(vovworld) - ໂດຍສືບຕໍ່ການເຮັດວຽກຂອງກອງປະຊຸມຄັ້ງທີ 10, ຕອນເຊົ້າວັນທີ 16/8, ຮ່າງກົດໝາຍວ່າດ້ວຍການໄກ່ເກ່ຍຢູ່ຂັ້ນຮາກຖານລວມມີ 5 ພາກ, 30 ຂໍ້ມາດຕາ, ໃນນັ້ນກຳນົດກ່ຽວກັບຜູ້ໄກ່ເກ່ຍ ແລະ ກຸ່ມຜູ້ໄກ່ເກ່ຍ; ການເຄື່ອນໄຫວໄກ່ເກ່ຍຢູ່ຂັ້ນຮາກຖານ ແລະ ໜ້າທີ່ຂອງບັນດາອົງການ, ສຳນັກງານໃນການເຄື່ອນໄຫວໄກ່ເກ່ຍຢູ່ຂັ້ນຮາກຖານ. ປຶກສາຫາລືທີ່ກອງປະຊຸມ, ມີບາງຄຳເຫັນຍັງເປັນຫ່ວງຕໍ່ຄວາມຈຳເປັນຍົກລະດັບລັດຖະບັນຍັດໄກ່ເກ່ຍກາຍເປັນ ກົດໝາຍວ່າດ້ວຍການໄກເກ່ຍຢູ່ຂັ້ນຮາກຖານ. ທ່ານຫົວໜ້າຫ້ອງວ່າການສະພາແຫ່ງຊາດ Nguyen Hanh Phuc ໄດ້ຖືວ່າ: ຄວາມຈິງໄດ້ສະແດງໃຫ້ເຫັນວ່າ ກົນໄກໄກ່ເກ່ຍໃນປະຈຸບັນພວມເສີມຂະຫຍາຍຜົນປະໂຫຍດ ແລະ ພວມເສີມຂະຫຍາຍຄຸນປະໂຫຍດຂອງມັນ. ຍິ່ງກວ່ານັ້ນ, ການໄກ່ເກ່ຍຢູ່ຂັ້ນຮາກຖານແມ່ນການເຄື່ອນໄຫວທີ່ອອ່ນໂຍນ, ສະແດງໃຫ້ເຫັນຄວາມສະໝັກໃຈ, ຕື່ນຕົວ ແລະ ອິດທິພົນຂອງຜູ້ທີ່ເຂົ້າຮ່ວມການໄກ່ເກ່ຍ. ເພາະສະນັ້ນ, ຕາມທ່ານ Nguyen Hanh Phuc ແລ້ວ, ບໍ່ຄວນຫັນການເຄື່ອນໄຫວນີ້ເປັນກົດໝາຍ ແລະ ລະບຽບການບໍລິຫານ.
“ເມື່ອຂັ້ນຮາກຖານເກີດເຫດການ ແມ່ນຕ້ອງການມີຜູ້ມີທີ່ອິດທິພົນຜູ້ໜຶ່ງ ມາຂົນຂວາຍ, ອະທິບາຍ ແລະ ແກ້ໄຂເທົ່ານັ້ນ. ມີບາງເຫດການບໍ່ທັງຕ້ອງການມີກຸ່ມຜູ້ໄກ່ເກ່ຍນີ້ ໂດຍອົງການຈັດຕັ້ງມະຫາຊົນ ແລະ ສະມາຊິກມາອະທິບາຍ. ມັນສະແດງໃຫ້ເຫັນຄວາມອ່ອນໂຍນຢູ່ບ່ອນນັ້ນ. ໃນກົດໝາຍຍັງມີຂໍ້ກຳນົດໜ້າທີ່ຮັບຜິດຊອບຂອງບັນດາອົງການໃນການກວດກາ, ແກ້ໄຂການລະເມີດກົດໝາຍກ່ຽວກັບການໄກ່ເກ່ຍ. ເພາະສະນັ້ນ, ຂ້າພະເຈົ້າຄິດວ່າ ບໍ່ມີບັນຫາຫຍັງທີ່ຕ້ອງການຍົກລະດັບລັດຖະບັນຍັດເປັນກົດໝາຍ”.