ວັນທີ 27 ທັນວາ, ມີຂະບວນລົດຂົນສົ່ງສະບຽງອາຫານຫນູນຊ່ວຍໄດ້ເດີນທາງໄປຮອດນະຄອນຫລວງ Khartoum ຂອງ ຊູດັງ ຄັ້ງທຳອິດ ນັບແຕ່ເມື່ອສົງຄາມພາຍໃນເກີດຂຶ້ນເມື່ອເດືອນເມສາປີ 2023. ຕາມສະຫະປະຊາຊາດແລ້ວ, ປະເທດນີ້ ປະຈຸບັນ ພວມຜ່ານຜ່າ “ວິກິດການຂອງໄພອຶດຫິວທີ່ຮ້າຍແຮງທີ່ສຸດໃນໂລກ” ຍ້ອນຜົນຕາມມາຂອງການປະທະກັນລະຫວ່າງກອງທັບ ແລະ ກຳລັງຫນູນຊ່ວຍວ່ອງໄວ RSF.

ຂະບວນລົດລວມມີ ລົດບັນທຸກສິນຄ້າ 28 ຄັນ. Unicef, ແມ່ນຫົວຫນ່ວຍສົ່ງເຖິງ 5 ຄັນ, ເຂົາເຈົ້າໃຫ້ຮູ້ວ່າ ໄດ້ຂົນສົ່ງສະບຽງອາຫານ ແລະ ອຸປະກອນການແພດມາຍັງ ໂຮງໝໍ Al Bashayer ແລະບັນດາຮາກຖານການແພດອື່ນຢູ່ Khartoum. ກ່ອນນັ້ນສອງສາມວັນ, ມີຫນ່ວຍຊ່ຽວຊານກ່ຽວກັບບັນຫາຄຳ້ປະກັນດ້ານສະບຽງອາຫານແບບເອກະລາດໄດ້ມີຄຳເຕືອນວ່າ ຊູດັງ ພວມຕົກເຂົ້າສູ່ ”ວິກິດການໄພອຶດຫິວທ່ີພວມແຜ່ລາມອອກສູ່ວົງກວ້າງຢ່າງຮ້າຍແຮງ”

ກອງທັບ ແລະ ກຳລັງ RSF ໄດ້ເກີດການປະທະກັນນັບແຕ່ເມື່ອປີ 2021, ຄາດວ່າ ມີ ຜູ້ຖືກເສຍຊີວິດ 150.000 ຄົນ ແລະຫລາຍກວ່າ 11 ລ້ານຄົນຕ້ອງຍ້າຍຖິ່ນຖານ, ປະມານກວ່າເຄິ່ງຫນຶ່ງພົນລະເມືອງ ລວມມີ 24,6 ລ້ານຄົນພວມຕ້ອງການການຊ່ວຍເຫລືອສະບຽງອາຫານ. ຫລາຍຄວາມມານະພະຍາຍາມໄກ່ເກຍປອງດອງຊາດເພື່ອແນໃສ່ຢຸດຕິການປະທະກັນລະຫວ່າງ ກອງທັບ ແລະ ກຳລັງ RSF ມາຮອດປະຈຸບັນ ລ້ວນແຕ່ຖືກປະລາໄຊ.