ຫວຽດນາມແລະຟຣັ່ງເພີ່ມທະວີການຮ່ວມດ້ານກົດໝາຍແລະຕຸລາການ
ທ່ານລັດຖະມົນຕີກະຊວງຍຸຕິທຳ ຮ່າຮູ່ງເກື່ອງ ແລະ ປະທານສະພາທະບຽນສານສູງສຸດ ຝຣັ່ງ ທ່ານ Jean Tarrade
(ພາບ: Bích Hà/Vietnam+)
(vovworld) - ຄະນະພະນັກງານຍຸຕິທຳລະຫວ່າງຂະແໜງຂອງ ຫວຽດນາມ ໂດຍທ່ານລັດຖະມົນຕີກະຊວງຍຸຕິທຳ ຮ່າຮູ່ງເກື່ອງ ນຳໜ້າ, ພ້ອມກັບບັນດາພະນັກງານຂອງກຳມາທິການຍຸຕິທຳຂອງ ສະພາແຫ່ງຊາດ, ກຳມາທິການກົດໝາຍຂອງສະພາແຫ່ງຊາດ, ຫ້ອງວ່າການສະພາແຫ່ງຊາດ ແລະ ກະຊວງຍຸຕິທຳ ຢ້ຽມຢາມ ແລະ ເຮັດວຽກຢູ່ ຝຣັ່ງແຕ່ວັນທີ 22 – 25/2.
ວັນທີ 24/2, ຄະນະມີການເຮັດວຽກກັບສະພາທະບຽນສານສູງສຸດ ຝຣັ່ງ ແລະ ກຳມາທິການກົດໝາຍຂອງ ສະພາສູງປະເທດນີ້. ຕອນບ່າຍວັນດຽວກັນ, ທ່ານລັດຖະມົນຕີ ຮ່າຮູ່ງເກື່ອງ ແລະ ປະທານສະພາທະບຽນສານສູງສຸດ ຝຣັ່ງ ທ່ານ Jean Tarrade ໄດ້ລົງນາມ ບົດບັນທຶກຊ່ວຍຈຳການຮ່ວມມືປີ 2014 ສະບັບເພີ່ມເຕີມລະຫວ່າງກະຊວງຍຸຕິທຳ ຫວຽດນາມ ແລະ ສະພາທະບຽນສານສູງສຸດ ຝຣັ່ງ.
ໃນວັນທີ 25/2, ທ່ານລັດຖະມົນຕີ ຮ່າຮູ່ງເກື່ອງ ມີການເຮັດວຽກກັບກຳມາທິການກົດໝາຍຂອງສະພາແຫ່ງຊາດ ແລະ ສະພາແຫ່ງລັດ ຝຣັ່ງ, ເຊັນເອກະສານຮ່ວມມືລະຫວ່າງ ກະຊວງຍຸຕິທຳ ແລະ ສະພາແຫ່ງລັດ. ນອກຈາກນັ້ນແລ້ວ, ທ່ານລັດຖະມົນຕີ ຮ່າຮູ່ງເກື່ອງ ຍັງມີການເຈລະຈາກັບຄູ່ຕຳແໜ່ງ, ລັດຖະມົນຕີກະຊວງຍຸຕິທຳ ຝຣັ່ງ, ທ່ານນາງ Christiane Taubira ແລະ ເຮັດວຽກກັບສານດຳເນີນຄະດີ ປາຣີ.