(vovworld) - ທີ່ການຕ້ອນຮັບທ່ານເລຂາທິການໃຫຍ່ພັກກອມມູນິດສ້າງຕັ້ງຄືນໃໝ່ ອີຕາລີ Paolo Ferrero ໃນວັນທີ 21/3, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ເນັ້ນໜັກວ່າ: ການພົວພັນລະຫວ່າງ 2 ພັກ ແລະ ປະຊາຊົນ 2 ປະເທດແມ່ນການສືບທອດມູນເຊື້ອອັນຍາວນານຂອງ 2 ຊາດ, ຄວນສືບຕໍ່ໄດ້ຮັບການຮັກສາ ແລະ ເສີມຂະຫຍາຍ. ທ່ານປະທານສະພາແຫ່ງຊາດ ຫງວຽນຊິງຮູ່ງ ເຊື່ອໝັ້ນວ່າ ພັກກອມມູນິດສ້າງຕັ້ງຄືນໃໝ່ ອີຕາລີ ສືບຕໍ່ຍົກສູງທີ່ຕັ້ງບົດບາດ, ນຳປະເທດ ອີຕາລີ ພັດທະນາ, ວັດທະນາຖາວອນ, ເຂົ້າຮ່ວມຢ່າງຕັ້ງໜ້າເຂົ້າໃນຂະບວນການກອມມູນິດ ແລະ ກຳມະກອນໂລກ. ທ່ານປະທານສະພາແຫ່ງຊາດ ຫງວຽນຊິງຮູ່ງ ປາດຖະໜາວ່າ ພັກກອມມູນິດສ້າງຕັ້ງຄືນໃໝ່ ອີຕາລີ ສະໜັບສະໜູນ ແລະ ຕັ້ງໜ້າຊຸກຍູ້ການພົວພັນຮ່ວມມືລະຫວ່າງ 2 ສະພາແຫ່ງຊາດ ແລະ ບັນດາການເຄື່ອນໄຫວແລກປ່ຽນລະຫວ່າງບັນດາກຸ່ມສະມາຊິກສະພາແຫ່ງຊາດກ່ວາອີກ, ຜ່ານນັ້ນເພີ່ມທະວີຄວາມເຂົ້າອົກເຂົ້າໃຈລະຫວ່າງ 2 ປະເທດ.
ສ່ວນທ່ານປະທານພັກກອມມູນິດສ້າງຕັ້ງຄືນໃໝ່ ອີຕາລີ Paolo Ferrero ຢືນຢັນຕັດສິນໃຈຍູ້ແຮງການພົວພັນຮ່ວມມືລະຫວ່າງພັກກອມມູນິດສ້າງຕັ້ງຄືນໃໝ່ ອີຕາລີ ແລະ ພັກກອມມູນິດ ຫວຽດນາມ ກ່ວາອີກ, ປາດຖາໜາຢາກຮຳ່ຮຽນບັນດາບົດຮຽນພັດທະນາເສດຖະກິດການຕະຫຼາດຕາມກຳນົດທິດສັງຄົມນິຍົມຢູ່ ຫວຽດນາມ.