(ພາບ: dantri.com.vn)
(vovworld)- ວັນທີ 4/9, ງານຕະຫຼາດນັດ ອາຊຽນ-ຈີນ ໄດ້ອັດລົງຢູ່ນະຄອນໜານໜິງ, ແຂວງກວາງຊີ, ປະເທດຈີນ. ຜ່ານ 10 ປີເຂົ້າຮ່ວມງານຕະຫຼາດນັດ, ໃນເບື້ອງຕົ້ນ, ສິນຄ້າຫຼາຍປະເພດຂອງຫວຽດນາມ ໄດ້ມີທີ່ຕັ້ງໃນຕະຫຼາດຈີນ.
ໂດຍໄດ້ເຂົ້າຮ່ວມງານຕະຫຼາດນັດຢ່າງຕໍ່ເນື່ອງນັບແຕ່ຄັ້ງທຳອິດ, ມາຮອດປະຈຸບັນ, ເກີບ Bitis ຖືກຖືວ່າແມ່ນປະເພດສິນຄ້າຂອງ ຫວຽດນາມ ປະສົບຜົນສຳເລັດ ເມື່ອນຳເຂົ້າຕະຫຼາດຈີນ. ທ່ານນາງເລວິ້ງຄຽດ (Lê Vịnh Khiết) ຮອງຜູ້ອຳນວຍການໃຫ່ຍບໍລິສັດ Bitis ໃຫ້ຮູ້ວ່າ:
“ເຂົ້າຮ່ວມງານຕະຫຼາດນັດແຕ່ລະຄັ້ງ, ພວກຂ້າພະເຈົ້າ ກຳໄດ້ຄວາມຕ້ອງການ, ຄວາມນິຍົມໃຊ້ສອຍຂອງ ປຊຊ ຢູ່ທີ່ນີ້ລະອຽດກ່ວາ ແລະ ແຕ່ລະປີພວກຂ້າພະເຈົ້າກໍ່ມີຜະລິດຕະພັນໃໝ່ທີ່ເໝາະສົມ. ພວກຂ້າພະເຈົ້າໄດ້ຄົ້ນຄ້ວາຈຸດພິເສດໃນການໃຊ້ເກີບຂອງຊາວຈີນ. ດັ່ງນັ້ນ, ເມື່ອຜະລິດບັນດາຜະລິດຕະພັນທີ່ຖືກໃຈເຂົາເຈົ້າ, ແນ່ນອນວ່າເຂົາເຈົ້າຈະພໍໃຈ ເຖິງວ່ານັ້ນແມ່ນຜະລິດຕະພັນຂອງປະເທດອື່ນ“.
ກໍ່ເຊັ່ນດຽວກັນກັບ Bitis, ໃນເບື້ອງຕົ້ນ, ກາເຟຈຸງງວຽນ ກໍ່ບັນລຸຜົນສຳເລັດຢູ່ຕະຫຼາດຈີນ. ທ່ານຫງວຽນວັນດົງ, ຜູ້ຊ່ວຍວຽກຄະນະຜູ້ອຳນວຍການບໍລິສັດຈຸງງວຽນໃຫ້ຮູ້ວ່າ: ປະຈຸບັນ, ຈຸງງວຽນ ມີລະບົບແຈກຢາຍກາເຟ 10 ແຫ່ງໃນທົ່ວປະເທດຈີນ:
“ຫວຽດນາມ ມີທ່າແຮງດ້ານກາເຟ, ປະຈຸບັນ, ຊາວຈີນ, ພິເສດແມ່ນໄວໜຸ່ມພວມນິຍົມດື່ມກາເຟແທນໃຫ້ນ້ຳຊາ, ສະນັ້ນ, ນີ້ແມ່ນກາລະໂອກາດທີ່ໃຫ່ຍຫຼວງໃຫ້ແກ່ຫວຽດນາມ. ຈຸງງວຽນ ມີບັນດາປະເພດສິນຄ້າເຮັດດ້ວຍວັດຖຸທີ່ດີທີ່ສຸດ, ມີເຕັກໂນໂລຊີປຸງແຕ່ງດີທີ່ສຸດ ແລະ ພິເສດແມ່ນມີຍຸດທະສາດກ່ຽວກັບຮູບແບບຮ້ານກາເຟຈຸງງວຽນ ເພື່ອແນໃສ່ຫັນຜະລິດຕະພັນຂອງຕົນເປັນຫຼາຍຮູບຫຼາຍແບບ“.