(vovworld) – ກອງປະຊຸມປະຈຳປີ 2013 – 2014 ຂອງລັດຖະບານ ລາວ ຖືກໄຂຂຶ້ນໃນວັນທີ 22/9. ໃນ 3 ວັນດຳເນີນກອງປະຊຸມ, ກອງປະຊຸມສຸມໃສ່ເຂົ້າໃນບັນດາເນື້ອໃນສຳຄັນຄື: ວຽກງານກະກຽມເຂົ້າຮ່ວມປະຊາຄົມເສດຖະກິດ ອາຊຽນ 2015, ສະພາບການຈັດຕັ້ງປະຕິບັດແຜນການພັດທະນາເສດຖະກິດ - ສັງຄົມປີ 2013 – 2014, ໝາກຜົນຂອງການປະຕິບັດມະຕິເລກທີ 13/ນາຍົກລັດຖະມົນຕີ, ລົງວັນທີ 11/4/2012 ກ່ຽວກັບການຢຸດຕິບັນດາໂຄງການລົງທຶນໃໝ່ໃນຂົງເຂດບໍ່ແຮ່, ປູກຢາງພາລາ ແລະ ຕົ້ນໄມ້ອຸດສາຫະກຳໃນທົ່ວປະເທດລາວໂດຍຊົ່ວຄາວ, ຮັບຮອງເອົາແຜນການຈັດຕັ້ງປະຕິບັດເສດຖະກິດ - ສັງຄົມປີ 2014 – 2015, ບຸລິມະສິດປະຕິບັດບັນດາໂຄງການລົງທຶນຈຸດສຸມຂອງລັດ, ລາຍງານສະພາບການຈັດຕັ້ງປະຕິບັດແຜນການງົບປະມານປີການເງິນ 2013 – 2014 ແລະ ປະກາດແຜນການງົບປະມານປີ 2014 – 2015, ສະຫລຸບ, ຕີລາຄາໝາກຜົນແຫ່ງການຈັດຕັ້ງປະຕິບັດແຜນການປີ 2013 – 2014 ແລະ ແຜນການຈຸດສຸມໃນປີ 2014 – 2015. . . ກອງປະຊຸມຂອງລັດຖະບານຄັ້ງນີ້ມີຄວາມໝາຍສຳຄັນທີ່ສຸດ ແລະ ແມ່ນປີບານພັບໃຫ້ແຜນການພັດທະນາເສດຖະກິດ - ສັງຄົມ 5 ປີຄັ້ງທີ 7 ຂອງ ສປປ ລາວ.