(vovworld) - ວັນທີ 23/8, ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ຖະແຫຼງການເມື່ອວັນທີ 20/8 ຂອງຝ່າຍໄຕ້ຫວັນທີ່ຈະຊ້ອມຮົບດ້ວຍການຍິງລູກປຶນແທ້ຢູ່ເກາະບາບິ່ງ, ຂຶ້ນກັບໝູ່ເກາະເຈື່ອງຊາ ຂອງຫວຽດນາມ ໃນວັນທີ 1/9 ທີ່ຈະມາເຖິງ, ໂຄສົກກະຊວງການຕ່າງປະເທດຫວຽດນາມ Luong Thanh Nghi ຊີ້ແຈ້ງວ່າ.
“ພວກຂ້າພະເຈົ້າຄັດຄ້ານແຜນການດັ່ງກ່າວຂອງຝ່າຍໄຕ້ຫວັນ. ໄຕ້ຫວັນ ຈັດຕັ້ງການຍິງລູກປຶນແທ້ຢູ່ເກາະບາບິ່ງ, ຂຶ້ນກັບໝູ່ເກາະເຈື່ອງຊາ ຂອງຫວຽດນາມ ແມ່ນການກະທຳລະເມີດກົດໝາຍຢ່າງຮ້າຍແຮງເຖິງອະທິປະໄຕຂອງຫວຽດນາມ, ນາບຂູ່ຄວາມສັນຕິພາບ, ສະຖຽນລະພາບ, ຄວາມປອດໄພໃນການເດີນທະເລ, ເຮັດໃຫ້ສະພາບການຢູ່ທະເລຕາວັນອອກ ເພີ່ມຄວາມເຄັ່ງຕຶງ ແລະ ສັບສົນຂຶ້ນຕື່ມ. ພວກຂ້າພະເຈົ້າສະເໜີຝ່າຍໄຕ້ຫວັນ ຍຸບເລີກແຜນການດັ່ງກ່າວໂດຍທັນທີ່.”