ຕະຫຼາດ Damascus, ຊີຣີ, ວັນທີ 16 ທັນວາ 2024 (ພາບ: THX/TTXVN)

ວັນທີ 07 ມັງກອນ, ທ່ານ Asaad Hassan al-Shibani ລັດຖະມົນຕີການຕ່າງປະເທດໃນອຳນາດການປົກຄອງຊົ່ວຄາວຢູ່ ຊີຣີ ເນັ້ນໜັກວ່າ ການກະທຳຜ່ອນຜັນຄຳສັ່ງລົງໂທດໃນມໍ່ໆມານີ້ຂອງ ອາເມລິກາ ຄວນເປັນບາດກ້າວມຸ່ງໄປເຖິງການຍົກເລີກບັນດາຄຳສັ່ງລົງໂທດຢ່າງສິ້ນເຊີງ.  ຕາມທ່ານແລ້ວ, ບັນດາຄຳສັ່ງລົງໂທດໃນປັດຈຸບັນ ແມ່ນສິ່ງກີດຂວາງໃຫຍ່ສຸດສຳລັບການຟື້ນຟູຂອງ ຊີຣີ.

       ກ່ອນໜ້ານັ້ນໜຶ່ງວັນ, ອາເມລິກາ ຖະແຫຼງວ່າ ຈະອະນຸຍາດໃຫ້ການຊ່ວຍເຫຼືອເຊື້ອເພີງ ແລະ ໄຟຟ້າໃຫ້ແກ່ ຊີຣີ ໃນ 6 ເດືອນ ເພື່ອປົວແປງຄວາມສາມາດສຳຜັດບັນດາການບໍລິການພື້ນຖານ, ພາຍຫຼັງທີ່ກຳລັງຝ່າຍຄ້ານໂຄ່ນລົ້ມອຳນາດການປົກຄອງຂອງທ່ານປະທານາທິບໍດີ Bashar al – Assad ໃນເດືອນກ່ອນ.

        ກໍໃນວັນທີ 07 ມັງກອນ, ສະໜາມບິນສາກົນ Damascus ໄດ້ເຊື່ອມຕໍ່ບັນດາຖ້ຽວບິນພາຍໃນ ແລະ ສາກົນຄືນໃໝ່ເປັນຄັ້ງທຳອິດ ນັບແຕ່ເມື່ອທ່ານປະທານາທິບໍດີ Bashar al – Assad ຖືກໂຄ່ນລົ້ມ.