស្សនិកជនជាច្រើនក្រោយពីទស្សនាការសំដែង
ល្ខោនអូប៉េរ៉ា” La Do”។ នេះជាវណ្ណកម្មសិល្បៈស្ដីពីក្រុមយុវជនស្ម័គ្រចិត្តនៅ
ខ្សែផ្លូវ Truong Son នា​សម័យសង្គ្រាមដែលបានអង្រួនបេះដូងអ្នកទស្សនា
ដោយសារស្មារតីបដិវត្តន៍និងការស្រលាញ់ជីវិត។

         ល្ខោនអូប៉េរ៉ា” La Do”ជាលទ្ធផលនៃកិច្ចសហការរវាងសិល្បករសិល្បការិនី
ល្បី​ឈ្មោះ ជាច្រើនរូបមានជាអាទិ៍ អ្នកនិពន្ធល្ខោនអ្នកស្រី Nguyen Thi Hong
 Ngat  តន្រ្តីករ​Do Hong Quan សិល្បករប្រជាជនអ្នកដឹកនាំរឿងAnh Tu​ អ្នក
បង្ហាត់របាំAnh Phuong ​និង​ក្រុមសិល្បករសិល្បការិនីក្នុងវង់តន្រ្តីស៊ីមហ្វនីវៀត
ណាម។ ដោយមានការចូលរួមកសាងនិងសំដែងរបស់សិល្បករសិល្បការិនីចំនួនជិត១៥០នាក់ ល្ខោនអូប៉េរ៉ា” La Do”​មិន​ត្រឹម​តែមានទ្រង់ទ្រាយធំប៉ុណ្ណោះទេ
ថែមទាំងមានសាច់រឿងពោរពេញទៅដោយ​អត្ថន័យ​មនុស្សសាស្រ្តចំពោះ
ជីវភាពសង្គមនាបច្ចុប្បន្ននេះទៀតផង។ល្ខោនអូប៉េរ៉ា​ត្រូវបានបង្កើតឡើង
តាមរយៈចំណាប់អារម្មណ៍ពីបទកំណាព្យ” La Do”​មានន័យថា” ស្លឹកឈើ
ក្រហម”  របស់កវី Nguyen Dinh Thiហើយបានបញ្ចូលចំរៀងដោយតន្រ្តីករ​
 Hoang Hiep ​ដែល​មាន​ឃ្លាថា”ជួបអូននៅលើភ្នំខ្យល់បក់   ព្រៃ Truong Son 
ភ្នំវែង​ស្លឹកឈើ ក្រហម” ។ ​ល្ខោនអូប៉េរ៉ា” La Do”​ធ្វើឲ្យទស្សនិកជននឹកគិត
ដល់សម័យ​សង្គ្រាម​​ប្រឆាំងសត្រូវ​ឈ្លាន​ពានពោរពេញទៅដោយភាពអង់អាច
ក្លាហាននិងពលីកម្ម​របស់យុវជនវៀតណាមដែលជីកភ្នំ Truong Son ធ្វើផ្លូវ
ទៅរំដោះភាគខាងត្បូងឯកភាព​ប្រទេសជាតិ។អ្នក​និពន្ធ​ល្ខោន​អ្នកស្រី ​
Nguyen Thi Hong Ngat  បានឲ្យដឹងថា

 “ ខ្ញុំមានអនុស្សាវរីយ៍និងមនោសញ្ចេតនាជាច្រើនជាមួយ Truong Son 
​ដោយ​សារ​កាលមានអាយុ១៨ឆ្នាំខ្ញុំសិក្សាចប់នៅសាលាហើយបានបញ្ជជូនទៅ
 Truong Son​ដើម្បី​សំដែងសិល្បៈបំរើយុទ្ធជន។ ដោយហេតុនេះពេលនិពន្ធសាច់
រឿង ខ្ញុំបានជ្រើសរើសក្រុមនារីស្ម័គ្រចិត្តនិងបងៗខាងវិស្វកម្មជាតួឯក។ គេ
រួមគ្នាធ្វើការប្រយុទ្ធហើយសេចក្ដីស្នេហ៍កកកើតក្នុងស្ថានភាពនោះ”។

ល្ខោនអូប៉េរ៉ា” La Do”មិនត្រឹមតែមានទ្រង់ទ្រាយធំប៉ុណ្ណោះទេថែមទាំងមានសាច់រឿងពោរពេញទៅដោយអត្ថន័យមនុស្សសាស្រ្តចំពោះជីវភាពសង្គមនាបច្ចុប្បន្ននេះទៀតផង

        ល្ខោនអូប៉េរ៉ា” La Do”​មានរយៈពេល២ម៉ោងរៀបរាប់រឿងពិតអំពីជោគ
វាសនា​របស់​យុវនារីស្ម័គ្រចិត្តចំនួន៨នាក់ដែលបំពេញបេសកកម្មនៅខ្សែផ្លូវ
Truong Son។ ​ជារៀងរាល់ថ្ងៃ​គេត្រួសត្រាយផ្លូវសំរាប់រថយន្តកងទ័ពដឹកអាវុធ
និង​យុទ្ធជន​ទៅ​កាន់​ភាគខាងត្បូងវាយខ្មាំងសត្រូវ។ ថ្ងៃមួយ​ ខណៈពេលជួយ
សង្គ្រោះរថយន្តដឹកទំនិញ ​គេត្រូវគ្រប់បែកខ្មាំងទំលាក់ហើយពលីជីវិតក្នុងរូង
ភ្នំ។ តាម សិល្បករប្រជាជន Pham Anh Phuong នាយកសាលមហោស្រពចំរៀង
របាំល្ខោនវៀតណាមជាអ្នកបង្ហាត់របាំ​ក្នុងល្ខោន​អូប៉េរ៉ា” La Do”​បានថ្លែងថា

   “ ចំពោះជំនាន់វ័យក្មេងដែលកើតក្រោយសង្គ្រាមគឺតាមរយៈល្ខោន​អូប៉េរ៉ា
មួយនេះ​គេអាចយល់បាននូវជីវភាពដ៏លំបាករបស់ជំនាន់យុវជនដែលបាន
បូជាសាច់ស្រស់ឈាមស្រស់របស់ខ្លួននៅTruong Son។ ”

        ក្នុងល្ខោន​អូប៉េរ៉ា” La Do”​តន្រ្តីករ​Do Hong Quan បានប្រើចំរៀងប្រជា
ប្រិយវៀត​ណាម​និង​ចង្វាក់​នៃបទចំរៀងជាច្រើនរបស់ក្រុមតន្រ្តីករស្ដីពីTruong
 Sonនាសម័យ​សង្គ្រាម។តាមរយៈនោះទស្សនិកជនមានការចាប់អារម្មណ៍
ថាល្ខោននេះមានលក្ខណៈប្រពៃណីជាតិផងនិងលក្ខណៈសិល្បៈសម័យផង៕