ທ່ານນາຍົກລັດຖະມົນຕີ Nguyen Tan Dung ເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 21
ທ່ານນາຍົກລັດຖະມົນຕີ Nguyen Tan Dung
ພາບ: internet
|
(vovworld) - ວັນທີ 17/11, ທ່ານນາຍົກລັດຖະມົນຕີ Nguyen Tan Dung ນຳຫນ້າຄະນະຜູ້ແທນ ຫວຽດນາມ ອອກເດີນທາງຈາກ ຮ່າໂນ້ຍ ໄປເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 21 ແລະ ບັນດາກອງປະຊຸມສຸດຍອດກ່ຽວຂ້ອງ ຊື່ງຖືກຈັດຂຶ້ນຢູ່ນະຄອນຫລວງ ພະນົມເປັນປະເທດ ກຳປູເຈຍ ຕາມຄຳເຊີນຂອງທ່ານນາຍົກລັດຖະມົນຕີ ກຳປູເຈຍ ສົມເດັດ ເຕໂຊ ຮຸນແຊນ. ໃນໄລຍະຢູ່ນະຄອນຫລວງ ພະນົມເປັນ ແຕ່ວັນທີ 17-20/11, ທ່ານນາຍົກລັດຖະມົນຕີ Nguyen Tan Dung ຈະເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 21 ແລະ ບັນດາກອງປະຊຸມສຸດຍອດກ່ຽວຂ້ອງ ນັ້ນແມ່ນ ກອງປະຊຸມສຸດຍອດ ອາຊຽນ + 3, ກອງປະຊຸມສຸດຍອດ ອາຊີຕາເວັນອອກ (EAS) ແລະ ບັນດາກອງປະຊຸມສຸດຍອດ ອາຊຽນ + 1 ກັບປະເທດຄູ່ເຈລະຈາ ຊື່ງລວມມີ: ຈີນ, ຍີ່ປຸ່ນ, ສເກົາຫລີ, ອີນເດຍ ແລະ ອາເມລິກາ). ກອງປະຊຸມສຸດຍອດ ອາຊຽນ ຄັ້ງທີ 21 ແລະ ບັນດາກອງປະຊຸມສຸດຍອດກ່ຽວຂ້ອງ ຈະສຸມໃສ່ເຂົ້າໃນການຊຸກຍູ້ວິວັດການສ້າງປະຊາຄົມ ອາຊຽນ ແລະ ເຊື່ອມຈອດ ອາຊຽນ, ຮັກສາຄວາມສາມັກຄີ ແລະ ບົດບາດໃຈກາງຂອງ ອາຊຽນ ໃນການແກ້ໄຂບັນດາບັນຫາຂຶ້ນກັບຜົນປະໂຫຍດ ແລະ ການຮ່ວມມືພາກພື້ນ, ເປີດກວ້າງການພົວພັນກັບບັນດາປະເທດຄູ່ເຈລະຈະນັບທັງລວງກວ້າງ ແລະ ລວງເລິກຕາມທິດແທດຈິງ ແລະ ມີປະສິດທິຜົນກວ່າ.
ດ້ວຍຈິດໃຈ “ເປັນເຈົ້າການ, ຕັ້ງຫນ້າ ແລະ ມີຄວາມຮັບຜິດຊອບ”, ຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງນີ້ ແນໃສ່ສືບຕໍ່ເສີມຂະຫຍາຍບັນດາຜົນງານຕັ້ງຫນ້າທີ່ບັນລຸໄດ້ໃນໄລຍະຜ່ານມາ, ພ້ອມກັບບັນດາປະເທດ ອາຊຽນ ປະກອບສ່ວນເຂົ້າໃນຜົນສຳເລັດຂອງບັນດາກອງປະຊຸມສຸດຍອດ, ປັບປຸງຄວາມສາມັກຄີ ແລະ ບົດບາດໃຈກາງຂອງ ອາຊຽນ, ປະກອບສ່ວນສ້າງ ອາຊຽນ ໃຫ້ມີຄວາມສາມັກຄີ, ເຂັ້ມແຂງ, ປະກອບສ່ວນເຂົ້າໃນການຊຸກຍູ້ສັນຕິພາບ, ສະຖຽນລະພາບ, ຄວາມໝັ້ນຄົງ, ການຮ່ວມມື ແລະ ພັດທະນາຢູ່ພາກພື້ນ, ຜ່ານນັ້ນ ຍົກສູງບົດບາດ, ທີ່ຕັ້ງຂອງ ຫວຽດນາມ ໃນເວທີສາກົນ ແລະ ຊຸກຍູ້ການພົວພັນສອງຝ່າຍລະຫວ່າງ ຫວຽດນາມ ກັບບັນດາປະເທດຄູ່ເຈລະຈາ.