ທ່ານນາງ Cik Aida Safura Niza Othman ອັກຄະລັດຖະທູດ ມາເລເຊຍ ປະຈຳຫວຽດນາມ (ພາບ: TTXVN)

ຕາມແຈ້ງການຂອງຄະນະພົວພັນຕ່າງປະເທດສູນກາງພັກແລ້ວ, ທ່ານເລຂາທິການໃຫຍ່ ພັກຄອມມຸນິດ ຫວຽດນາມ ໂຕເລິມ ແລະ ພັນລະຍາ ຈະເດີນທາງໄປຢ້ຽມຢາມ ມາເລເຊຍ ຢ່າງເປັນທາງການແຕ່ວັນທີ 21 – 23 ພະຈິກ ຕາມຄຳເຊີນຂອງທ່ານນາຍົກລັດຖະມົນຕີ ມາເລເຊຍ Anwar Ibrahim ແລະ ພັນລະຍາ.

ຕາມທ່ານນາງ Cik Aida Safura Niza Othman ອັກຄະລັດຖະທູດ ມາເລເຊຍ ປະຈຳຫວຽດນາມ ແລ້ວ, ການຢ້ຽມຢາມ ແມ່ນມີຄວາມໝາຍອັນຍິ່ງໃຫຍ່ໃນການປັບປຸງ ແລະ ຊຸກຍູ້ການພົວພັນອັນດີງາມທີ່ມີຢູ່ແລ້ວ ລະຫວ່າງ ມາເລເຊຍ ແລະ ຫວຽດນາມ. ທ່ານນາງອັກຄະລັດຖະທູດຢືນຢັນວ່າ: ຫວຽດນາມ ແມ່ນຄູ່ຮ່ວມມືສຳຄັນຂອງ ມາເລເຊຍ ແລະ ຝ່າຍ ມາເລເຊຍ ຕັ້ງຄວາມຫວັງວ່າ ການຢ້ຽມຢາມຂອງທ່ານເລຂາທິການໃຫຍ່ ໂຕເລິມ ຈະສ້າງກຳລັງຫນູນໃຫ້ແກ່ຫລາຍຂົງເຂດຄື: ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ; ການຮ່ວມມືໃນຂົງເຂດພະລັງງານທົດແທນ ແລະ ເຕັກໂນໂລຊີສີຂຽວ; ເຕັກໂນໂລຊີຂໍ້ມູນຂ່າວສານ ແລະ ສື່ສານ; ເສດຖະກິດ ດິຈີຕອນ; ການທ່ອງທ່ຽວ, ການແລກປ່ຽນວັດທະນະທຳ ແລະ ການສຶກສາ ກໍ່ຄືເພີ່ມທະວີການຮ່ວມມືໃນພາກພື້ນ ພິເສດແມ່ນໃນຂອບເຂດ   ອາຊຽນ.