ທ່ານນາງໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ

ໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ ໃຫ້ຮູ້ວ່າ: ຫວຽດນາມ ຊົມເຊີຍເລື່ອງ ສເກົາຫລີ ແລະ ສປປ ເກົາຫລີ ຈັດຕັ້ງການເຈລະຈາຂັ້ນສຸດຍອດໃນວັນທີ 27 ເມສາປີ 2018 ເພື່ອແນໃສ່ຊຸກຍູ້ການໂອ້ລົມສົນທະນາ, ຮັກສາສັນຕິພາບ, ຄວາມໝັ້ນຄົງຢູ່ ແຫລມເກົາຫລີ.

ເມື່ອຕອບຄຳຖາມຂອງນັກຂ່າວກ່ຽວກັບເລື່ອງອຳນາດການປົກຄອງ ອາເມລິກາ ຄິດໄລ່ຊັ່ງຊາ ເລື່ອງເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວຫນ້າຂ້າມປາຊີຟິກ (CPTPP), ໂຄສົກກະຊວງການຕ່າງປະເທດຫວຽດນາມ ໄດ້ເນັ້ນຫນັກວ່າ ສັນຍາຄູ່ຮ່ວມມືຮອບດ້ານ ແລະ ກ້າວຫນ້າຂ້າມປາຊີຟິກ (CPTPP) ແມ່ນສັນຍາການຄ້າເປີດ, ຕາມນັ້ນແລ້ວ ບັນດາພື້ນຖານເສດຖະກິດອາດຈະເຂົ້າຮ່ວມ CPTPP ພາຍຫລັງສັນຍາໄດ້ຮັບການຜັນຂະຫຍາຍ, ບົນພື້ນຖານຮັບຮູ້ບັນດາມາດຕະຖານສູງຂອງສັນຍາ ແລະ ຄວາມເຫັນດີເຫັນພ້ອມຂອງບັນດາປະເທດສະມາຊິກ.