(vovworld) - ວັນທີ 27/8, ຢູ່ຮ່າໂນ້ຍ ໄດ້ດຳເນີນກອງປະຊຸມລະຫວ່າງຂະແໜງຂັ້ນລັດຖະມົນຕີເພື່ອແນໃສ່ຕີລາຄາກາງສະໄໝໝາຜົນແຫ່ງການປະຕິບັດແຜນການສັງລວມຂອງປະຊາຄົມວັດທະນະທຳ - ສັງຄົມ ຢູ່ ຫວຽດນາມ. ແຜນການສັງລວມຂອງປະຊາຄົມວັດທະນະທຳ - ສັງຄົມ ຖືກການນຳບັນດາປະເທດ ອາຊຽນ ຮັບຮອງເອົາທີ່ກອງປະຊຸມຂັ້ນສູງ ອາຊຽນ ຄັ້ງທີ 14 ຊຶ່ງໄດ້ຮັບການຈັດຕັ້ງຢູ່ ໄທ ເມື່ອວັນທີ 1/3/2009. ທີ່ກອງປະຊຸມ, ຜູ້ຕາງໜ້າບັນດາກະຊວງ, ຂະແໜງການແບ່ງປັນໝາກຜົນທີ່ບັນລຸໄດ້ໃນການປະຕິບັດແຜນການສັງລວມຂອງປະຊາຄົມວັດທະນະທຳ - ສັງຄົມ ອາຊຽນ ຢູ່ ຫວຽດນາມ, ຍົກອອກມາບັນດາຂໍ້ສະເໜີ, ມາດຕະການເພື່ອຊຸກຍູ້ການປະຕິບັດບັນດາການເຄື່ອນໄຫວ, ເພີ່ມທະວີກົນໄກປະສານງານມຸ້ງໄປເຖິງການສ້າງສຳເລັດແຜນການສັງລວມຢູ່ ຫວຽດນາມ ກໍ່ຄືບັນດາປະເທດໃນພາກພື້ນ...ກ່າວຄຳເຫັນທີ່ກອງປະຊຸມ, ທ່ານນາງລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມ ຫວຽດນາມ ຟ້າມທິຫາຍຈວຽນ ເນັ້ນໜັກວ່າ:
“ພວກເຮົາເຫັນວ່າ, ບັນດາຂໍ້ສະເໜີເຊິ່ງກຸ່ມທີ່ປຶກສາສະເໜີ ເໝາະສົມກັບວິວັດທະນາການ. ພວກເຮົາຕ້ອງສືບຕໍ່ຜັນຂະຫຍາຍ, ປະຕິບັດແຜນການສັງລວມວັດທະນະທຳ - ສັງຄົມ ອາຊຽນ ຢູ່ ຫວຽດນາມ. ບົນພື້ນຖານນັ້ນ, ສະມາຊິກໃນປະຊາຄົມວັດທະນະທຳ ສັງຄົມຢູ່ ຫວຽດນາມ ແຕ່ລະຄົນ ຈະປະຕິບັດບັນດາລາຍການ, ຈຸດໝາຍຂອງຕົນ, ມຸ່ງໄປເຖິງການປະຕິບັດປະຊາຄົມວັດທະນະທຳ ສັງຄົມ ອາຊຽນ ໃຫ້ເປັນຢ່າງດີ ແລະ ຮອດປີ 2015 ພວກເຮົາຈະເຊື່ອມໂຍງໄດ້”