ປະທານາທິບໍດີລັດເຊຍ ຮຽກຮ້ອງບັນດານັກລົງທຶນ ເຂົ້າມາລົງທຶນຢູ່ ລັດເຊຍ
ເວທີປາໄສການລົງທຶນ “ ປະເທດລັດເຊຍຮຽກຮ້ອງການລົງທຶນ ”
(ພາບ :internet)
|
Vovworld- ໃນບົດກ່າວປາໄສຢູ່ທີ່ເວທີປາໄສການລົງທຶນ “ ປະເທດລັດເຊຍຮຽກຮ້ອງການລົງທຶນ ” , ທ່ານປະທານາທິບໍດີລັດເຊຍ Vladimir Putin ໄດ້ຮຽກຮ້ອງບັນດານັກລົງທຶນທັງຢູ່ພາຍໃນ ແລະ ຕ່າງປະເທດຈົ່ງເພີ່ມທະວີການ ລົງທຶນເຂົ້າປະເທດນີ້. ທ່ານປະທານາທິບໍດີລັດເຊຍ Vladimir Putin ຖະແຫຼງວ່າ ປະເທດລັດເຊຍເປີດປະຕູຕ້ອນຮັບ ບັນດານັກລົງທຶນທັງຢູ່ພາຍໃນ ແລະ ຕ່າງປະເທດເຂົ້າມາລົງທຶນໃນບັນດາຂະແໜງອຸດສາຫະກຳ, ກະສີກຳ ແລະ ການບໍລິການ. ທ່ານປະທານາທິບໍດີລັດເຊຍ Vladimir Putin ສະແດງຄວາມປາດຖະໜາວ່າ ນອກຈາກເງິນລົງທຶນ, ບັນດາວິສາຫະກິດຕ່າງປະເທດຈະນຳເອົາເຕັກໂນໂລຢີທີ່ກ້າວໜ້າ ພ້ອມກັບບົດຮຽນການຄຸ້ມຄອງທີ່ທັນສະໄໝ ແລະ ຮູບແບບຈັດຕັ້ງການຜະລິດທີ່ດີທີ່ສຸດ ມາສູ່ປະເທດລັດເຊຍ.
ເວທີປາໄສການລົງທຶນ “ ປະເທດລັດເຊຍຮຽກຮ້ອງການລົງທຶນ ” ຈະແກ່ຍາວຈົນຮອດວັນທີ 04/10 ຊຶ່ງມີການເຂົ້າຮ່ວມຂອງຜູ້ແທນ 1.500 ກ່ວາທ່ານ, ໃນນັ້ນມີນັກລົງທຶນ 500 ຄົນຂອງ ລັດເຊຍ, ອາເມລິກາ, ບັນດາປະເທດເອີລົບ, ຕາເວັນອອກກາງ ແລະ ອາຟະລິກາ .