ຫວຽດນາມຍາມໃດກໍ່ຖືເປັນສຳຄັນການພົວພັນຮ່ວມມືກັບບັງກຼາເທດ
(ທ່ານປະທານປະເທດເຈືອງເຕິ໋ນຊາງ)
(vovworld) – ໃນການຕ້ອນຮັບທ່ານເອກອັກຄະລັດຖະທູດບັງກຼາເທດປະຈຳຫວຽດນາມ Supradip Chakma ເຂົ້າຢ້ຽມອຳລາ, ເນືອງໃນໂອກາດສິ້ນສຸດການປະຕິບັດໜ້າທີ່ການທູດຢູ່ຫວຽດນາມ ໃນຕອນບ່າຍວັນທີ 25/11, ທ່ານປະທານປະເທດເຈືອງເຕິ໋ນຊາງໄດ້ຢືນຢັນວ່າ ຫວຽດນາມຍາມໃດກໍ່ຖືເປັນສຳຄັນການພົວພັນຮ່ວມມືກັບບັງກຼາເທດ. ທ່ານປະທານປະເທດຖືວ່າ, ການຮ່ວມມືທາງດ້ານເສດຖະກິດ ການຄ້າລະຫວ່າງສອງປະເທດໄດ້ມີບາດກ້າວພັດທະນາ, ບັນລຸປະມານ 300 ລ້ານ USD, ແຕ່ບໍ່ທັນເໝາະສົມກັບຄວາມສາມາດບົ່ມຊ້ອນ. ທ່ານປະທານປະເທດສະເໜີໃຫ້ສອງຝ່າຍກວດກາບັນດາສັນຍາ, ຂໍ້ຕົກລົງທີ່ໄດ້ລົງນາມ, ຈາກນັ້ນສ້າງເງື່ອນໄຂເປີດກວ້າງກາລະໂອກາດຮ່ວມມືລົງທຶນເພື່ອຍົກສູງວົງເງິນການຄ້າສອງສົ້ນຂຶ້ນ 1 ຕຶ້ USD . ທ່ານປະທານປະເທດ ສະເໜີຫວຽດນາມ ແລະ ບັງກຼາເທດ ສືບຕໍ່ສົມທົບກັນຢ່າງແໜ້ນແຟ້ນໃນຂົງເຂດຕ່າງໆ, ໂດຍສະເພາະແມ່ນເພີ່ມທະວີການແລກປ່ຽນຄະນະຜູ້ແທນຂັ້ນສູງ, ຍູ້ແຮງການຮ່ວມມືດ້ານເສດຖະກິດ, ພ້ອມທັງສະໜັບສະໜູນເຊິ່ງກັນ ແລະ ກັນໃນເວທີປາໄສພາກພື້ນ ແລະສາກົນ. ສ່ວນທ່ານເອກອັກຄະລັດຖະທູດ Supradip Chakma ຖືວ່າ, ຝ່າຍບັງກຼາເທດ ປາດຖະໜາຢາກແລກປ່ຽນ, ແບ່ງປັນບົດຮຽນກັບຫວຽດນາມ ເພື່ອຮັບປະກັນໃຫ້ບັນຫາຄວາມປອດໄພດ້ານທັນຍາຫານ.