ບໍາລຸງສ້າງນັກຊ່ຽວຊານຫຼັກແຫຼ່ງ 100 ຄົນ ເພື່ອຮັບໃຊ້ໃຫ້ແກ່ການສ້າງລັດຖະບານເອເລັກໂຕນິກ
(VOVWORLD) -ບໍາລຸງສ້າງນັກຊ່ຽວຊານຫຼັກແຫຼ່ງແນໃສ່ຍົກສູງຄຸນນະພາບແຫຼ່ງຊັບພະຍາກອນມະນຸດດ້ານເຕັກໂນໂລຢີຂໍ້ມູນຂ່າວສານ, ຮັບໃຊ້ກິດຈະການກໍ່ສ້າງລັດຖະບານເອເລັກໂຕນິກ ຢູ່ຫວຽດນາມ.
 ທ່ານ ຫງວຽນແມ້ງຫຸ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ (ພາບ: TTXVN) |
ໃນແຜນການຜັນຂະຫຍາຍລັດຖະບານເອເລັກໂຕນິກຂອງກະຊວງຖະແຫຼງຂ່າວ ແລະ ສື່ສານຫວຽດນາມ, ໄດ້ສ້າງໂຄງການບໍາລຸງສ້າງນັກຊ່ຽວຊານຫຼັກແຫຼ່ງ 100 ຄົນເພື່ອຮັບໃຊ້ການຜັນຂະຫຍາຍລັດຖະບານເອເລັກໂຕນິກ. ຄາດວ່າ, ໂຄງການດັ່ງກ່າວຈະໄດ້ເປີດຕົວໃນວັນທີ 20 ທັນວາ 2019. ໂຄງການດັ່ງກ່າວ ແມ່ນເພື່ອແນໃສ່ຍົກສູງຄຸນນະພາບແຫຼ່ງຊັບພະຍາກອນມະນຸດດ້ານເຕັກໂນໂລຢີຂໍ້ມູນຂ່າວສານ, ຮັບໃຊ້ກິດຈະການກໍ່ສ້າງລັດຖະບານເອເລັກໂຕນິກ ຢູ່ຫວຽດນາມ.