ທີ່ການເຈລະຈາທາງໂທລະສັບລະຫວ່າງທ່ານນາຍົກລັດຖະມົນຕີ Shinzo Abe ແລະ ທ່ານປະທານາທິບໍດີ ອາເມລິກາ Donal Trump, ສອງຝ່າຍເຫັນດີເປັນເອກະພາບຮ່ວມມືກັນເພື່ອຈັດຕັ້ງກອງປະຊຸມໃຫຍ່ສຸດຍອດລະຫວ່າງອາເມລິກາ - ສປປ.ເກົາຫຼີ ໃຫ້ມີຄວາມໝາຍທີ່ສຸດ. ຕາມທ່ານນາຍົກລັດຖະມົນຕີ Shinzo Abe ແລ້ວ, ທ່ານປະທານາທິບໍດີອາເມລິກາ Donal Trump ໄດ້ຍົກອອກບາງການຜັນແປໃນມໍ່ໆມານີ້ ທີ່ມີສ່ວນກ່ຽວຂ້ອງເຖິງກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ ແຕ່ບໍ່ເປີດເຜີຍໃຫ້ຮູ້ຂ່າວຄາວລະອຽດ.

        ໃນບັນດາບົດກ່າວປາໄສຕ່າງຫາກໃນທ້າຍອາທິດຜ່ານມາ, ທັງທ່ານປະທານາທິບໍດີອາເມລິກາ Donal Trump ແລະ ການນຳ ສປປ.ເກົາຫຼີ Kim Jong – Un ລ້ວນແຕ່ໄດ້ສະແດງຄວາມພ້ອມທີ່ຈະພົບປະກັນຕາມແຜນການໃນວັນທີ 12 ມິຖຸນາຈະມາເຖິງຢູ່ສິງກະໂປ ເຖິງວ່າວັນທີ 24 ພຶດສະພາຜ່ານມາ, ທ່ານປະທານາທິບໍດີອາເມລິກາ Donal Trump ໄດ້ປະກາດວ່າ ຈະຍົກເລິກກອງປະຊຸມດັ່ງກ່າວກໍຕາມ.