ລຸ່ນໜຸ່ມຮັກສາອະທິປະໄຕ ເຂດທະເລໝູ່ເກາະ ອັນສັກະລະບູຊາ ຂອງປະເທດຊາດ
(ພາບ:baokhanhhoa.com.vn)
(vovworld)- ຕອນຄ່ຳວັນທີ 7/7, ຢູ່ນະຄອນຫວູ໋ງເຕົາ, ກຳມະບານຂະແໜງຢາງພາລາຫວຽດນາມ ສົມທົບກັບສະຫະພັນແຮງງານແຂວງບ່າເຣັ້ຍ-ຫວູ໋ງເຕົາ ໄດ້ຈັດພິທີໄຂຄ້າຍພັກແລ້ງເຍົາວະຊົນຄັ້ງທີ 14-ປີ 2013 ດ້ວຍຫົວເລື່ອງ “ເຂດໝູ່ເກາະທະເລຂອງປະເທດຊາດ”. ນີ້ເປັນປີທີ 14 ຢ່າງລຽນຕິດທີ່ກຳມະບານຂະແໜງຢາງພາລາຫວຽດນາມ ຈັດຄ້າຍພັກແລ້ງເຍົາວະຊົນໃຫ້ແກ່ລູກຫລານພະນັກງານ ກຳມະການ ພາລະກອນ ດ້ວຍຄວາມປາດຖະໜາຢາກປຸກລຸກ ແລະ ເພີ່ມພູນຄູນສ້າງຄວາມຮັກຕໍ່ບ້ານເກີດເມືອງນອນ, ປະເທດຊາດ, ຕໍ່ເຂດທະເລໝູ່ເກາະ ແລະ ຄວາມຕັດສິນໃຈຮັກສາອະທິປະໄຕອັນສັກະກລະບູຊາຂອງປະເທດຊາດໃນໝູ່ລຸ່ນໜຸ່ມ. ທີ່ຄ້າຍພັກແລ້ງຄັ້ງນີ້, ບັນດາຜູ້ແທນເຂົ້າຮ່ວມການເຄື່ອນໄຫວຕ່າງໆຄື: ຖະຫວາຍທູບທຽນຢູ່ອະນຸສາວະລີບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດ, ເຂົ້າຢ້ຽມຂ່ຳນັບອະນຸສາວະລີນັກວິລະຊົນທີ່ໄດ້ເສຍສະຫຼະຊີວິດເພື່ອຊາດຫວໍ້ທິເຊົາ, ໄປທັດສະນະສຶກສາບັນດາທິວທັດທຳມະຊາດຂອງທ້ອງຖິ່ນ ແລະ ເຂົ້າຮ່ວມບັນດາການລະຫຼີ້ນບົນທະເລ.
ແລະ ກໍ່ໃນຕອນຄ່ຳວັນທີ 7/7, ຢູ່ນະຄອນໂຮ່ຈິມິນ, ໄດ້ດຳເນີນລາຍການສະແດງສິລະປະເພື່ອແນໃສ່ສ້າງກອງທຶນສຶກສາໃຫ້ລູກຫລານບັນດານັກຮົບພວມປະຕິບັດໜ້າທີ່ຢູ່ເຂດໝູ່ເກາະເຈື່ອງຊາ. ທຶນສຶກສາທີ່ມີມູນຄ່າ 5 ລ້ານດົ່ງໄດ້ມອບໃຫ້ລູກຫລານນັກຮົບເຈື່ອງຊາ 10 ຄົນ. ລາຍການສະແດງບໍ່ພຽງແຕ່ຮັບໃຊ້ໃຫ້ຜູ້ຊົມຊົມເທົ່ານັ້ນ ຫາກຍັງຝາກຝັ່ງອາລົມຈິດຄວາມຮັກແພງ ແລະ ປຸກລະດົມກຳລັງໃຈລູກຫລານບັນດານັກຮົບພວມປະຕິບັດໜ້າທີ່ຢູ່ເຂດໝູ່ເກາະເຈື່ອງຊາ ອີກດ້ວຍ.