ຂະແໜງຊອບແວຫວຽດນາມເຕີບໂຕແຮງຢູ່ຕ່າງປະເທດ
ທ່ານ ເຈືອງຢາບິ່ງ, ປະທານສະຫະສະມາຄົມຊອບແວ ແລະ ການບໍລິການເຕັກໂນໂລຢີຂໍ້ມູນຂ່າວສານ (ໄອທີ) ຫວຽດນາມ
(vovworld) - ທ່ານ ເຈືອງຢາບິ່ງ, ປະທານສະຫະສະມາຄົມຊອບແວ ແລະ ການບໍລິການເຕັກໂນໂລຢີຂໍ້ມູນຂ່າວສານ (ໄອທີ) ຫວຽດນາມ, ໃຫ້ຮູ້ວ່າ, ບັນດາວິສາຫະກິດ ໄອທີ ຫວຽດນາມ ພວມຮອງຮັບຜະລິດຊອບແວຂອງບັນດາວິສາຫະກິດຕ່າງປະເທດ, ພິເສດແມ່ນ ຍີ່ປຸ່ນ. ປະຈຸບັນ, ຫວຽດນາມພວມແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຂອງຍີ່ປຸ່ນ, ອາເມລິກາ, ເອີລົບ. ການສົ່ງອອກຊອບແວຂອງ ຫວຽດນາມເຂົ້າບັນດາປະເທດນີ້ຍັງຄົງຮັກສາລະດັບເຕີບໂຕ 20-30%/ປີ. ທ່ານ ເຈືອງຢາບິ່ງ, ໃຫ້ຮູ້ວ່າ:
“ບັນດາວິສາຫະກິດ ໄອທີ ຫວຽດນາມເໝາະສົມນັບທັງດ້ານເຕັກໂນໂລຢີ ແລະ ລາຄາສຳລັບບາງຕະຫຼາດສາກົນ. ເຖິງຢ່າງໃດກໍ່ຕາມ, ສິ່ງທີ່ຫຍຸ້ງຍາກຢູ່ຕະຫຼາດຕ່າງປະເທດນັ້ນແມ່ນທ່າທີເຮັດວຽກ. ຕ້ອງຮັບປະກັນຄຸນນະພາບ ແລະ ພຶດຕິກຳຕົວຈິງແຫ່ງການດຳເນີນທຸລະກິດ, ສະພາບແວດລ້ອມແຫ່ງການເຮັດວຽກ… ສິ່ງດັ່ງກ່າວໝາຍຄວາມວ່າພວກເຮົາຕ້ອງປ່ຽນແປງຕົວເອງໃຫ້ເໝາະສົມກັບຕະຫຼາດສາກົນ“.