ນາຍົກລັດຖະມົນຕີໄທຮຽກຮ້ອງໃຫ້ປະຊາຊົນຕັ້ງໜ້າເຂົ້າຮ່ວມການເລືອກຕັ້ງ
ວັນທີ 5/1, ຜູ້ສະໜັບສະໜູນຝ່າຍຄ້ານຈັດຕັ້ງການແຫ່ຂະບວນປະທ້ວງຢູ່ບັງກອກ
(ພາບ: vtc.vn)
(vovworld) – ວັນທີ 5/1, ທ່ານນາງນາຍົກລັດຖະມົນຕີຊົ່ວຄາວ ໄທ ຍິ່ງລັກ ຊິນນະວັດ ໄດ້ຮຽກຮ້ອງໃຫ້ປະຊາຊົນປະເທດນີ້ຕັ້ງໜ້າໄປປ່ອນບັດເລືອກຕັ້ງໃນການເລືອກຕັ້ງທົ່ວປະເທດກ່ອນກຳນົດເວລາເຊິ່ງຄາດວ່າຈະດຳເນີນໄປໃນວັນທີ 2/2 ຈະມາເຖິງ. ຕາມທ່ານນາງ ຍິ່ງລັກ ຊິນນະວັດ ແລ້ວ, ໃນສະພາບການປະຈຸບັນຂອງ ໄທ, ນັ້ນແມ່ນມາດຕະການດີທີ່ສຸດໃຫ້ບັນດາບັນຫາທີ່ຍັງຄົງຄ້າງ. ທ່ານນາງນາຍົກລັດຖະມົນຕີ ໄທ ເນັ້ນໜັກວ່າ: ສະພາບຂາດສະຖຽນລະພາບທາງດ້ານການເມືອງພວມກະທົບຢ່າງຫຍໍ້ທໍ້ເຖິງພື້ນຖານເສດຖະກິດຂອງປະເທດຊາດ, ພິເສດແມ່ນຂະແໜງທ່ອງທ່ຽວ. ຄຳຮຽກຮ້ອງດັ່ງກ່າວຂອງທ່ານນາງ ຍິ່ງລັກ ຊິນນະວັດ ໄດ້ຍົກອອກມາໃນຂະນະທີ່ປະຊາຊົນນັບໝື່ນຄົນທີ່ຂຶ້ນກັບຝ່າຍຄ້ານຢູ່ໄທສືບຕໍ່ລົງຖະໜົນແຫ່ຂະບວນປະທ້ວງໃນວັນດຽວກັນຢູ່ນະຄອນຫຼວງ ບັງກອກ ຮຽກຮ້ອງໃຫ້ນາຍົກລັດຖະມົນຕີ ຕ້ອງລາອອກຈາກຕຳແໜ່ງ, ຜູ້ຕາງໜ້າຝ່າຍຄ້ານໃຫ້ຮູ້ວ່າ: ນີ້ແມ່ນການເດີນຂະບວນປະທ້ວງຄັ້ງທຳອິດເພື່ອແນໃສ່ເປີດສາກບັ້ນຮົບ “ຢືດຄອງ” ນະຄອນຫຼວງໃນວັນທີ 13/1 ຕາມແຜນການທີ່ໄດ້ວາງອອກ.
ຜູ້ຕາງໜ້າພັກ ເພື່ອໄທ ກຳອຳນາດກ່າວເຕືອນວ່າ: ຖ້າຫາກການກະທຳ “ປິດລ້ອມ ບັງກອກ” ໃນວັນທີ 13/1 ຈະມາເຖິງຂອງຝ່າຍຄ້ານ, ເກີດຂຶ້ນຈະກໍ່ຄວາມເສຍຫາຍທາງດ້ານເສດຖະກິດເຖິງ 200 ຕື້ບາດ. ແລະ ສ່ວນທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ລັດຖະບານຊົ່ວຄາວ ໄທ ສຸຣາພົງ ໂຕວິຈັກໄຈກຸນ ກໍ່ໄດ້ໃສ່ໃຈປະຊາຊົນວ່າ: ການກະທຳ “ປິດລ້ອມ ບັງກອກ” ນີ້ແມ່ນລະເມີດກົດໝາຍ ແລະ ອຳນາດການປົກຄອງຈະນຳໃຊ້ການກະທຳນິຕິກຳສຳລັບຫົວໜ້າຂະບວນແຫ່ຕ້ານລັດຖະບານທີ່ຜິດກັບກົດໝາຍ.