ພິທີສວດມົນພາວະນາຢູ່ເຢຍລະມັນ
|
(vovworld) - ວັນທີ 12/3, ຢູ່ວັດ ຕື່ເອີນ, ປະຊາຄົມຊາວ ຫວຽດນາມ ຢູ່ນະຄອນຫຼວງ ແບກແລງ, ປະເທດ ເຢຍລະມັນ, ໄດ້ຈັດຕັ້ງພິທີສວດມົນພາວະນາເພື່ອສະແດງຄວາມຮູ້ບຸນຄຸນບັນດາວິລະຊົນທີ່ໄດ້ເສຍສະຫຼະຊີວິດເພື່ອເອກະລາດ ແລະ ຜືນແຜ່ນດິນອັນຄົບຖ້ວນ, ທະເລໝູ່ເກາະຂອງປະເທດຊາດ. ຂຶ້ນຕົ້ນພິທີ, ເຈົ້າອະທິການວັດ, ພະມະຫາອາຈານ ທີກຕື່ເຍີນ ພ້ອມກັບພະສົງສຳມະເນນ, ພຸດທະສາສະນິກກະຊົນ ແລະ ພໍ່ແມ່ປະຊາຊົນຊາວ ຫວຽດນາມ ໄດ້ໄວ້ອາໄລໜຶ່ງນາທີຕາມພິທີການພຸດທະສາສະໜາ ແລະ ຖະຫວາຍທູບທຽນເພື່ອສະແດງຄວາມເຄົາລົບນັບຖື, ອາໄລຫາບັນດານັກຮົບທີ່ໄດ້ເສຍສະຫຼະຊີວິດໃນການສູ້ຮົບເພື່ອປົກປັກຮັກສາຜືນແຜ່ນດິນຊາຍແດນ, ທະເລ, ໝູ່ເກາະຂອງປະເທດຊາດ, ພາວະນາຂໍໃຫ້ດວງວີນຍານບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດໄດ້ໄປສູ່ສຸຂະຕິ ທ່ານ ຫງວຽນຕ໋ຽນເຂີຍ, ນັກຮົບເກົ່າໄດ້ເຄື່ອນໄຫວເປັນເວລາຫຼາຍປີຢູ່ ເຈືອງຊາ, ໄດ້ສະແດງຄວາມຂອບອົກຂອບໃຈຕໍ່ວັດ ຕື່ເອີນ ພ້ອມກັບພໍ່ແມ່ປະຊາຊົນຊາວ ຫວຽດນາມ ຢູ່ແບກແລງ ທີ່ໄດ້ຈັດຕັ້ງພິທີສວດມົນພາວະນາໃຫ້ແກ່ບັນດາຜູ້ໄດ້ເສຍສະຫຼະຊີວິດເພື່ອປະເທດຊາດ. ທ່ານ ຫງວຽນຕ໋ຽນເຂີຍ ຢັ້ງຢືນວ່າ: ລຸ້ນຄົນໃນປະຈຸບັນຈະຈົດຈຳບຸນຄຸນອັນໃຫຍ່ຫຼວງນີ້ໄວ້ ແລະ ຍາມໃດກໍ່ຈະສະແດງນຳ້ໃຈຕອບບຸນແທນຄຸນຢ່າງເລິກເຊິ່ງຕໍ່ການເສຍສະຫຼະອັນສູງສົ່ງຂອງບັນດາວິລະຊົນນັກຮົບທີ່ໄດ້ເສຍສະຫຼະຊີວິດເພື່ອຊາດຕະຫຼອດໄປ.