ທ່ານຮອງນາຍົກລັດຖະມົນຕີ ຫວູດືກດາມ ກ່າວຄຳເຫັນທີ່ກອງປະຊຸມ
ພາບ:dantri.com
|
(vovworld)- ຕອນເຊົ້າວັນທີ 22/9, ກ່າວຄຳເຫັນທີ່ກອງປະຊຸມໃຫຍ່ຜູ້ແທນທົ່ວປະເທດສະມາຄົມສົ່ງເສີມການຮ່ຳຮຽນຢູ່ຫວຽດນາມຄັ້ງທີ 5, ທ່ານຮອງນາຍົກລັດຖະມົນຕີ ຫວູດືກດາມ ຕີລາຄາສູງບັນດາໝາກຜົນຂອງສະມາຄົມສົ່ງເສີມການຮ່ຳຮຽນຫວຽດນາມ ບັນລຸໄດ້ໃນ 20 ປີຜ່ານມາ ແລະ ຜົນງານໃນເບື້ອງຕົ້ນກ່ຽວກັບການສ້າງຮູບແບບຮ່ຳຮຽນຂັ້ນຕາແສງ. ທ່ານຮອງນາຍົກລັດຖະມົນຕີ ຫວູດືກດາມ ສະເຫນີ ສະມາຄົມສົ່ງເສີມການຮ່ຳຮຽນ ຫວຽດນາມ ສືບຕໍ່ຜັນຂະຫຍາຍ ແລະ ປຸກລະດົມຂະບວນການສ້າງສັງຄົມຮ່ຳຮຽນ ແລະ ສະເຫນີບັນດານະໂຍບາຍລົງທຶນ, ສ້າງສູນຮ່ຳຮຽນໃນປະຊາຄົມໃຫ້ສົມບູນແບບ, ຮູບແບບພົນລະເມືອງຮ່ຳຮຽນ ແລະ ນະຄອນ ຮ່ຳຮຽນ.
“ພວກເຮົາເອົາໃຈໃສ່ເປັນພິເສດເຖິງວຽກງານການສຶກສາປ່ຽນໃຫມ່ການສອນວິຊາຊີບຢູ່ເຂດຊົນນະບົດ ແລະ ຄວນມີບັນດາຂະບວນການເຄື່ອນໄຫວຢ່າງມີປະສິດທິຜົນ. ຂ້າພະເຈົ້າສະເຫນີ ກະຊວງສຶກສາ ແລະ ບຳລຸງສ້າງ, ກະຊວງແຮງງານ ທະຫານເສຍອົງຄະ ແລະ ສັງຄົມ, ບັນດາກະຊວງຂະແຫນງການສູນກາງສົມທົບຢ່າງແຫນ້ນແຟ້ນ ແລະ ສ້າງເງື່ອນໄຂສະດວກເພື່ອໃຫ້ສະມາຄົມສົ່ງເສີມການຮ່ຳຮຽນຫວຽດນາມ ສຳເລັດຫນ້າທີ່ຂອງຕົນເປັນຢ່າງດີ.”