(ພາບປະກອບ)
(vovworld) - ພາຍຫຼັງເຮັດວຽກມາເປັນເວລາ 4 ວັນ, ວັນທີ 11/12, ຢູ່ພະນົມເປັນ, ປະເທດກຳປູເຈຍ, ກອງປະຊຸມປະຈຳປີຄັ້ງທີ 8 ສະມັດຊາລັດຖະສະພາອາຊີ (APA 8) ໄດ້ສິ້ນສຸດລົງ, ດ້ວຍເລື່ອງອອກຖະແຫຼງການຮ່ວມພະນົມເປັນ, ຢືນຢັນຄຳໝັ້ນສັນຍາຊຸກຍູ້ສັນຕິພາບ, ການໄກ່ເກ່ຍປອງດອງ ແລະ ການເຈລະຈາຢູ່ອາຊີ, ປະກອບສ່ວນກໍ່ສ້າງສັນຕິພາບ, ສະຖຽນລະພາບຍາວນານ ແລະ ການພັດທະນາຢູ່ອາຊີ. ຖະແຫຼງການເນັ້ນໜັກວ່າການໃຊ້ຄວາມຮຸນແຮງ ແລະ ການກໍ່ການຮ້າຍແມ່ນບໍ່ອາດຄົງຕົວໄດ້ ບໍ່ວ່າໃນພື້ນຖານວັດທະນະທຳ, ສາສະໜາ ຫຼື ຊົນຊາດໃດ ແລະ ບໍ່ອາດອະໄພໄດ້. ຖະແຫຼງການກໍ່ຄັດຄ້ານເລື່ອງນຳໃຊ້ກຳລັງອາວຸດ, ສົງຄາມເພື່ອແກ້ໄຂຄວາມບໍ່ລົງລອຍກັນ ແລະ ການຂັດແຍ້ງກັນໃນການພົວພັນກັບສາກົນ. ຖະແຫຼງການເນັ້ນໜັກເຖິງຄວາມສຳຄັນຂອງການປະຕິບັດບັນດາຄາດໝາຍພັດທະນາສະຫັດສະວັດຂອງສະຫະປະຊາຊາດ; ປະຕິບັດບັນດາຂໍ້ລິເລີ່ມທີ່ທັນສະໄໝ ດ້ວຍການເຂົ້າຮ່ວມຂອງປະຊາຊົນທຸກຊັ້ນວັນນະໃນສັງຄົມ. ຖະແຫຼງການຢືນຢັນວ່າ ການເຄົາລົບບັນດາຫຼັກການຂອງກົດໝາຍສາກົນສະແດງໃຫ້ເຫັນໃນກົດບັດສະຫະປະຊາຊາດ ແລະ ບັນດາສົນທິສັນຍາອື່ນໆ ເພື່ອແກ້ໄຂການປະທະກັນຢູ່ໃນໂລກ.
ກ່າວຄວາມເຫັນທີ່ວາລະອັດ APA 8, ທ່ານປະທານສະພາແຫ່ງຊາດກຳປູເຈຍ ເຮັງຊຳຣິນ ຮຽກຮ້ອງບັນດາປະເທດສະມາຊິກ ປະຕິບັດຖະແຫຼງການຮ່ວມພະນົມເປັນ ແລະ ບັນດາມະຕິອື່ນໆ ເຊິ່ງກອງປະຊຸມໃຫຍ່ ໄດ້້ຮັບຮອງເອົາ.