ກອງປະຊຸມຄັ້ງທີ 5 ກຸ່ມປະຕິບັດງານ ຂໍ້ລິເລີ່ມເຂດລຸ່ມແມ່ຂອງ (LMI)
ພາບປະກອບ
(vovworld) - ກອງປະຊຸມຖືກດຳເນີນໃນວັນທີ 6 ແລະ 7/11, ຢູ່ນະຄອນ ຊຽມຣຽບ, ປະເທດ ກຳປູເຈຍ. ເນື້ອໃນຕົ້ນຕໍ່ຂອງກອງປະຊຸມແມ່ນສ້າງບັນດາໂຄງການ ແລະ ສະເໜີການເຄື່ອນໄຫວລະອຽດຜັນຂະຫຍາຍບ້ວງໜູນຊ່ວຍທີ່ມີມູນຄ່າ 50 ລ້ານ USD ເຊິ່ງ ອາເມລິກາ ໃຫ້ຄຳໝັ້ນສັນຍາສະຫງວນໃຫ້ແກ່ 5 ປະເທດ: ກຳປູເຈຍ, ລາວ, ມຽນມາ, ໄທ ແລະ ຫວຽດນາມ ໃນຮອບເວລາ 2 ປີຈະມາເຖິງ, ໃນບັນດາຂົງເຂດເຊື່ອມຕໍ່ພື້ນຖານໂຄງລ່າງ, ຄ້ຳປະກັນດ້ານສະບຽງອາຫານ ແລະ ພະລັງງານ, ການສຶກສາ, ສາທາລະນະສຸກ…
ເປັນປະທານກອງປະຊຸມ, ທ່ານເອກອັກຄະລັດຖະທູດ ອາເມລິກາ ປະຈຳ ອາຊຽນ David Carden ເນັ້ນໜັກວ່າ: ແມ່ນ້ຳຂອງແມ່ນຊັບສົມບັດອັນລ້ຳຄ່າລວມຂອງບັນດາປະເທດໃນພາກພື້ນ, ແມ່ນແຫຼ່ງນ້ຳ, ແຫຼ່ງທັນຍາຫານຂອງປະຊາຊົນນັບໝື່ນເທື່ອຄົນ. ດັ່ງນັ້ນ, ເລື່ອງພ້ອມກັນຄຸ້ມຄອງແມ່ນ້ຳຂອງໃຫ້ໝັ້ນຄົງ ແລະ ມີປະສິດທິຜົນແມ່ນການທ້າທາຍອັນດັບໜຶ່ງຂອງບັນດາປະເທດໃນພາກພື້ນ. ທ່ານເອກອັກຄະລັດຖະທູດ ອາເມລິກາ David Carden ຊີ້ແຈ້ງວ່າ:
“ຮອດເວລາແລ້ວທີ່ພວກເຮົາຕ້ອງຍົກອອກບັນດາຂໍ້ຕົກລົງທີ່ຖືກຕ້ອງກ່ວາ. ພວກເຮົາຕ້ອງເຂົ້າໃຈວ່າບັນຫາຄ້ຳປະກັນດ້ານສະບຽງອາຫານ, ການສຶກສາ ແລະ ຊ້ຳບໍ່ໜຳແມ່ນທຸກໆບັນຫາກ່ຽວກັບສິ່ງແວດລ້ອມ ແລະ ການເຊື່ອມຕໍ່ພື້ນຖານໂຄງລ່າງ, ຄ້ຳປະກັນດ້ານກະສິກຳ ແລະ ພະລັງງານລະຫວ່າງບັນດາປະເທດໃນເຂດລຸ່ມແມ່ນ້ຳຂອງລ້ວນແຕ່ມີການພົວພັນຢ່າງສະໜິດແໜ້ນນຳກັນ. ນັ້ນແມ່ນສາຍເຫດເປັນຫຍັງພວກເຮົາຕ້ອງປຶກສາຫາລືນຳກັນເພື່ອມີການກະທຳຢ່າງຖືກຕ້ອງທີ່ສຸດ.”