(vovworld) - ວັນທີ 21/06, ທ່ານປະທານາທິບໍດີລັດເຊຍ Vladimir Putin, ໄດ້ອອກສຽງປົກປ້ອງບັນດາສັນຍາຕົກລົງດ້ານອາວຸດຂອງລັດເຊຍ ກັບອຳນາດການປົກຄອງຂອງທ່ານປະທານາທິບໍດີຊີຣີ Bashar al Assad ພ້ອມທັງຕຳນິຕິຕຽນເລື່ອງຝ່າຍຕາເວັນຕົກສະໜອງອາວຸດໃຫ້ແກ່ກຳລັງຝ່າຍຄ້ານຊີຣີ ຢູ່ປະເທດຕາເວັນອອກກາງນີ້, ໃນນັ້ນມີທັງບັນດາກຸ່ມກໍການຮ້າຍ. ຄຳເຫັນດັ່ງກ່າວຖືກຍົກອອກມາພາຍຫຼັງທີ່ກຸ່ມຝ່າຍຄ້ານກອງທັບຊີຣີ ເສລີ (FSA) ຍ້ອມຮັບໃນມໍ່ໆມານີ້ວ່າ ໄດ້ຮັບບັນດາອາວຸດໃໝ່ ສາມາດປ່ຽນແປງການຕໍ່ສູ້ຕ້ານອຳນາດການປົກຄອງປະຈຸບັນຢູ່ຊີຣີ. ກຸ່ມປະກອບອາວຸດນີ້ ກໍແຈ້ງຂ່າວວ່າ ຄາດວ່າການຂົນສົ່ງອາວຸດຄັ້ງຕໍ່ໄປຈະປະຕິບັດໃນ 2 – 3 ມື້ຈະມາເຖິງ.
ໃນເຫດການອື່ນ, ຄະນະສືບສວນສິດທິມະນຸດຂອງສະຫະປະຊາຊາດຢູ່ຊີຣີ ໃຫ້ຮູ້ວ່າ ຍັງບໍ່ທັນສະຫຼຸບວ່າ ຝ່າຍໃດນຳໃຊ້ອາວຸດເຄມີ ໃນສົງຄາມຢູ່ຊີຣີ. ທ່ານ Paulo Pinheiro, ປະທານຄະນະກຳມະການສືບສວນຂອງສະຫະປະຊາຊາດ ໃຫ້ຮູ້ວ່າ ຈະບໍ່ວິຈານກ່ຽວກັບເລື່ອງອາເມລິກາ, ຝລັ່ງ, ອັງກິດ ຍົກອອກຫຼັກຖານຢືນຢັນອຳນາດການປົກຄອງຂອງປະທານາທິບໍດີຊີຣີ Bashar al Assad ໄດ້ນຳໃຊ້ອາວຸດເຄມີໃນບັນດາການປະທະກັນກັບຝ່າຍຄ້ານ.