ກອງປະຊຸມສຳມະນາພັດທະນາແລະເປີດກວ້າງທ່າກໍ່າປັນທະເລພາກພື້ນອາຊີຕາເວັນອອກສ່ຽງໃຕ້ 2013
(ພາບປະກອບ)
(vovworld) - “ພັດທະນາ ແລະ ເປີດກວ້າງທ່າກໍ່າປັ່ນທະເລພາກພື້ນອາຊີຕາເວັນອອກສ່ຽງໃຕ້ 2013” ແມ່ນຫົວຂໍ້ຂອງກອງປະຊຸມສຳມະນາເຊິ່ງຖືກຈັດຂຶ້ນໃນວັນທີ 21/02, ຢູ່ນະຄອນໂຮ່ຈິມິນ, ດ້ວຍການເຂົ້າຮ່ວມຂອງນັກຄຸ້ມຄອງການເດີນທະເລ, ຂຸດຄົ້ນການຂົນສົ່ງທາງທະເລ, ທ່າກໍ່າປັ່ນ, ບໍລິການໜູນຊ່ວຍການຂົນສົ່ງທາງທະເລ... 120 ຄົນ ທີ່ມາຈາກບັນດາປະເທດໃນກຸ່ມອາຊຽນ. ກອງປະຊຸມສຳມະນາໄດ້ສຸມໃສ່ປຶກສາຫາລື ແລະ ແລກປ່ຽນບົດຮຽນ ກໍຄືຄົ້ນຄວ້າມາດຕະການຕ່າງໆເພື່ອພັດທະນາທ່າກໍ່າປັ່ນ ຢູ່ຫວຽດນາມ ແລະບັນດາປະເທດອາຊີຕາເວັນອອກສ່ຽງໃຕ້. ນີ້ກໍແມ່ນໂອກາດເພື່ອໃຫ້ແຕ່ລະປະເທດໃນພາກພື້ນຊອກຫາບັນດາເງື່ອນໄຂ, ຄວາມສາມາດທີ່ເໝາະສົມເພື່ອຮ່ວມມືລົງທຶນ, ຮ່ວມທຸລະກິດ, ຮ່ວມສຳພັນກັບຫວຽດນາມ ໃນຂົງເຂດການບໍລິການຂົນສົ່ງທາງທະເລ, ຂຸດຂົ້ນທ່າກຳປັ່ນ. ທ່ານ ຫງວຽນເຍີດ, ຫົວໜ້າກົມການເດີນທະເລຫວຽດນາມ ຖືວ່າ ເພື່ອບັນລຸໄດ້ຄາດໝາຍແກ່ງແຍ້ງກັບບັນດາປະຊາຄົມເສດຖະກິດອື່ນໆໃນພາກພື້ນ ແລະ ໃນໂລກ, ອາຊຽນຕ້ອງຍົກສູງຄຸນນະພາບບັນດານະໂຍບາຍກ່ຽວກັບການບໍລິການຂົນສົ່ງທາງທະເລ, ທ່າກໍ່າປັ່ນ, ການບໍລິການໜູນຊ່ວຍການຂົນສົ່ງທາງທະເລ, ການບໍລິການ Logistics... ປະກອບສ່ວນສ້າງການຮ່ວມສຳພັນລະຫວ່າງບັນດາຂະແໜງເສດຖະກິດ, ວິສາຫະກິດຂອງບັນດາປະເທດໃນພາກພື້ນຢ່າງແໜ້ນແຟ້ນ.