ນາຍົກລັດຖະມົນຕີມາເລເຊຍ: ອາຊຽນສາມັກຄີ ແມ່ນປັດໃຈຕົ້ນຕໍປະກອບສ່ວນເຂົ້າໃນສັນຕິພາບຢູ່ໃນພາກພື້ນ
ທ່ານນາຍົກລັດຖະມົນຕີມາເລເຊຍ Najib Razak
(ພາບ: AFP)
(vovworld) – ໃນສານເນື່ອງໃນໂອກາດສະເຫຼີມສະຫຼອງ 47 ປີແຫ່ງວັນສ້າງຕັ້ງອາຊຽນ, ວັນທີ 08/08, ທ່ານນາຍົກລັດຖະມົນຕີມາເລເຊຍ Najib Razak ໄດ້ເນັ້ນໜັກວ່າ ອາຊຽນສາມັກຄີ ແມ່ນໜຶ່ງໃນບັນດາປັດໃຈຕົ້ນຕໍປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຢູ່ໃນພາກພື້ນ ແລະ ມາເລເຊຍ ຈະບໍ່ໄດ້ຊົມໃຊ້ຄວາມກ້າວໜ້າ ຖ້າຫາກພາກພື້ນຖືກຕົກເຂົ້າໃນສະພາບປະທະກັນ ລະຫວ່າງບັນດາປະເທດຕ່າງໆນຳກັນ. ໃນບົດກ່າວປາໄສຂອງຕົນ ທ່ານນາຍົກລັດຖະມົນຕີ Razak ເນັ້ນໜັກວ່າ: ໂດຍແມ່ນໜຶ່ງໃນບັນດາປະເທດສະມາຊິກກໍ່ຕັ້ງອາຊຽນ, ມາເລເຊຍ ມີຄວາມເອກອ້າງທະນົງໃຈຕໍ່ບັນດາຄວາມມານະພະຍາຍາມ ແລະ ບົດບາດຂອງຕົນໃນການຮັບປະກັນຜົນສຳເລັດຂອງກຸ່ມ. ທ່ານກໍ່ໃຫ້ຂໍ້ສັງເກດວ່າ: ຄວາມສາມັກຄີຂອງອາຊຽນ ໄດ້ຮັບຜົນສຳເລັດເພື່ອໄດ້ຮັບຄວາມໄວ້ເນື້ອເຊື່ອໃຈປະຊາຄົມໂລກ. ອາຊຽນໄດ້ວາງຈຸດໝາຍສ້າງປະຊາຄົມມຸ່ງໄປເຖິງອະນາຄົດ, ມີບົດບາດສຳຄັນໃນການພັດທະນາບັນດາບັນຫາພາກພື້ນ, ປະກອບສ່ວນເຂົ້າໃນການພັດທະນາປະຊາຄົມທີ່ມີຄວາມຮັບຜິດຊອບ ແລະ ປອດການປະທະກັນ ກໍ່ຄື ພັດທະນາຢ່າງຟົດຟື້ນໃນຂົງເຂດເສດຖະກິດ. ສິ່ງດັ່ງກ່າວຈະເຮັດໃຫ້ອາຊຽນ ຫຍັບມໍ່ໃກ້ກັບທຸກຄົນກວ່າ ແລະ ຫຼັງຈາກນັ້ນຈະກາຍເປັນອົງການສັງຄົມທີ່ລອບຄອບຖີ່ຖ້ວນ ແລະ ມີຄວາມຮັບຜິດຊອບ.