(vovworld) - ທີ່ວາລະປະຊຸມຄັ້ງທີ 15 ຂອງຄະນະຊີ້ນຳການປະຕິຮູບຕຸລາການສູນກາງ, ເຊິ່ງດຳເນີນໃນວັນທີ 31/03, ຄະນະຊີ້ນຳການປະຕິຮູບຕຸລາການສູນກາງ ໄດ້ໃຫ້ຄຳເຫັນໃສ່: ແຜນຮ່າງປ່ຽນໃໝ່ການຈັດຕັ້ງ ແລະ ການເຄື່ອນໄຫວຂອງຂະແໜງສານປະຊາຊົນສູງສຸດ, ສານປະຊາຊົນຂັ້ນສູງ, ສານປະຊາຊົນຂັ້ນແຂວງ, ສານປະຊາຊົນ ຊັ້ນຕົ້ນເຂດ ແລະ ບາງບັນຫາສຳຄັນຂອງຮ່າງກົດໝາຍວ່າດ້ວຍການຈັດຕັ້ງສານປະຊາຊົນ (ສະບັບປັບປຸງ) ຢ່າງລະອຽດ. ບັນດາສະມາຊິກຄະນະຊີ້ນຳກໍ່ໃຫ້ຄຳເຫັນກ່ຽວກັບແຜນຮ່າງຈັດຕັ້ງໄອຍະການປະຊາຊົນທຸກຂັ້ນ ແລະ ຮ່າງກົດໝາຍວ່າດ້ວຍການຈັດຕັ້ງໄອຍະການປະຊາຊົນ (ສະບັບປັບປຸງ); ແຜນຮ່າງ “ປ່ຽນໃໝ່ການຈັດຕັ້ງ ແລະ ການເຄື່ອນໄຫວຂອງບັນດາອົງການຕຸລາການໃນກອງທັບ” ຢ່າງລະອຽດ. ບັນດາສະມາຊິກຄະນະຊີ້ນຳໄດ້ປະກອບຄຳເຫັນກ່ຽວກັບບາງເນື້ອໃນສຳຄັນຂອງບັນດາແຜນຮ່າງ ແລະ ຮ່າງກົດໝາຍດັ່ງກ່າວ.
ສະຫຼຸບວາລະປະຊຸມ, ທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ, ສະເໜີໃຫ້ບັນດາອົງການກະກຽມບັນດາແຜນຮ່າງ, ຮ່າງກົດໝາຍ, ຮັບເອົາຄຳເຫັນຈາກສະມາຊິກຄະນະຊີ້ນຳ, ເພີ່ມເຕີມບັນດາຂໍ້ອ້າງຢ່າງມີວິທະຍາສາດ ແລະ ພຶດຕິກຳຕົວຈິງ, ຍົກລະດັບຮ່າງກົດໝາຍ. ຕາມທ່ານປະທານປະເທດແລ້ວ, ບັນດາຮ່າງກົດໝາຍດັ່ງກ່າວຄວນປັບປຸງຕາມທິດເປີດ, ບັນດາບັນຫາໃຫຍ່ຄວນຍື່ນສະເໜີ 2 ແບບວິທີ, ມີຂໍ້ອ້າງຢ່າງມີວິທະຍາສາດ ແລະ ລັກສະນະເກ້ຍກ່ອມສຳລັບແຕ່ລະແຜນຮ່າງທີ່ໄດ້ຮັບການເລືອກເຟັ້ນ. ບັນດາຮ່າງກົດໝາຍວ່າດ້ວຍການຈັດຕັ້ງສານປະຊາຊົນສູງສຸດ ແລະ ກົດໝາຍວ່າດ້ວຍໄອຍະການປະຊາຊົນ ຄວນໄດ້ຮັບການປັບປຸງໃຫ້ສຳເລັດໂດຍໄວ ເພື່ອຍື່ນສະເໜີຕໍ່ສະພາແຫ່ງຊາດໃຫ້ຄຳເຫັນ ທີ່ກອງປະຊຸມຄັ້ງທີ 7 ເຊິ່ງຈະຈັດຂຶ້ນໃນເດືອນ 05/2014.