ພາບປະກອບ
|
(vovworld) - ກອງປະຊຸມສາກົນກ່ຽວກັບທະເລຕາເວັນອອກຄັ້ງທີ 2 ພາຍໃຕ້ຫົວຂໍ້ວ່າ: “ພູມີປະເທດຍຸດທະສາດ ແລະ ແງ່ຫວັງຄຸ້ມຄອງການພິພາດ” ໂດຍສະຖາບັນກູ້ຊ່ວຍທະເລຂອງ ມາເລເຊຍ (MIMA) ຈັດຕັ້ງຂຶ້ນ ຢູ່ ນະຄອນຫລວງ Kualumpua ໄດ້ອັດລົງໃນວັນທີ 5/9. ໃນການເຮັດວຽກມາເປັນເວລາ 2 ມື້, ກອງປະຊຸມໄດ້ສຸມໃສ່ເຂົ້າໃນ 6 ເນື້ອໃນຕົ້ນຕໍ, ຊື່ງລວມມີ: ບັນຫາການພິພາດຢູ່ທະເລຕາເວັນອອກ ແລະ ຜົນສະທ້ອນຕໍ່ຄວາມໝັ້ນຄົງໃນພາກພື້ນອາຊີ ປາຊີຟີກ, ຕີລາຄາສະພາບການພູມີປະເທດການເມືອງໃນປະຈຸບັນ ຢູ່ ທະເລຕາເວັນອອກ, ກົດໝາຍສາກົນ, ກົນໄກແກ້ໄຂການພິພາດ, ບັນດາມາດຕະການຍາວນານ ແລະ ປຶກສາຫາລືກ່ຽວກັບທິດທາງແກ້ໄຂການພິພາດ. ກ່າວຄຳເຫັນທີ່ກອງປະຊຸມ, ທ່ານ Nguyen Hung Son ຮອງຫົວຫນ້າສະຖາບັນຄົ້ນຄ້ວາຍຸດທະສາດການຕ່າງປະເທດ ຫວຽດນາມ ໄດ້ສະເຫນີບັນດາຂົງເຂດການຮ່ວມມືລະຫວ່າງ ອາຊຽນ ແລະ ຈີນ ກໍຄືບັນດາຝ່າຍກ່ຽວຂ້ອງເພື່ອຊ່ວຍຮັກສາສະຖຽນລະພາບຢູ່ພາກພື້ນ. ຕາມທ່ານ Son ແລ້ວ, ນີ້ແມ່ນພື້ນຖານເພື່ອຄຸ້ມຄອງສະພາບການຢູ່ທະເລຕາເວັນອອກ ແຕ່ ອາຊຽນ ແລະ ຈີນ ຕ້ອງພ້ອມແລ້ວທີ່ຈະຮັດແຄບຊ່ອງຫວ່າງຄວາມເຂົ້າໃຈກ່ຽວກັບສະພາບແວດລ້ອມຍຸດທະສາດກໍຄືກົນໄກດ້ານກົດໝາຍເພື່ອຊຸກຍູ້ການຮ່ວມມືຢ່າງມີປະສິດທິຜົນ.