(VOVWORLD) - ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນຄູແຫ່ງຊາດ ຫວຽດນາມ (20/11/1982 – 20/11/2024), ບັນດາໂຮງຮຽນໃນທົ່ວປະເທດໄດ້ຈັດຕັ້ງຫຼາຍກິດຈະກຳທີ່ມີຄວາມໝາຍເພື່ອແນໃສ່ສະແດງຄວາມຮູ້ບຸນຄຸນ, ເຊີດຊູບັນດາຄູສອນໃນວຽກງານການສຶກສາ, ບຳລຸງສ້າງ.
 ການມອບລາງວັນການແຂ່ງຂັນ “ຄູສອນໃນສາຍຕາຂອງນ້ອງຄັ້ງທີ V” (ພາບ: hanoi.edu) |
ຢູ່ຮ່າໂນ້ຍ, ໂດຍນອນໃນບັນດາເຫດການສະເຫຼີມສະຫຼອງ 70 ປີແຫ່ງວັນສ້າງຕັ້ງຂະແໜງການສຶກສາ ແລະ ບຳລຸງສ້າງ ຮ່າໂນ້ຍ (1954 - 2024), 42 ປີແຫ່ງວັນຄູແຫ່ງຊາດ ຫວຽດນາມ, ພະແນກການສຶກສາຮ່າໂນ້ຍ ແລະ ກຳມະບານຂະແໜງການສຶກສາ ຮ່າໂນ້ຍ ໄດ້ຈັດການມອບລາງວັນການແຂ່ງຂັນ “ຄູສອນໃນສາຍຕາຂອງນ້ອງຄັ້ງທີ V.”
ແລະກໍ່ໃນໂອກາດນີ້, ຄະນະກຳມະການປະຊາຊົນນະຄອນ ດ່ານັ້ງ ໄດ້ມອບລາງວັນ “ຄູສອນດ່ານັ້ງ ດີເດັ່ນ” ໃຫ້ແກ່ຄູສອນດີເດັ່ນ 25 ຄົນໃນບໍລິເວນນະຄອນ. ຄູສອນ 25 ຄົນທີ່ໄດ້ຮັບການເຊີດຊູໃນຄັ້ງນີ້ແມ່ນແບບຢ່າງທີ່ດີເດັ່ນກ້າວໜ້າ, ສ້າງກຳລັງໜູນໃນການປ່ຽນແປງໃໝ່, ປະດິດຄິດສ້າງ ໃນທົ່ວຂະແໜງການສຶກສາ ແລະ ບຳລຸງສ້າງນະຄອນ.
ນອກຈາກນັ້ນ ມີຫຼາຍການເຄື່ອນໄຫວພົບປະ, ສະແດງຄວາມຮູ້ບຸນຄຸນ, ບັນດາລາຍການສະແດງສິລະປະ, ກິລາອື່ນໆ ໂດຍບັນດາໂຮງຮຽນ, ທ້ອງຖິ່ນຈັດຂຶ້ນເພື່ອແນໃສ່ລະດົມກຳລັງໃຈບັນດາຄູສອນສືບຕໍ່ມານະພະຍາຍາມບັນລຸໄດ້ຫຼາຍຜົນງານກ່ວາອີກໃນວຽກງານການສຶກສາ.