ກອງປະຊຸມປະຈຳເດືອນ 1/2014 ຂອງລັດຖະບານ
photo:chinhphu.vn
|
(vovworld) - ວັນທີ 27/1, ລັດຖະບານໄດ້ປະກາດໃຊ້ມະຕິກ່ຽວກັບກອງປະຊຸມປະຈຳເດືອນ 1/2014 ຂອງລັດຖະບານ. ຕາມນັ້ນແລ້ວ, ລັດຖະບານໄດ້ເປັນເອກະພາບ, ປະຕິບັດແຜນການພັດທະນາເສດຖະກິດສັງຄົມ ນັບແຕ່ຊຸມມື້ຕົ້ນປີ. ລັດຖະບານສະເຫນີໃຫ້ບັນດາກະຊວງ, ອົງການ, ທ້ອງຖິ່ນຕ່າງໆ ຈົ່ງສຸມໃສ່ແກ້ໄຂຄວາມຫຍຸ້ງຍາກ, ຂໍ້ຕິດຂັດໃຫ້ແກ່ການຜະລິດດຳເນີນທຸລະກິດ, ຮັບປະກັນຄວາມຄືບຫນ້າປະຕິບັດໂຄງການດຳເນີນງານຂອງລັດຖະບານປີ 2014 ນັບແຕ່ຊຸມເດືອນຕົ້ນປີ. ລັດຖະບານ ສະເຫນີ ທະນາຄານແຫ່ງລັດ ຫວຽດນາມ ຊີ້ນຳການຊຸກຍູ້ດ້ານສິນເຊື່ອເພື່ອຮັບໃຊ້ການຜະລິດ, ດຳເນີນທຸລະກິດ ພາຍຫລັງບຸນເຕັດ. ກະຊວງອຸດສາຫະກຳ ແລະ ການຄ້າ ເປັນເຈົ້າພາບ, ສົມທົບກັບບັນດາກະຊວງ, ຂະແຫນງການ, ອຳນາດການປົກຄອງບັນດາທ້ອງຖິ່ນ ທະວີຄູນຮູບແບບຮັກສາລາຄາຢູ່ທ້ອງຕະຫລາດໃຫ້ເປັນປົກກະຕິໃນໂອກາດບຸນເຕັດ ແລະ ຫລັງບຸນເຕັດ. ນອກນັ້ນ ລັດຖະບານ ສະເຫນີກະຊວງຕຳຫລວດ ສົມທົບກັບບັນດາອົງການ, ທ້ອງຖິ່ນ ຮັບປະກັນຄວາມສະຫງົບປອດໄພດ້ານການເມືອງ, ຄວາມເປັນລະບຽບຮຽບຮ້ອຍໃນທົ່ວສັງຄົມ.