ປະຊາຄົມໂລກມີຄວາມເອົາໃຈໃສ່ຕໍ່ສະພາບການຢູ່ຊີຣີ
(ພາບ:vov.vn)
(vovworld)- ກ່າວຄຳເຫັນໃນການຢ້ຽມຢາມລີບັງ ເມື່ອວັນທີ 14/9, , ທ່ານ Jean Yves Le Drian ລັດຖະມົນຕີກະຊວງປ້ອງກັນປະເທດຝະລັ່ງ ໄດ້ເວົ້າວ່າ: ຝະລັ່ງ ຈະບໍ່ແຊກແຊງເຂົ້າຊີຣີ ຖ້າຫາກວ່າບໍ່ໄດ້ຮັບການສະໜັບສະໜູນຈາກວົງຄະນາຍາດສາກົນ. ການຢ້ຽມຢາມຕາເວັນອອກກາງຄັ້ງນີ້ຂອງທ່ານ Drian ໄດ້ດຳເນີນໄປໃນສະພາບການໃຊ້ຄວາມຮຸນແຮງຢູ່ຊີຣີ ນັບມື້ນັບປີນຂັ້ນໄດ ແລະ ມີໄພຈະແຜ່ຂະຫຍາຍອອກສູ່ປະເທດບ້ານໃກ້ເຮືອນຄຽງລີບັງ ແລະ ກະແສຟອງໃຊ້ຄວາມຮຸນແຮງຕ້ານອາເມລິກາ ຢູ່ລີບີ ແລະ ອີຢີບ ພວມແຜ່ຂະຫຍາຍອອກສູ່ວົງກ້ວາງ. ສະນັ້ນນີ້ແມ່ນໂອກາດເພື່ອໃຫ້ຝະລັ່ງ ຢັ້ງຢືນບົດບາດຂອງຕົນໃນການແກ້ໄຂວິກິດການຢູ່ຊີຣີ. ການປະທະກັນຢູ່ຊີຣີ ແມ່ນສາຍເຫດພາໃຫ້ເກີດຄວາມເຄັ່ງຕຶງດ້ານສາສະໜາຢູ່ລີບັງ ຊື່ງໄດ້ເຮັດໃຫ້ນັບສີບຄົນເສຍຊີວິດ.